Biblia Todo Logo
Bìoball air-loidhne

- Sanasan -




Efesios 2:7 - Dios Rimashca Shimicunami

7 Paipaj mana c'uyaipajta c'uyaj canahuan yallitaj charij cashcata shamuj punllacuna, Cristo Jesusmanta ñucanchijman ricuchingapajmi chaipi tiyachirca.

Faic an caibideil Dèan lethbhreac

Mushuj Testamento Diospaj Shimi

7 Taita Diosca, chashna imahuan mana chʼimbapuraipaj, yallitaj cʼuyajmari. Chashna mana cʼuyaipajta cajpipish Jesusmanta jatun cʼuyaita ñucanchijpi tucui tallishcataca, shamuj punllacunapimari ricuchingapaj tiyacun.

Faic an caibideil Dèan lethbhreac




Efesios 2:7
13 Iomraidhean Croise  

Mandaj Diosca alli nishca cachun. Israelcunapaj Taita Diosca huiñaimanta huiñaicama alli nishca cachun. Chaitaca tucuicuna: “Chashna cachun” nichigari. Mandaj Diostaca alabaichigari.


Mandaj Diostaca alli nishca cachun. Israelcunapaj Diostaca huiñai huiñaita alli nishca cachun. Chashna cachun. Chashna cachun.


Ñuca shitashca, p'iñashca, canpica pi mana purishca cashca cajpipish cantaca huiñaipaj jatun nishca, huahua huahua cushicunatami rurasha.


¿Paica alli canata, mana utca p'iñarij canata, millaita rurajpipish mana utca llaquichij canata achcata charij cashcatachu yanganchingui? Mana cashpaca, paica paipaj alli cashcahuan cutirinaman pushacushcatachu mana yachashca shina tucungui.


Diosca, mana c'uyaipajta c'uyaj canata charij cashcahuanmi, juchacunata perdonashpa, Cristopaj yahuarhuan cutin randishpa quishpichirca.


Ashtahuanpish Diosca llaquij canapi charij cashpami, paipaj jatun c'uyaihuan ñucanchijtaca c'uyarca.


Chaimanta Cristo Jesuspi tandanacushca crijcunapica, tucui huahua huahuacuna paitaca, huiñai huiñaita jatunyachishca cachun. Chashna cachun.


Pi mana yachashcata ñaupaca piman mana yachaj chayachishcata cunanca, paipaj jucha illaj apostolcunaman, profetacunaman paipaj Espirituhuanmi ricuchirca.


Chashnami ñucanchijta Mandaj Jesucristopaj shutica, cancunapi jatunyachishca canga. Cancunapish ñucanchij Taita Diospaj, Mandaj Jesucristopaj mana c'uyaipajta c'uyaimantaca paipimi sumajyachishca canguichij.


Chashna cajpipish ñucanchijta Quishpichij Diosca, alli cashcata, c'uyaj cashcata tucuicunaman ricuchishpami,


Profetacuna chashna yuyacujpipish Diosllatajmi paicuna yachashun nicushcaca mana paicunapaj cashcata, ashtahuanpish ñucanchijpaj cashcata ricuchishca. Chai profetacuna huillacushcataca jahua pachamanta cachashca Jucha Illaj Espíritu huillachijpimi, alli huillaita cancunaman cunan huillacuncuna. Caicunataca jahua pacha angelcunapishmi yachaiman yuyacuncuna.


Lean sinn:

Sanasan


Sanasan