Efesios 2:5 - Dios Rimashca Shimicunami

⁵ Juchapi ñucanchij huañushca cajpipish, Cristohuan shujllata rurashpami, ñucanchijtaca causachirca. (Mana c'uyaipaj cajpipish c'uyashpa quishpichishcacunami canguichij).

Mushuj Testamento Diospaj Shimi

⁵ Chaimantami, Diosca juchapi ñucanchij huañushca cajpiraj, Cristota cacharca. Paimi causaita curca. ¡Cancunaca mana cʼuyaipajcuna cajpipish Dios chashna cʼuyashcamantamari, quishpichishca canguichij!

Efesios 2:5 Iomraidhean Croise

Lucas 15:24

Cai ñuca churica huañushcami carca, cunanca causarishcami. Chingarishcami carca, cunanca tigramushcami” nishpami, yallitaj cushicui callarircacuna.

Juan 5:21

Ima shinami Yayaca, huañushcacunataca causaita cushpa causachin, chashnallatajmi Churipish pai cusha nishcacunaman causaita cun.

Juan 6:63

Taita Diospaj Espiritumi causaita cujca, aichaca causaitaca mana cunchu. Cancunaman ñuca huillashca shimicunaca causaita cuj Espiritumi.

Hechos 15:11

Ñucanchijtaca Mandaj Jesusca mana c'uyaipaj cajpipish crijllapimi quishpichirca. Paicunatapish chashnallataj crijllapimi quishpichin– nircami.

Romanos 16:20

Sumaj causaita cuj Taita Diosca, Satanastaca cancunapaj chaqui ucupimi saruchun ñalla churanga. Ñucanchijta Mandaj Jesucristopaj mana c'uyaipajta c'uyaj canaca, cancunahuan cashca cachun.

Romanos 3:24

Ashtahuanpish Diosca mana c'uyaipajta c'uyaihuanmi cashcata rurajta rurarca. Cristo Jesús cacharichijpimi cashcata ruraj tucurcanchij.

Romanos 4:16

Chaimanta Dios cusha nishcataca, mana c'uyaipajta c'uyashpa cushca cachunmi, crijllapi pajtachin. Chaica Abrahampaj tucui huahua huahuacunapaj chashnataj cachunmi chashnaca pajtachin. Mana Mandashcata pajtachijcunapajllachu, ashtahuanpish Abraham crishca shina crijcunapajpishmi chashna pajtachin. Chaimantami Abrahamca tucui ñucanchijpaj yaya.

Romanos 5:10

Diosta p'iñajcuna cajpipish, paipaj Churi huañushcamantami, Diosca ñucanchijhuan alli tucurca. Ashtahuancarin ña alli tucushca cashcamantaca, Jesús causacushcamantaca quishpichishcami cashun.

Romanos 5:6

Cristoca ñucanchijllataj mana quishpiripaj cajpimi, pai huañuna punlla chayajpica, Diosta mana rijsijcunamanta huañurca.

Romanos 5:8

Ashtahuanpish ñucanchijca juchayujcuna cajpiraj Cristo ñucanchijmanta huañujpimi, Diosca ñucanchijta c'uyaj cashcataca ricuchin.

Romanos 8:2

Cristo Jesuspi causaita cuj Espíritu mandashcami, ñucataca juchapajta rurachijmanta, huañuimantapish cacharichirca.

2 Corintios 13:14

Mandaj Jesucristopaj mana c'uyaipajta c'uyaj canapish, Taita Diospaj c'uyaipish, jucha illaj Espiritumanta shujlla canapish tucui cancunahuan cashca cachun. Chashna cachun.

Efesios 2:1

Cancunapaj millai juchacunapi huañushcacuna cajpipish, Diosmi cancunaman causaita curca.

Efesios 2:8

Crishcamantami mana c'uyaipajta c'uyashpa quishpichishcacuna canguichij. Mana cancunallatajchu quishpirircanguichij. Ashtahuanpish chaica, Dios cushcallami.

Efesios 5:14

Chaimanta: “Dormicuj rijchari, huañushcacunapaj chaupimanta jatari. Cristomi cantaca achijyachinga” ninmi.

Colosenses 2:13

Cancunaca juchamantapish, aichapi mana circuncisionta rurachishcamantapish huañushcami carcanguichij. Chashna cajpipish, tucui juchacunata perdonashpami, Cristohuan shujllata rurashpa causachirca.

Tito 2:11

Diosca tucui cai pachapi causajcunata quishpichingapajmi paipaj mana c'uyaipajta c'uyaitaca ricuchirca.

Tito 3:5

ñucanchijtaca quishpichirca. Mana ñucanchij ima allicunata rurashcamantachu quishpichirca. Ashtahuanpish ñucanchijta pai llaquishcamantami, paipaj Jucha illaj Espirituhuan maillashpa cutin huacharishcata rurashpa mushujyachirca.

Apocalipsis 22:21

Ñucanchijta Mandaj Jesucristopaj mana c'uyaipajta c'uyaj canaca tucui cancunahuan cashca cachun. Chashna cachun.