Efesios 3:10 - Dios Rimashca Shimicunami

¹⁰ Shinallataj Diospaj tucui laya yachaitaca jahua pacha llajtacunapi poderyujcunaman, mandanata charijcunamanpish tandanacushca crijcunapi ricuchingapajmi curca.

Mushuj Testamento Diospaj Shimi

¹⁰ Taita Diosca, Pai tucuita yachaj cashcataca, jahua huairapi mandajcunamanpish, mandai tucunata charijcunamanpish, tandanacushca crijcunapimari ricuchina tucushca.

Efesios 3:10 Iomraidhean Croise

SALMOS 103:20

Cancuna Mandaj Diospaj angelcuna, paita allimari cangui nichigari. Cancunaca pai imata nishcata pajtachingapaj fuerzasapacuna cashcamanta, pai mandashcata cazushpa paipaj shimi nishcata rurajcunami canguichij.

SALMOS 104:24

¡Mandaj Dioslla, quiquin rurashcacunaca mana yupai tucuipajmari! Tucui chaicunataca quiquinpaj yachaihuanmari rurashcangui. Cai pachaca quiquin rurashcacunahuan jundamari.

EZEQUIEL 3:12

Chaimantaca Diospaj Espiritumi ñucata jatarichirca. Ñapish huashamantaca sinchita caparishpa cashna nishcami uyarirca: “Mandaj Dios sumaj cashcataca, pai causacunmantataj alli nishca cachun” nishpa rimashcami uyarirca.

Romanos 11:33

¡Diosca tucuita yalli yachaj canata, yuyaiyuj canata yallitaj charijmari! ¡Pai imata yuyacushcatapish, pi mana yachai tucunchu! ¡Pai imata ruracushcatapish, pi mana entendi tucunchu!

Romanos 8:38

Chaimanta caitaca allitajmi yachani: Huañuipish, causaipish, angelcunapish, punta mandajcunapish, poderyujcunapish, cunan punllacunapish, shamuj punllacunapish,

1 Corintios 1:24

Shina cajpipish Dios cayashcacunapajca, judiocunapaj cashpa, griegocunapaj cashpapish, Cristoca Diospaj podermi, paipaj yachaipishmi.

1 Corintios 2:7

Ashtahuanpish Diospaj pacallapi tiyacuj yachaimantami huillacunchij. Paipaj pacallapi caj yachaitaca, ñucanchijta sumajyachingapajmi cai pacha manaraj tiyajpi ña charicushca.

Efesios 1:21

Poderyujcunapaj, mandanata charijcunapaj, poderhuan mandajcunapaj, tucui laya shutichishcacunapaj jahuapipishmi paica mandacun. Mana cunan punllacunallapichu, ashtahuanpish q'uipa punllacunapipishmi mandanga.

Efesios 1:23

Crijcunaca paipaj cuerpomi, paillatajmi tucuicunapi yallijta jundan.

Efesios 1:3

Ñucanchijta Mandaj Jesucristopaj Yaya Diostaca, alli nishca cachun. Cristomantami jahua pacha llajtacunapi tiyaj allicunata ñucanchijmanca cushca.

Efesios 1:8

Chai jahuami, ñucanchijmanca tucui yachaisapa canata, yuyaisapa canatapish yallitaj curca.

Efesios 6:12

Ñucanchijca yahuaryuj, aichayujhuanca mana macanacucunchijchu. Ashtahuanpish jahua huairapi purishpa mandacuj millai supaicunahuanmi macanacucunchij. Chaicunami cai pacha amsapaj cajcunata mandashpa mana allita rurachicun.

Colosenses 1:16

Diosca jahua pachapi, cai pachapi tucui imalla tiyajta, mana ricuipajcunata, ricuipajcunatapish paipaj Churihuanmi rurarca. Shinallataj jatun mandajcunata, uchilla mandajcunata, ñahuihuan mana ricuipaj mandajcunata, poderyujcunata, tucuicunatami paipaj Churipaj cachun paillahuantaj rurarca.

Colosenses 2:10

Cancunapish Cristohuan shujlla cashcamantaca, tucui pai ima shina cashcatami charinguichij. Paica tucui punta mandajcunapaj, poderyujcunapaj umami.

Colosenses 2:15

Cristota cruzpi chacatashpa, tucuita mishashpami punta mandajcunatapish, mandanata charijcunatapish anchuchishpa tucuicunata paipaj ñaupajpi cumurichirca.

1 Timoteo 3:16

Ñucanchij crishcaca pi mana yachashca, yallitaj jatunmari. Chaitaca mana chashnachu nishpa, pi mana ni tucunchu: Taita Diosca, aichayuj tucushpami ricurishca. Espiritupish cashcata rurajmi nircami. Angelcunaca ricurcacunami. Mana judiocunamanpish paimantaca huillarcacunami. Cai pachapica, crircacunami. Sumaj jahua pachapica chasquishcami carca.

1 Pedro 1:12

Profetacuna chashna yuyacujpipish Diosllatajmi paicuna yachashun nicushcaca mana paicunapaj cashcata, ashtahuanpish ñucanchijpaj cashcata ricuchishca. Chai profetacuna huillacushcataca jahua pachamanta cachashca Jucha Illaj Espíritu huillachijpimi, alli huillaita cancunaman cunan huillacuncuna. Caicunataca jahua pacha angelcunapishmi yachaiman yuyacuncuna.

1 Pedro 3:22

Paica jahua pachaman huichiyashpami, Diospaj alli ladopi tiyacun. Chaipica paitami angelcuna, mandajcuna, poderyujcunapish cazucuncuna.