Efesios 2:12 - Dios Rimashca Shimicunami

¹² Ñaupaca Cristo illajcuna, Israel canamantapish carupi, Dios cusha nishpa ari nishcatapish imata mana charijcuna, cai pachapica shuyana illaj, Dios illajcunami carcanguichij.

Mushuj Testamento Diospaj Shimi

¹² Ñaupaca Cristopish illaj, israelcunamantapish chʼicanmi carcanguichij. Dios imallata cusha nishpa ari nishcacunapish mana cancunapaj cajpi, ima chasquinata mana charircanguichijchu. Cai pachapica, imata shuyana illajpish, Taita Dios illajpishmi carcanguichij.

Efesios 2:12 Iomraidhean Croise

GÉNESIS 15:18

Chai punllallatajmi Mandaj Diosca, Abramman cunata ari nishpa cashna nirca: –Cambaj huahua huahuacunamanca cai llajtatami cusha. Egipto jatun yacumanta callarishpaca, Éufrates jatun yacuta catishpa,

2 CRÓNICAS 15:3

Ña unitamari cancunaca causaj Dios illajlla causacurcanguichij. Shinallataj Diospajta ruranata yachachij curacuna illajllapishmi causacurcanguichij.

ESDRAS 4:3

Shina nijpimi Zorobabelpish, Jesuapish, Israel ñaupa yayacunamanta mirarishca quiquinpurallata mandajcunapish: –Ñucanchij Diospaj huasita cancunahuan tandalla ruranaca mana allichu. Persia llajtata jatun mandaj Ciro mandashca shina israelcunata Mandaj Diospaj huasitaca ñucanchijllamari shayachina canchij– nircacunami.

ÉXODO 12:45

Mana Israel cajpish, mana cashpaca trabajacushcallamanta chaipi cajca mana micui tucunchu.

ISAÍAS 14:1

Mandaj Diosca Jacobpaj huahua huahuacunataca llaquingami. Israelcunataca cutinllatajmi agllanga. Paicunapaj allpallapitajmi samachinga. Caru llajtamanta cajcunapish paicunahuanmi shuj yuyailla tucungacuna. Jacobpaj familiami tucungacuna.

ISAÍAS 44:6

Israelcunata Jatun Mandajca, israelcunata quishpichijca, tucuita Mandaj Diosca cashnami nin: “Callarichijpish ñucami cani, tucurichijpish ñucami cani. Shujtaj Diosca mana tiyanchu.

ISAÍAS 45:20

¡Tandanacuichigari, shamuichigari! Llajtacunapi mana huañushpa saquirijcuna tucuicuna c'uchuyamuichij. Caspi dioscunata apashpa purijcuna, manapish dioscunata quishpichihuai nishpa rogajcunaca imata mana yachajcunami.

ISAÍAS 61:5

Manapish Israel cajcunami cancunapaj ovejacunataca michingacuna. Mana rijsishcacunapaj churicunami cancunapaj chagracunapica trabajangacuna. Cancunapaj uva chagracunapipish paicunami trabajangacuna.

JEREMÍAS 14:8

Israelcuna shunguta churana Dioslla, canmari paicunata llaqui japijpipish, huaquichij carcangui. ¿Imamantataj cunanca cai llajtapajca carumanta shamushca runa shina, imata mana ricusha ninguiyari? ¿Imamantataj ñanta ricushpa shuj tuta pacaringapaj saquirij runa shinalla canguiyari?

JEREMÍAS 17:13

Mandaj Dioslla, canmari israelcuna shunguta churana Dios cangui. Canta saquijcunaca tucuicunami pingai tucungacuna. Can Mandaj Diosca causaita cuj yacu llujshicuj pugyumari cangui. Canmanta anchurijcunaca ñutu allpapi quillcashca shinallami chingaringacuna.

EZEQUIEL 13:9

Imatapish manapish ricushpa llullashpalla huillajcunatapish, adivinajcunatapish ñuca maquihuanmi llaquichigrini. Paicunaca ñuca agllashca israelcunapurapica, mana tandanacungachu. Israelcunapaj shuticunata quillcana libropipish mana quillcashca cangacunachu. Israel llajtamanpish mana tigrangacunachu. Chashna rurajpimi ñucataca, Mandaj Jatun Diostaj cashcataca yachanguichij.

EZEQUIEL 37:26

Shinallataj sumajta causanatami ari ninacushun, chai ari ninacushcaca huiñaipajmi canga. Paicunataca chaipi causachun churashpaca, yallitaj achcatami mirachisha, ñuca huasitapish huiñaipajmi paicunapaj chaupipi shayachisha.

EZEQUIEL 47:22

Shinallataj cancunapajpish, cancunapaj llajtapi causacuj caru llajta runacunapajpish, cai llajtapi huacharishca cancunapaj huahuacunapajpish suerteta rurashpa cai allpataca chaupinguichijlla. Chai huahuacunataca, Israel llajtapi huacharishcamantaca cancunapura cashcallatataj yuyanguichij. Israel aillucuna shinallataj allpata charichun, suerteta rurashpa paicunamanpish chaupishpa cunguichij.

OSEAS 3:4

Israelcunaca achca huatacunatami jatun mandaj illajlla, mandaj illajlla, animalta cushpa huañuchina illajlla, rumimanta rurashca dios illajlla, churarina efod illajlla, terafín nishca dioscuna illajlla causangacuna.

NÚMEROS 18:19

Israelcuna Mandaj Diospaj ch'icanchishpa paiman cushcacunataca tucui imatapish canman, cambaj churicunaman, cambaj ushushicunamanmi cuni. Chaicunataca cambaj huahua huahuacunapish chai shinallataj japicuchunlla mandashcami. Chaica Mandaj Diospaj ñaupajpica cambajpish, cambaj huahua huahuacunapajpish huiñaipaj Dioshuan ari nishcata ricuchij cachi shinami canga” nircami.

Lucas 1:72

Ñucanchij ñaupa yayacunata llaquishpa, paica pajtachishatajmi nishcata mana cungarishpami quishpichishca.

Juan 10:16

Mana cai corralpi caj shujtaj ovejacunatapish charinimi. Paicunatapish pushamunami cani. Paicunapish ñuca rimaitami uyangacuna. Shuj canllallami tucunga, shuj michijllami tiyanga.

Juan 15:5

Ñucaca uva yurami cani. Cancunaca ramacunami canguichij. Maijanpish ñucahuan shuj shinalla cajhuanca, ñucapish paihuanmi casha. Paica achcatami p'ucunga. Ñucamanta ch'icanyashpaca, imata mana rurai tucunguichijchu.

Juan 4:22

Cancunaca pita adoracushcatapish mana yachanguichijchu. Ñucanchijca pita adoracushcataca yachanchijmi. Quishpichijca judiocunamantami shamun.

Hechos 2:39

Taita Dios cusha nishcaca cancunapajpish, cancunapaj huahuacunapajpish, tucui cai pachapi cajcunata ñucanchij Jatun Dios maijanllata quishpichisha nishcacunapajpishmi– nircami.

Hechos 28:20

Tucui judiocuna shuyacushcata ñucapish crishcallamantami, caipi cashna cadenahuan huatashca cani. Chaita parlangapajmi cancunataca cayarcani– nircami

Hechos 3:25

Cancunaca profetacunapaj huahuacuna, ñucanchij yayacunaman Taita Dios cushami nishpa ari nishcata japijcunami canguichij. Chashna cana cajpimi Taita Diosca Abrahamtaca: “Cambaj huahua huahuamantami cai pachapi causajcunaca tucuicuna allicunata chasquingacuna” nishca.

Romanos 9:8

Cashnami nisha nin: Aicha munaillamanta huahuacunaca, mana Diospaj huahuacunatajchu. Ashtahuanpish Dios cushami nishcamanta huahua huahuacunami, paipaj huahuacunatajca.

Gálatas 4:8

Ñaupaca, Diosta manaraj rijsishpaca, manapish dioscunapajtami rurajcuna carcanguichij.

Efesios 2:19

Chaimantami cancunaca ña mana shujtaj llajtamanta shamushcacunalla, pasacujcuna shinallapish mana canguichij. Ashtahuanpish jucha illaj llajtapurataj, Diospaj familiapuratajmi canguichij.

Efesios 4:18

Paicunapaj yuyaicuna amsa cashcamanta, mana yachashcamanta, shungucunapish sinchi cashcamanta, Dios cushca causaimantapish carupi cashcamantami mana chasquincuna.

Colosenses 1:21

Cancunapish sarunmanca cancunapaj yuyaicunamanta, cancunapaj mana alli ruraicunamanta Diosmanta caruyashcacuna, Diosta p'iñajcunami carcanguichij. Cunanca paihuan alli tucushcacunami canguichij.

Colosenses 1:27

Diosca pi mana yachaipaj sumaj charinacunataca jucha illajcunaman cushpami, tucui mana judiocunamanpish ricuchisha nirca. Chaica Cristo cancunapi cashcami, paimantami sumaj cashca ricurina yuyailla canguichij.

Colosenses 1:5

Cancunaca jahua pachapi huaquichishcata japina yuyailla cashpami, chashna c'uyacunguichij. Chai japinataca mana llulla, alli huillai shimita,

1 Tesalonicenses 4:13

Huauquicuna, huañushcacuna ima tucuna cashcata mana yachaj caishujcuna shina llaquilla cachunca mana munanchijchu. Ashtahuanpish yachajcuna cachunmi munanchij.

1 Tesalonicenses 4:5

Taita Diosta mana rijsijcuna shina, millai munaicunahuan maipish cachun ama causaichijchu.

2 Tesalonicenses 2:16

Jesucristo ñucanchijta Mandaj, Taita Dios ñucanchij Yayami mana c'uyaipajta c'uyashpa, ñucanchijmanca huiñaita cushicunata, pai yuyailla canatapish curca.

1 Timoteo 1:1

Ñucanchijta Quishpichij Dios, ñucanchij shunguta churashpa caticushca Mandaj Jesucristopish mandashcamanta, Jesucristopaj apóstol Pablomi cani.

Hebreos 11:34

Yallitaj lunyacuj ninatapish, huañuchircacunami. Espadahuan huañuchishca canamantapish quishpirircacunami. Fuerza illajcuna cashpapish, fuerzayujmi tucurcacuna. Jatun macanacuipipish c'ari c'ari shayarishpami, shujtaj llajtamanta macanacungapaj shamuj soldadocunatapish mishashpa callpachircacuna.

Hebreos 6:18

Diosca mana llulla cashcata ricuchingapajca ima shina mana shujtajyachipajta nishcaca ishquimi tiyan. Ñucanchij mashcajcunaca, pai cusha nishpa ñucanchij ñaupajpi churashcata japina yuyaita charishcamantaca jatunta cushicushunchijlla.

Hebreos 8:6

Ashtahuanpish Jesús Diospajta ruranaca paicuna ruracushcata mai yalli allimari. Ñaupaman cusha nishcamanta yalli allita cusha nishpa ari nishcapi caishujmanta chaishujmanta rimaj cachun churashcami.

1 Pedro 1:21

Huañushcacunapaj chaupimanta causachishpa jatunyachij Diostaca Jesucristomantami crircanguichij. Cancuna Diosta crishpa pai yuyailla cachunmi chashna rurarca.

1 Pedro 1:3

Ñucanchijta Mandaj Jesucristopaj Dios Yayataca, alli nishca cachun. Paica, ñucanchijta jatunta llaquij cashcamantami huañushcacunapaj chaupimanta Jesucristota causachishpa, huiñaita causagrina yuyailla cachun, ñucanchijtaca cutin huacharichirca.

1 Pedro 3:15

Chaipaj randica, cancunapaj shungupica Mandaj Taita Diosca jucha illajmi nichij. Cancunata imapajtaj Cristo yuyailla canguichij nishpa tapujpica, manso shunguhuan tucuicunaman sumajta huillangapaj allichirishca huillanalla,

1 Juan 3:3

Jesús shina tucuna cashcamanta maijanpish chai yuyailla cajca, Jesús ima shinami chuya chai shinallataj chuya cangapajmi punllanta chuyayacun.