Efesios 2:8 - Dios Rimashca Shimicunami

⁸ Crishcamantami mana c'uyaipajta c'uyashpa quishpichishcacuna canguichij. Mana cancunallatajchu quishpirircanguichij. Ashtahuanpish chaica, Dios cushcallami.

Mushuj Testamento Diospaj Shimi

⁸ Mana cancunallatajchu quishpirishca canguichij. Mana cʼuyaipajta Taita Dios cʼuyajpi, crishcallamantami quishpichishca canguichij. Chaimanta, chaica Dios cushcallami.

Efesios 2:8 Iomraidhean Croise

Mateo 16:17

Shina nijpi Jesusca: –Jonaspaj churi Simón, chaitaca mana aichayuj, yahuaryuj runachu ricuchishca, ashtahuanpish jahua pachapi caj ñuca Yayami ricuchishca. Chaimanta cushichishcami cangui.

Mateo 20:9

Pichca horas chishita pallai callarijcunaraj cayajpi shamushpaca, tucuicunami shuj denario, shuj denario chasquircacuna.

Marcos 16:16

Alli huillaita maijanpish crishpa bautizarijtaca quishpichishcami canga. Ashtahuanpish mana crijtaca, jatun llaquiman cachashcami canga.

Lucas 7:50

Ashtahuanpish Jesusca chai huarmitaca: –Canca crishcamantami quishpichishca cangui, sumajta causagrilla– nirca.

Juan 3:36

Maijanpish Churita crijca, huiñai causaitami charin. Ashtahuanpish Churita mana crijca, huiñai causaitaca mana charinchu. Taita Diosca paitaca p'iñacunllami.

Juan 4:10

Chaimi Jesusca: –Taita Dios canman cusha nishcata yachashpaca: “Yacuta ñucaman cuhuai” nicujca pi cashcata yachashpaca, canmari paitaca yacuta cuhuai ninguiman. Paica causaita cuj yacutami canmanca cunman– nijpimi,

Juan 5:24

Pipish ñuca shimita uyashpa, ñucata cachaj Yayata crijca huiñai causaitami charin. Huañushca cashpapish huiñai causaiman ch'imbashca cashcamanta jatun llaquimanca manataj ringachu. Chaica chashnatajmi.

Juan 6:35

Chaimi Jesusca: –Causaita cuj tandaca ñucami cani. Pipish ñucapajman shamushpa crijca manataj yaricachingachu, manataj yacunachingachu.

Juan 6:37

Ñuca Yaya agllashcacunallami ñucapajmanca shamunga. Ñucapajman shamujtaca mana tigrachishpa cachashachu.

Juan 6:40

Ñucata cachaj Yayapaj munaica caimi: Maijanpish Churita ricushpa paita crijca, huiñai causaita charichunmi munan. Tucuri punllapica ñucami paicunataca causachisha– nircami.

Juan 6:44

Ñucata cachaj Yaya mana pushamujpica, ñucapajmanca pi mana shamui tucunchu. Paicunataca tucuri punllapica causachishami.

Juan 6:65

Chaita yachashpami cashna nirca: –Cancunamanca ñuca Yaya crina yuyaita mana cujpica, pipish ñucapajmanca mana shamui tucunchu nircani– nircami.

Hechos 13:39

Moisés Mandashcata rurashcallahuanca mana justificashca cai tucurcanguichijchu. Jesucristota crijcunataca tucuicunatami, Taita Diosca justifican.

Hechos 14:27

Chaiman chayashpaca, tandanacushca crijcunata tandachishpami, Taita Diosca jatun allicunata paicunahuan rurashcata, mana judiocuna crichun punguta pascaj shina paicunapaj yuyaita pascashcatapish parlarcacuna.

Hechos 15:11

Ñucanchijtaca Mandaj Jesusca mana c'uyaipaj cajpipish crijllapimi quishpichirca. Paicunatapish chashnallataj crijllapimi quishpichin– nircami.

Hechos 16:14

Chai huarmicunapurapica Tiatira pueblomanta Lidia shuti huarmimi ñucanchij huillashcataca uyacurca. Paica Taita Diosta adoraj, morado sumaj linsocunatapish c'atujmi carca. Pablo huillashcata chasquichunmi Mandaj Jesusca chai huarmipaj shunguta pascarca.

Hechos 16:31

paicunaca: –Mandaj Jesucristota cri. Canpish, cambaj tucui huasi ucu familiapish chashna rurashpaca quishpiringuichijmi– nircacuna.

Romanos 10:14

Paita manaraj crij cashpaca ¿ima shinataj paitaca mañangacunari? Manaraj paimanta uyashpaca ¿ima shinataj cringacunari? Pi manaraj huillajpica ¿ima shinataj uyangacunari?

Romanos 10:17

Chashna cajpica crinaca huillashcata uyashcamantami shamun, chai uyashcaca Diospaj Shimimanta huillashcami.

Romanos 4:16

Chaimanta Dios cusha nishcataca, mana c'uyaipajta c'uyashpa cushca cachunmi, crijllapi pajtachin. Chaica Abrahampaj tucui huahua huahuacunapaj chashnataj cachunmi chashnaca pajtachin. Mana Mandashcata pajtachijcunapajllachu, ashtahuanpish Abraham crishca shina crijcunapajpishmi chashna pajtachin. Chaimantami Abrahamca tucui ñucanchijpaj yaya.

Romanos 4:5

Diosta mana manchaj cajpipish, justificaj Diospi crijpica, imata mana rurajpipish, pai crishcamantami justificashpa chasquin.

Romanos 9:16

Chashna cajpica maijanpish mana pai munashcamantachu, mana pai ima allita rurashcamantachu agllan, ashtahuanpish Dios llaquij cashcallamantami agllan.

Gálatas 3:14

Abrahamman cushca allicunaca, Cristo Jesusmanta mana judiocunapajman chayachun, cusha nishca Espirituta, ñucanchijpish crishpa chasquichunmi chashna tucurca.

Gálatas 3:22

Ashtahuanpish Jesucristopi crijpi, Dios cusha nishcata crijcunaman cushca cachunmi, Mandashcaca jucha ucupi tucuicunata huichcarca.

Efesios 1:19

Shinallataj mana ch'imbapuraipaj paipaj jatun poderta ñucanchij crijcunaman cushcaca, tucui imatapish rurai tucuj poder cashcata ricuchichunmi mañacuni.

Efesios 2:10

Ñucanchijca Dios rurashcami canchij. Allicunata rurachun Cristo Jesuspi mushujyachishcacunami canchij. Chashna allicunata rurashpa purichunmi, Diosca ñaupaman allichirca.

Efesios 2:5

Juchapi ñucanchij huañushca cajpipish, Cristohuan shujllata rurashpami, ñucanchijtaca causachirca. (Mana c'uyaipaj cajpipish c'uyashpa quishpichishcacunami canguichij).

Filipenses 1:29

Cancunamanca Cristota crinallataca mana curcachu. Ashtahuanpish paimanta llaquita apanatapishmi curca.

Colosenses 2:12

Cancunaca Cristopaj bautizmopimi, paihuan pambashca carcanguichij. Huañushcacunapaj chaupimanta Diospaj poderhuan causachishcata crishcamantami, paihuan causarircanguichij.

2 Tesalonicenses 1:9

Paicunaca huiñaipaj tucuchij llaquipimi llaquita apangacuna. Mandaj Jesuspaj ñaupajmanta paipaj sumaj podermantapish canllaman shitashcami cangacuna.

Hebreos 6:4

Maijancunaca Dios achijyachijpimi jahua pachamanta Dios cushca ima shina cashcataca yacharcacuna. Paicunaca Diospaj Jucha Illaj Espíritu cushcatapish chasquircacunami.

1 Pedro 1:5

Cancunaca crishcamantami Diospaj maquipi huaquichishca canguichij. Pai quishpichishcata tucuri punllapi ricuchingacamami chashna huaquichishca canguichij.