Efesios 2:2 - Dios Rimashca Shimicunami

² Ñaupa punllacunaca cai pacha munaicunata catishpami, huairapi mandaj munashcata rurashpa, chaipi purircanguichij. Cunanca mana cazujcunapimi, chai espirituca millaita rurachicun.

Mushuj Testamento Diospaj Shimi

² Ñaupaca, huairapi mandajpaj munaillatami caźuj carcanguichij. Chaimantami cai pachapaj cajcuna shinallataj, mana allita rurashpa causarcanguichij. Cunanpish chai millai supaica, Diosta mana caźujcunatami mandashpa, millaillata rurachicun.

Efesios 2:2 Iomraidhean Croise

JOB 1:16

Chai runa manaraj tucui huillajpimi, shujtaj runa chayamushpaca cashna nirca: –Taita Diospaj ninami jahua pachamanta urmashpa ovejacunatapish, michijcunatapish tucui rupachin. Chaita huillangapajca ñucallamari quishpirimuni– nishpami huillarca.

JOB 1:19

Chaimantaca ñapish shitashca pambamanta jatun acapana shamushpa, huasi esquinacunapi huajtarishpa cuyuchijpimi, cambaj churicunataca huasi llapishpa huañuchirca. Chaita huillangapajca, ñucallamari quishpirimuni– nishpami huillarca.

JOB 1:7

Chaipimi Mandaj Diosca Satanastaca cashna tapurca: –¿Maimantataj shamungui?– nijpi Satanasca, Mandaj Diosmanca: –Allpa pachata ricushpa muyushpami shamuni– nishpa cutichirca.

JOB 31:7

Alli ñanmanta ñuca chaquicuna caruyashpa rishca cajpica, ñuca ñahuicuna ricushcata shungu yuyashca cajpica, ñuca maquicunahuan ima mana allita rurashca cajpica,

SALMOS 17:14

Mandaj Dioslla, chai runacunamantaca cambaj maquihuan quishpichiyari. Cai pachapajllata munaj runacunamanta quishpichiyari. Paicuna japinataca cai pachallapimi charincuna. Paicunaca can cushcataca huijsallapimi jundata charincuna. Paicunapaj huahuacunapish huijsallapimi sajsancuna. Cai pachapica q'uipa huahuacunapajpish puchuchinrajmi.

ISAÍAS 30:1

Aij, Mandaj Diosmanta caruyajcunalla ninmi Mandaj Diosca. Manapish ñuca yuyachishcata yuyarinacujcunalla. Manapish ñuca yuyachishcahuan taparinata yuyajcunalla. Chashnami jahuanpi jahuanpi juchata mirachincuna.

ISAÍAS 57:4

¿Pitataj chanzata rurashcata yuyanguichij? Shimita pascashpa, c'alluta cacharishpa c'amishpaca ¿pitataj chashna rurashcata yuyanguichij? ¿Manachu cancunaca ñucata mana cazuj huahuacuna canguichij? ¿Manachu llullacunapaj huahua huahuacuna canguichij?

JEREMÍAS 23:10

Cai llajtaca huainayajcunahuan jundamari. Millaita ruranallatami yachancuna, mandanapipish shujtajcunata llaquichishpallami tiyacuncuna. Chaimanta Dios llaqui tucuchun nijpimi, allpapish shitashca pamba shina chaquishca, michina pambacunapish tucui chaquishcami.

OSEAS 10:9

Israelcuna, Gabaapi millaita ruranata callarishcamantaca caicama chai shinallatajmari juchallicunguichijlla. ¡Chaitaca ruracunguichijllamari! Yallitaj millaita rurajcunataca Gabaapi llaquichij llaquillatajmi llaquichinga.

LEVÍTICO 11:16

avestruzta, lechuzata, gaviotata, tucui laya gavilancunatapish ama micunguichijchu.

Mateo 11:19

Runa Aichayuj tucushpa shamujca micujmi, ubyajmi. Chaimanta chai runaca: “Achcata micujmi, vinotapish ubyajmi, impuestota japijcunahuan, juchayujcunahuanpish tandanacunllami” nincunami. Chashna nijpipish Taita Dios yachaj cashcataca Taita Diospaj huahuacunallami allimi nincuna– nircami.

Mateo 13:22

Cashalla allpapi tarpushca shinaca, Diospaj Shimita huillashcata uyashpapish cai pachapi ima shinalla rurajcuna rurashca shina charijyana yuyaicunahuan umarishpami, huillashca Shimitaca chai yuyaicuna tapajpi, paicunapaj causaipica imata mana granon.

Mateo 13:38

Tarpuna allpaca, cai pachapi causajcunami. Alli muyu shinaca, Dios mandacujpi chaipi caj huahuacunami. Cizaña shinaca, diablopaj huahuacunami.

Marcos 4:19

Ashtahuanpish cai pachapi ima shinalla rurajcuna rurashca shina charijyana yuyaicunahuan umarinami. Shinallataj shujtajcuna charishcata munanacunami. Huillashca Shimitaca chai yuyaicuna tapajpimi, paicunapaj causaipica imata mana granon.

Lucas 16:8

Chai millai mayordomo yachaisapa tucushpa, chaita rurashcamantaca amoca allimi nircami. Taita Dios mana agllashcacunarajmi luzpaj huahuacunata yalli, paicunapuraca caishuj chaishuj allita chashna rurancuna.

Lucas 22:31

Mandaj Jesusca caitapishmi nirca: –Simón, Simón, cancunataca trigota shina shushungapajmi Satanasca mañarca.

Juan 12:31

Cunanca cai pachapi causajcunaman, paicuna imalla rurashcata ricuchina punllami, cunanca cai pachapaj mandajta llujchichishpa shitana punllami.

Juan 13:2

Jesusca paipaj yachacujcunandijmi micucurca. Simonpaj churi Judas Iscariotepaj shungupica, ñaupamanmi diabloca Jesusta huañuchichun japichina yuyaita churashca carca.

Juan 13:27

Chai tandata japincami Satanasca Judaspi yaicurca. Chaimi Jesusca: –Imata ruracushcataca ña utca ruragrilla– nirca.

Juan 14:30

Cai pachata mandajca ñamari shamucun. Cancunahuanca ña mana ashtahuan rimashachu. Pai shamushpapish ñucataca mana mishangachu.

Juan 15:19

Cai pachapaj cajpica, cai pachapaj cajcunaca paicunapaj cashcamanta c'uyanmanmi. Cai pachapaj cajcunahuan cajpipish ñuca agllajpimi, mana cai pachapaj canguichij. Chaimantami cancunataca cai pachapaj cajcunaca p'iñancuna.

Juan 16:11

Ima shina cashcata ricuchinaca, cai pachata mandajtaca jatun llaquiman rinapaj ña churashcami nisha ninmi.

Juan 7:7

Cancunataca cai pachapaj cajcunaca mana p'iñanchu. Ashtahuanpish ñucataca, paicuna rurashcacuna mana allichu nishpa huillajpimi p'iñancuna.

Juan 8:23

Chaimi Jesusca: –Cancunaca cai jucha pachamantami canguichij, ñucaca jahua pachamantami cani. Cancunaca cai pachamantami canguichij, ñucaca mana cai pachamantachu cani.

Juan 8:44

Cancunapaj yayaca diablomari. Paipaj munaillatami rurashun ninguichij. Paica callarimanta huañuchijmi, yallitaj jatun llullami. Tucui pai nishcacunaca llullami. Llullashpaca pai ima shina cashca shinallatajmi llullan. Llullata callarichij cashcamanta llullapaj yayami.

Hechos 19:35

Chai pueblopaj quillcajca, tucuicunata maquihuan upallachishpaca cashnami nirca: “Júpiter luceromanta shamushca Dianatapish, paipaj huasitapish cai Efesopi causajcuna cuidana cashcataca ¿pitaj mana yachan?

Hechos 5:3

Chaimi Pedroca: –Ananías, ¿ima nishpataj cambaj shungupi Satanás jundachun saquircangui? ¿ima nishpataj allpata c'atushca cullquitaca mana tucui apamushpa, jucha illaj Espirituman llullarcangui?

Romanos 12:2

Cai pachapaj cajcuna shina rurashpa ama cushicuichijchu. Ashtahuanpish cancunapaj yuyaita mushujyachirashpa, shujtaj causaita causaichij. Chashna cashpami Diospaj munai ima cashcata, ima mana paipaj munai cashcata, ima shina cashcatataj alli agllai tucunguichij.

1 Corintios 5:10

Cai pachapaj cashcamanta huainayajcunahuan, quiquinpajlla charinata munajcunahuan, shuhuacunahuan, rurashcalla dioscunata adorajcunahuanca ama tandanacunguichijchu mana nisha ninichu. Chashna cana cajpica, cai pachamantami llujshinataj canguichijman.

1 Corintios 6:11

Cancunapish maijancunaca chashnallatajmi carcanguichij. Ashtahuanpish Mandaj Jesucristopaj shutipimi, ñucanchij Taita Diospaj Espiritumanta ña maillashcacuna, jucha illajta rurashcacuna, justificashcacuna canguichij.

2 Corintios 4:4

Cristopaj sumaj alli huillai luz ama achijyachichunmi, cai pachapaj diosca mana crijcunapaj yuyaicunataca tapashca. Cristoca, Dios ima shina cajta ricuchijmi.

Gálatas 1:4

Ñucanchij Dios Yayapaj munaita rurashpami, cai millai pachamanta llujshichingapaj ñucanchij juchacunamanta paillataj curirca.

Efesios 1:21

Poderyujcunapaj, mandanata charijcunapaj, poderhuan mandajcunapaj, tucui laya shutichishcacunapaj jahuapipishmi paica mandacun. Mana cunan punllacunallapichu, ashtahuanpish q'uipa punllacunapipishmi mandanga.

Efesios 2:11

Chaimanta cancunaca, ñaupa ima shina cashcata yuyarichij. Circuncisionta aichapi maquihuan rurachishcacunaca, mana judiocunataca, aichapi mana circuncisionta rurachishcacuna nishcami carcanguichij.

Efesios 2:13

Ashtahuanpish cancunaca ñaupa punllacuna carupi cashca cashpapish, cunanca Cristopaj yahuarmanta, Cristo Jesushuan shujllata rurashpa Diosman c'uchuyachishcacunami canguichij.

Efesios 2:3

Ñaupa punllacunaca tucui ñucanchijpish aicha munaicunapi purishpami, aichapaj munaita rurashpa, yuyashcata rurashpa, millaita rurajcunapurapi causarcanchij. Shujtajcuna shinallatajmi ñucanchijpish huachari pachamanta, Dios p'iñarishpa llaquichina huahuacuna carcanchij.

Efesios 4:17

Mandaj Jesuspaj shutipimi, caita nisha nini: Caishuj mana judiocuna shina ña ama purichijchu. Paicunaca, paicunapaj yanga yuyaihuanmi causancuna.

Efesios 4:22

Ñaupa ima shina causashca, mauca causaitaca saquichij. Chai causaica, umaj munaicunahuan ismushpa tucuricujmi.

Efesios 5:6

Maijanpish cancunataca yanga parlocunahuan ama umachun. Chashna mana allita rurashcamantami, Diosca p'iñarishpa paita mana cazujcunataca jatunta llaquichinga.

Efesios 5:8

Ñaupaca amsami carcanguichij. Ashtahuanpish Mandaj Jesuspica, cunanca achijmi canguichij. Chaimanta luzpaj huahuacuna shina purichij.

Efesios 6:12

Ñucanchijca yahuaryuj, aichayujhuanca mana macanacucunchijchu. Ashtahuanpish jahua huairapi purishpa mandacuj millai supaicunahuanmi macanacucunchij. Chaicunami cai pacha amsapaj cajcunata mandashpa mana allita rurachicun.

Colosenses 1:21

Cancunapish sarunmanca cancunapaj yuyaicunamanta, cancunapaj mana alli ruraicunamanta Diosmanta caruyashcacuna, Diosta p'iñajcunami carcanguichij. Cunanca paihuan alli tucushcacunami canguichij.

2 Timoteo 4:10

Demas shuti runaca cai pachapi tiyajcunata munashcamantami, ñucallata saquishpa Tesalonicaman rirca. Crescenteca Galaciaman, Titoca Dalmaciamanmi rirca.

Santiago 1:27

Dios Yayata crijtaj cashcata paipaj ñaupajpi ricuchingapajca caitami rurana: Yaya mama illajcunata, llaquihuan caj viudacunatapish ayudana, cai pacha mapacunamantapish huaquichirinami.

Santiago 1:7

Maijanpish chashna mañajca, Jatun Diosmanta imallatapish chasquinataca ama yuyachun.

Santiago 4:4

¡Cai pachahuan huainayajcuna! ¿Manachu cai pachahuan apanacunaca, Diosta p'iñachij cashcataca yachanguichij? Maijanpish cai pachapaj amigo tucushpaca, Diosta p'iñajmi tucun.

1 Pedro 1:14

Alli cazuj huahuacuna shina caichij. Ñaupa manaraj yachashpa ruracushca mapa munaicunataca ama ruraichijchu.

1 Pedro 4:3

Diosta mana rijsijcuna munashcata ruranataca, ñami sarunman yallitaj rurarcanguichij. Aicha munashcata rurashpa, aichata cushichishpa, machashpa, maipish cachun fiestacunata rurashpa, mana alli yuyaicunallahuan cushicushpa, millanayaj rurashcalla dioscunata adorashpami purircanguichij.

2 Pedro 2:14

Ñahuicunapish huainayanahuan jundami. Juchallinataca mana amincunachu. Manaraj alli yachajcunatapish millaita rurana yuyaita cushpa, millaita rurachijcunami. Paicunapaj shungucunaca aicha munaipi amañarishcacunami. Paicunaca yallitaj millaicunami.

1 Juan 3:10

Diospaj huahuacuna cajtapish, diablopaj huahuacuna cajtapish ricunallami. Maijanpish cashcata mana ruraj, paipaj huauquita mana c'uyajca, mana Diospajchu.

1 Juan 3:8

Maijanpish juchata rurashpa catijca, diablopajmi. Diabloca callarimantami juchallin. Diablopaj rurashcacunata chingachingapajmi, Diospaj Churica shamurca.

1 Juan 4:4

Huahuacuna, cancunaca Diospajmi canguichij. Cancunapi causacujca, cai pachapi cajta yallimi. Chaimantami paitaca ña mishashcanguichij.

1 Juan 5:19

Ñucanchijca Diospaj huahuacuna cashcatami yachanchij. Cai pachapi millaita rurajcunaca diablopaj ucupimi.

1 Juan 5:4

Diosmanta maijanpish huacharishca cajca, cai pachapi millaita ruranataca mishanmi. Cai pachapi millaita ruranataca, Jesusta crishcami mishachin.

Apocalipsis 12:9

Chashnami chai jatun dragontaca, cielomantaca ña shitarca. Paica ñaupa rucu culebrami. Paica diablo, Satanás shutipishmi. Paica, allpa pachapi causajcunata umajmi. Paitami tucui paipaj millai angelcunandij allpa pachaman shitarca.

Apocalipsis 13:14

Punta animal jatun mancharinacunata rurai tucunata q'uipa animalman cujpimi, chaita rurashpa allpa pachapi causajcunataca umarca. Chaimantami q'uipa animalca allpa pachapi causajcunataca, espadahuan huañujta chugrichishca cashpapish causacuj animalman rijchajta ruraichij nirca.

Apocalipsis 13:8

Chai animaltaca cai pachata manaraj rurajpi paicunapaj shutita libropi mana quillcashca tucui cai pachapi causajcunami adorarcacuna. Chai libroca huañuchishca caj Ovejapaj libromi.

Apocalipsis 16:17

Sujtapaj q'uipa ángel, copapi tiyacuj llaquita huairapimi tallijpica, cielopi caj Diospaj huasi ucupi tiyaj jatun tiyarinamantami: “¡Ñami tucuchishca!” nishpa, sinchita rimashca uyarirca.

Apocalipsis 20:2

Chai angelmi dragón nishca ñaupa culebra, diablo, Satanastaca japishpa huaranga huatapaj huatarca.