Efesios 2:3 - Dios Rimashca Shimicunami

³ Ñaupa punllacunaca tucui ñucanchijpish aicha munaicunapi purishpami, aichapaj munaita rurashpa, yuyashcata rurashpa, millaita rurajcunapurapi causarcanchij. Shujtajcuna shinallatajmi ñucanchijpish huachari pachamanta, Dios p'iñarishpa llaquichina huahuacuna carcanchij.

Mushuj Testamento Diospaj Shimi

³ Ñucanchijpish ñaupaca, paicunapurallatajmi carcanchij. Chaimantami paicuna shinallataj, quiquin aicha munashcata pajtachircanchij. Quiquin aicha munashcataca, yuyaiman shamushcatami, chaitataj rurashpa causarcanchij. Chaimantami paicuna shinallataj, Dios pʼiñarishpa jatunta llaquichinapajlla puricurcanchij.

Efesios 2:3 Iomraidhean Croise

GÉNESIS 5:3

Adanca, 130 huatayuj cashpami paiman rijchaj, paitajlla shuj c'ari huahuata charirca. Chai huahuataca Settami shutichirca.

GÉNESIS 6:5

Cai pachapi causajcunapaj ruraicunaca yallitaj millai cashcatami Mandaj Diosca ricurca. Paicunapaj shungupica yallitaj millaita ruracunalla yuyaihuan jundami carca.

GÉNESIS 8:21

Mandaj Diosca chai cushcacuna paipajca mishquijlla cajta chasquishpami, paipaj shungupica cashna nirca: “Cunanca cai pachapi causajcuna millaita rurashcamantaca cunan llaquichishca shinaca mana llaquichishachu. Cai pachapi causajcunaca huambramanta pachami millaita rurana yuyailla causancuna. Chashna cajpipish cunan llaquichishca shinaca causaiyuj caj tucuicunataca mana chashnaca llaquichishachu.

JOB 14:4

¿Juchata rurashcataca pi pichari tucuipajchu? Pitaj chaitaca pichari tucungari.

JOB 25:4

¿Runaca Taita Diospaj ñaupajpica, ima shinataj juchachina illajca cai tucungari? Huarmimanta huacharishca runaca ¿ima shinataj mapa illajca cangari?

SALMOS 51:5

Ñucaca mamapaj huijsapi tiyarishca pachamantami millai cashcani. Ñuca mamaca juchayujtami chichushca.

ISAÍAS 53:6

Tucui ñucanchijca caita chaita rishca ovejacuna shinamari ch'icanyashcanchij. Cada quiquinmi quiquin ñanta rishcanchij. Ashtahuanpish Mandaj Diosca, tucui ñucanchij juchacunataca paimanmari apachirca.

Marcos 4:19

Ashtahuanpish cai pachapi ima shinalla rurajcuna rurashca shina charijyana yuyaicunahuan umarinami. Shinallataj shujtajcuna charishcata munanacunami. Huillashca Shimitaca chai yuyaicuna tapajpimi, paicunapaj causaipica imata mana granon.

Juan 1:13

Taita Diospaj huahua tucungapajca mana huahuacuna huacharij shina aicha munaimanta, c'arita munashcamantachu huacharirca. Ashtahuanpish Taita Diospaj munaimantami huacharirca.

Juan 8:44

Cancunapaj yayaca diablomari. Paipaj munaillatami rurashun ninguichij. Paica callarimanta huañuchijmi, yallitaj jatun llullami. Tucui pai nishcacunaca llullami. Llullashpaca pai ima shina cashca shinallatajmi llullan. Llullata callarichij cashcamanta llullapaj yayami.

Hechos 14:16

Taita Diosca ñaupa huatacunaca, tucuicuna paicuna munashca ñancunapi purichunmi saquishca.

Romanos 1:24

Chaimantami Taita Diosca, paicunapaj shungu munashca shina aicha munaicunata rurachun mapapi saquirca. Chaimi caishuj chaishuj, paicunapaj cuerpocunallatataj pinganayajta rurashpa llaquichirinacurcacuna.

Romanos 11:30

Cancunapish ñaupaca, Diosta mana cazujcunami carcanguichij. Ashtahuanpish cunanca israelcuna mana cazushcamantami, Dios llaquishca canaman chayashcanguichij.

Romanos 13:14

Chaipaj randica Mandaj Jesucristota churarichij. Aicha munaicunata rurashpa cushicujcunaca ama caichijchu.

Romanos 2:14

Mandashcata mana charij mana judiocunaca, Mandashca rurachun nishcataca paicunallapitaj tiyajpimi rurancuna. Paicunaca Mandashcata mana charishpapish paicunallatajmi Mandashca libroca tucun.

Romanos 5:10

Diosta p'iñajcuna cajpipish, paipaj Churi huañushcamantami, Diosca ñucanchijhuan alli tucurca. Ashtahuancarin ña alli tucushca cashcamantaca, Jesús causacushcamantaca quishpichishcami cashun.

Romanos 5:9

Tucuimanta yallica Cristopaj yahuarhuan justificashcacunami canchij. Chashna cashpami, Dios p'iñarishpa llaquichinamantaca quishpichishca cashun.

Romanos 6:12

Cancunapaj huañujlla cuerpota, jucha mandachunca ama saquichijchu. Chaimanta aicha munaicunataca ama cazuichijchu.

Romanos 7:18

Ñuca aichapica, ima alli mana causashcatami yachani. Chaimantami allita rurana munai ñucapi tiyajpipish, mana rurai tucuni.

Romanos 9:22

Diospish pai p'iña cashcata, paipaj poderta ricuchisha nicushpapish, p'iñarishpa chingachingapaj rurashca vasocunataca ¿ima nishpataj mana utca chingachishpa shuyacunlla?

1 Corintios 4:7

Chashna cajpica ¿pitaj cantaca caishujta yalli jatunyachin? ¿Can charishcacunataca manachu tucuita Dios cushca? Pai cushcallata charishpaca ¿ima nishpataj canllataj charishca shina jatun tucungui?

2 Corintios 7:1

Chaimanta c'uyashcacuna, Dios cushami nishcacunata charishcamantaca, ñucanchij aichatapish, yuyaitapish mapayachicujtaca tucui anchuchishunchij. Diosta manchashpa, tucui jucha illaj tucungacama paipajlla alli causashunchij.

Gálatas 3:22

Ashtahuanpish Jesucristopi crijpi, Dios cusha nishcata crijcunaman cushca cachunmi, Mandashcaca jucha ucupi tucuicunata huichcarca.

Efesios 2:2

Ñaupa punllacunaca cai pacha munaicunata catishpami, huairapi mandaj munashcata rurashpa, chaipi purircanguichij. Cunanca mana cazujcunapimi, chai espirituca millaita rurachicun.

Efesios 4:22

Ñaupa ima shina causashca, mauca causaitaca saquichij. Chai causaica, umaj munaicunahuan ismushpa tucuricujmi.

Colosenses 1:21

Cancunapish sarunmanca cancunapaj yuyaicunamanta, cancunapaj mana alli ruraicunamanta Diosmanta caruyashcacuna, Diosta p'iñajcunami carcanguichij. Cunanca paihuan alli tucushcacunami canguichij.

1 Tesalonicenses 4:13

Huauquicuna, huañushcacuna ima tucuna cashcata mana yachaj caishujcuna shina llaquilla cachunca mana munanchijchu. Ashtahuanpish yachajcuna cachunmi munanchij.

1 Tesalonicenses 5:6

Chaimanta shujtajcuna shina dormicujcunaca ama cashunchij. Ashtahuanpish chaparashpa, alli yuyaihuan cashunchij.

1 Timoteo 6:9

Charijyashun nijcunaca mana allita rurana yuyaicuna shamujpi urmashpaca, cutinllatajmi ch'ahuanyachij yuyaipi huatashca tucun. Chai ch'ahuanyashca llaquichij yuyaicunami runacunataca llaquichishpa, tucurinapi, chingarinapi huashicuchin.

Tito 3:3

Ñucanchijpish ñaupaca yuyai illajcuna, mana cazujcuna, chingarishcacuna, aichata cushichingapaj tucui shina ruranacunapi huatashcacunami carcanchij. Millai shungucuna, shujtajpaj charishcata munajcuna, shujtajcuna p'iñashcacuna, caishujmanta chaishujmanta p'iñanacujcunami carcanchij.

1 Pedro 1:14

Alli cazuj huahuacuna shina caichij. Ñaupa manaraj yachashpa ruracushca mapa munaicunataca ama ruraichijchu.

2 Pedro 2:14

Ñahuicunapish huainayanahuan jundami. Juchallinataca mana amincunachu. Manaraj alli yachajcunatapish millaita rurana yuyaita cushpa, millaita rurachijcunami. Paicunapaj shungucunaca aicha munaipi amañarishcacunami. Paicunaca yallitaj millaicunami.

2 Pedro 2:18

Paicunaca uyanajlla yanga shimicunata rimashpami, mana allita ruracushcamanta llujshishcacunataca aicha munaita rurana yuyailla canata cushpa pandachincuna.

1 Juan 2:16

(Aicha munaicuna, ñahui ricushpa munanacuna, charinacunahuan jatun tucuna) cai pachapi ima tiyajcunaca, mana Diosmantachu, cai pachamantami shamun.

1 Juan 2:8

Shina cajpipish shujtaj mushuj mandashcata shinami cancunamanca quillcani. Paipi tiyaj mana llullajmi cancunapipish tiyan. Amsaca chingaricunmi. Achijyachijtaj luzca ñami achijyachicun.