Efesios 2:16 - Dios Rimashca Shimicunami

¹⁶ Shinallataj cruzmanta Dioshuan alli tucuchunmi, p'iñanacushcacunata paillapitaj chingachishpa, ishquindij llajtacunata shujlla cuerpota rurarca.

Mushuj Testamento Diospaj Shimi

¹⁶ Cristoca chacatashca huañushpami, ishquindijta pʼiñanacuchicujta tucuchishpa, shuj cuerpollata rurashpaca, Taita Dios-huanpish alli tucunacuchirca.

Efesios 2:16 Iomraidhean Croise

Romanos 5:10

Diosta p'iñajcuna cajpipish, paipaj Churi huañushcamantami, Diosca ñucanchijhuan alli tucurca. Ashtahuancarin ña alli tucushca cashcamantaca, Jesús causacushcamantaca quishpichishcami cashun.

Romanos 6:6

Ñucanchij mauca causaitaca, Cristohuan chacatashca cashcatami yachanchij. Juchapajta ama ashtahuan rurangapaj, juchasapa cuerpota chingachingapajmi chashna chacatarcanchij.

Romanos 8:3

Ñucanchijca juchayuj aichapi cajpi mandashca imata mana rurai tucujpimi, Diosca paipaj Churitaca, juchayujcuna shina aichayujta rurashpa cacharca. Ñucanchij juchata anchuchingapajmi, paipaj aichallapitaj juchataca chingachirca.

Romanos 8:7

Aicha munashcata ruranaca, Diosta p'iñachinami. Chashnacunaca Dios Mandashcataca mana cazuncunachu, manataj cazui tucuncunapishchu.

1 Corintios 10:17

Shujlla tanda cajpipish, ñucanchijca achcacuna cashpapish, tucuicuna chai tandallamantataj micushpaca, shujlla cuerpomi canchij.

Gálatas 2:20

Ñucaca, Cristohuan shuj shinalla chacatashcami cani. Ña mana ñucachu causani, ashtahuanpish Cristomi ñucapica causan. Cunan aichahuan causacushpapish Diospaj Churita crishpami causani. Paimi ñucata c'uyashpa, paillataj curishpa ñucamanta huañurca.

Efesios 2:15

Cristomi p'iñanacushcataca paipaj aichapi chingachirca. (Mandashcacunapaj mandashcata pajtachichun nishcata chingachishpami) ishquindijmanta shujllata rurashpa, mushuj runata paillapitaj callarichirca. Chashnami sumajta causajcunata rurarca.

Efesios 3:6

Chaica cashnami: Alli huillaimantaca mana judiocunaca, judiocunahuan herenciata japijcuna, ishquindijtaj chai cuerpopajlla miembrocuna, Cristo Jesusmanta Dios cusha nishcatapish paicunahuan japijcuna canami.

Efesios 4:4

Shuj cuerpollami tiyan, Espiritupish shujllami. Chaimanta shujlla shuyanata shuyachun cayashcacunami canguichij.

Colosenses 2:14

Quillcashca mandashcatami ñucanchijca mana pajtachi tucurcanchij. Chaimantami debe cajpi quillcashca tiyacujta Cristota cruzpi clavashpa ñucanchij debetaca anchuchirca.

Colosenses 3:15

Cristomanta Dioshuan sumaj causaica cancunapaj shungucunapi mandachun. Chashna cachun cayashpa shujlla cuerpota rurashcacunami carcanguichij. Chaimanta pagui nijcuna caichij.