Efesios 2:10 - Dios Rimashca Shimicunami

¹⁰ Ñucanchijca Dios rurashcami canchij. Allicunata rurachun Cristo Jesuspi mushujyachishcacunami canchij. Chashna allicunata rurashpa purichunmi, Diosca ñaupaman allichirca.

Mushuj Testamento Diospaj Shimi

¹⁰ Taita Diosmari ñucanchijtaca, Cristo Jesusmanta mushujta rurashca. Paica ñucanchijtaca, ñaupamantatajmi allicunata rurajcuna cachun munashca. Chaimantami cunanca chaita pajtachichun mushujyachishca.

Efesios 2:10 Iomraidhean Croise

SALMOS 100:3

Mandaj Diosca Diostaj cashcata yuyarichigari. Paimari ñucanchijtaca rurarca. Mana ñucanchijllataj rurarircanchijchu. Ñucanchijca paipajcunamari canchij, paipaj michina pambacunapi caj ovejacunami canchij.

SALMOS 119:3

Pai yachachishca ñanpi purijcunaca ima millaita mana rurancunachu.

SALMOS 138:8

Mandaj Diosca imallata ñucapi rurasha nicushcataca pajtachingami. Mandaj Dios quiquinpaj llaquij canaca huiñaipajmi. Quiquinpaj maquihuan rurashcataca ama shitanguichu.

SALMOS 51:10

¡Taita Dioslla, ñucapica chuya shunguta callarichihuai. Ñuca ucupica ima pandata mana ruraj espirituta cutin churahuai!

SALMOS 81:13

¡Ñucapajlla cajcunaca ñucata uyashca cajpica, israelcunaca ñuca yachachishca shina causashca cajpica!

ISAÍAS 19:25

Chai punllapica Tucuita Mandaj Diosca: “Egipciocunaca alli nishca ñucapajmi nishca cachun. Asiriocunaca ñuca maquihuan rurashcami nishca cachun. Israelcunaca ñuca agllashcacunami nishca cachun” nishpami paicunataca alli nishcacuna cachun ninga.

ISAÍAS 29:23

Paipaj huahua huahuacunaca paicunapaj chaupipi ñuca maquihuan rurashcata ricushpaca, ñuca shutitami jucha illaj ningacuna. Jacobpaj jucha illaj Diostami jucha illaj ningacuna. Israelcunapaj Taita Diostami manchangacuna.

ISAÍAS 43:21

Cai israelcunataca ñucapajllami rurarcani. Paicunami ñucata alabanataca huillangacuna.

ISAÍAS 43:7

Tucui ñuca shutihuan cajcunataca ñucata jatunyachijcuna cachunmi callarichircani, rurarcani nishami.

ISAÍAS 44:21

Jacob caicunata yuyariyari, Israel ñucapajta rurajmari cangui. Ñucamari cantaca callarichircani, canca ñucapajta rurajmari cangui. Israel, ñucata ama cungarichu.

ISAÍAS 60:21

Tucui canpi causajcunami tucui paicunami cashcata rurajcuna canga. Paicunaca huiñaipajmi paicuna japina cashca allpataca japingacuna. Paicunataca ñuca cutin mushujta tarpushcacunami canga. Ñuca jatun cashcata ricuchingapaj, ñuca maquihuan rurashca chagrami.

ISAÍAS 61:3

Llaquijlla caj Sionmanca ushpahuan shitarishca canapaj randica achijyachijta cuchun. Llaquijlla canapaj randica, cushijlla cana aceiteta cuchun. Llaquijlla shungu canapaj randica, cushijlla cashcata ricuchij churanata churachichunmi cacharca. Paicunaca: “Cashcata ruraj yuracuna nishcami cangacuna. Mandaj Dios pai jatun cashcata ricuchingapaj tarpushca yuracuna” nishcami cangacuna.

JEREMÍAS 31:33

Mandaj Diosca cashnapishmi nin: “Shamuj punllacunapica israelcunahuan ari ninacushpaca, cashnami rurasha: Ñuca mandashcataca paicunapaj yuyaipi churashami, paicunapaj shungupi quillcashami. Chashna rurashpaca ñucaca paicunapaj Diosmari casha, paicunapish ñucapajllamari canga.

Mateo 5:16

Cancunapish chai luz shinallatajmi runacunapaj ñaupajpica achijyachina canguichij. Cancunapaj alli rurashcacunata ricushpa, jahua pachapi caj cancunapaj Yayata jatunyachichunmi chashna cana canguichij.

Juan 3:21

Ashtahuanpish mana llullapi causacujcunaca paicuna rurashcacuna Taita Dios munashcata ruracushca tucuicunapaj ñaupajpi alli ricurichun luzman c'uchuyanllacunami– nircami.

Hechos 9:31

Judeapi caj tucui llajtacunapi, Galileapi, Samariapi tandanacushca crijcunaca sumajtami causarcacuna. Paicunaca Mandaj Jesusta manchashpa ashtahuan yachashpami sinchiyarcacuna. Jucha illaj Espíritu yuyachijpimi, Jesusta catijcunaca ashtahuan mirarircacuna.

Hechos 9:36

Jope pueblopipish Jesusta catij Tabita shuti shuj huarmimi causarca. (Tabita nishcaca griegopica, “Dorcas” nisha ninmi). Paica huajchacunata llaquishpa, imatapish cushpa, allicunata rurashpa causaj huarmimi carca.

Romanos 8:1

Cunanca Cristo Jesushuan shujlla cajcunapajca jatun llaquiman cachanaca manataj tiyanchu. Paicunaca aicha munaita mana rurashpa, Espiritupaj munaita rurashpa causajcunami.

Romanos 8:29

Diosca pai agllasha nishcacunataca, paipaj Churiman rijchajta rurangapajmi ñaupaman ch'icanchirca. Achca huauquicunapurapi Cristoca, punta Churi cachunmi chashnaca rurarca.

1 Corintios 3:9

Ñucanchijca, Diospajta paihuan rurajcunami canchij. Cancunaca Diospaj chagrami canguichij, Dios huasichicun huasipishmi canguichij.

2 Corintios 5:17

Chaimanta maijanpish Cristopi cajca, tucuita mushujyachishcamanta mushujmi. Ñaupa ima shina cashcaca ña chingarircami, cunanca tucuita mushujyachishcami.

2 Corintios 5:5

Chashna cachun ñucanchijta allichijca Diosmi. Japina cashcata ricuchij cachunpish, paipaj Espiritutami curca.

2 Corintios 9:8

Diosca tucuita rurai tucuj cashcamantami, tucui allicunata cancunamanca yallijta cunga. Chashna cujpimi cancunaca punllanta tucuipi ima mana illaj cashpa, imatapish allita rurangapajca yalli yallita charinguichij.

Gálatas 6:15

Cristo Jesushuan shujlla cajpica, circuncisionta rurachishca cashpa, mana rurachishca cashpapish ima mana canchu. Ashtahuanpish tucuimanta yallica mushujyachishca canami alli.

Efesios 1:1

Taita Dios munashcamanta Jesucristopaj apóstol Pablomi cani. Cristo Jesushuan shujlla tucushpa, Éfeso pueblopi alli caticuj jucha illajcunahuanca:

Efesios 1:4

Cai pachata manaraj rurashpami, Cristohuan shujlla tucushpa, paipaj ñaupajpi jucha illaj, mapa illajcuna cachun ñucanchijtaca ña agllarca.

Efesios 2:13

Ashtahuanpish cancunaca ñaupa punllacuna carupi cashca cashpapish, cunanca Cristopaj yahuarmanta, Cristo Jesushuan shujllata rurashpa Diosman c'uchuyachishcacunami canguichij.

Efesios 2:15

Cristomi p'iñanacushcataca paipaj aichapi chingachirca. (Mandashcacunapaj mandashcata pajtachichun nishcata chingachishpami) ishquindijmanta shujllata rurashpa, mushuj runata paillapitaj callarichirca. Chashnami sumajta causajcunata rurarca.

Efesios 2:2

Ñaupa punllacunaca cai pacha munaicunata catishpami, huairapi mandaj munashcata rurashpa, chaipi purircanguichij. Cunanca mana cazujcunapimi, chai espirituca millaita rurachicun.

Efesios 2:6

Paihuan shujllata rurashpami ñucanchijtaca causachirca. Chashnallatajmi ñucanchijtaca, Cristo Jesushuan jahua pachapi tiyachirca.

Efesios 4:1

Ñucaca, Mandaj Jesuspi shujlla cashcamantami prezupi cani. Cancunataca Dios imapaj cayashca shinataj alli purichunmi cashna rogani:

Efesios 4:24

Mushuj causaita churarichij. Mana llullapi nishca shina, cashcata rurachun, jucha illaj cachun, Diosman rijchaj cachun mushujyachishcami canguichij.

DEUTERONOMIO 32:6

Cancunaca yuyai illaj muspacunamari canguichij. Manachari paica, cancunata ruraj cancunapaj yayari. Manachu pai cancunata rurashpa causaiyujta rurarca. Chashna jahuachu cancunaca millaita rurashcahuan cutichinguichij.

DEUTERONOMIO 5:33

Mandaj Dios cancunapaj Taita Dios mandashca ñanllapi puringuichij. Chashna rurashpami cancuna japina cashca llajtata japishpa chai llajtapica unita causanguichij, tucui imapipish ñaupajman ringuichij.

Filipenses 1:6

Alli ruranata cancunapi callarichij Diosca, Jesucristo shamuna punllacamami ashtahuan alli rurachicungalla. Chaitaca allitajmi yachani.

Filipenses 2:13

Allita ruranatapish, allita munanatapish Diosmi pai munashcamanta cancunapica rurachicun.

Colosenses 1:10

Mandaj Jesuspaj cashca shinataj causashpa pai munashcata tucuipi rurashpa, tucui alli ruranapi, alli granota p'ucuj shina, Taita Diosta rijsinapipish ashtahuan huiñashpa catichunmi mañacunchijlla.

Colosenses 3:10

mushuj runata rurashcami canguichij. Dios shina cachun mushujyachishcami canguichij. Paica paita alli rijsichun mushujyachicunllami.

2 Tesalonicenses 2:17

Cancunapaj shungucunatapish cushichishpa tucui ima allita ruranapipish, rimanapipish chaitataj rurachichun rimachichun ninchijmi.

1 Timoteo 2:10

Chaipaj randica allicunata rurashpa, Diosta yuyarij huarmicuna rurana cashca shinallataj rurachun.

1 Timoteo 5:10

allicunata rurashpa ricuchij cashca cajllapi, huahuacunatapish alli huiñachij cashca cajllapi, puzachij cashca cajllapi, jucha illajcunapaj chaquicunata maillaj cashca cajllapi, llaquihuan cajcunata ayudaj cashca cajllapi, tucui imatapish allicunata ruraj cashca cajllapimi churana.

1 Timoteo 5:25

Shinallatajmi allita rurashcacunapish ricurin. Shujtaj shina rurashcacunapish, mana pacalla saquiri tucunchu.

1 Timoteo 6:18

Mana mitsacuna, imatapish cujllacuna, allicunata rurashpa chai ruranacunahuan charijcuna cachun mandangui.

2 Timoteo 2:21

Shinallataj maijanpish chai mana allicunamanta maillarijca, Mandaj Jesuspaj allipaj vaso, paipajta ruranapaj chuyayachishca, imapipish Mandaj Jesuspajta ruranallami canga.

2 Timoteo 3:17

Diospajta ruraj runaca tucuita allita ruranapajca alli allichishca allitaj yachajtaj cachunmi cashna yachachinga.

Tito 2:14

Tucui millaimanta llujshichishpa paipajlla pueblo cachun chuyayachishpa, paipajllata rurana yuyailla cajta rurangapajmi paillataj ñucanchijmanta curirca.

Tito 2:7

Shujtajcuna ricushpa catichun canllatajpish tucuipi allicunata rurangui. Yachachinapipish tucui shunguhuan, ama pugllarishpa yachachingui.

Tito 3:1

Llajtata mandajcunata, pueblopi mandajcunatapish cazujcuna cachun, tucui ima allita ruranapajpish chaparacujcuna cachun yuyachingui.

Tito 3:14

Can chashna rurajta ricushpami ñucanchijpura crijcunapish allita ruranata, ima illajcunamanpish cunata yachangacuna. Chashnami paicunapish Diospaj ñaupajpica p'ucushca granoyuj cangacuna.

Tito 3:8

Cai shimicunaca chashnatajmi. Chaimanta Diosta crijcunamanca paicunapaj imatapish allicunata rurana yuyailla cachun, ama manchashpa huillachunmi munani. Tucui caicunaca tucui gentecunapaj valijmi, allimi.

Hebreos 10:24

Shinallataj caishujmanta chaishujmanta ayudanacushpa, allicunata rurangapaj c'uyaihuan yuyachinacushunchij.

Hebreos 13:21

Tucui imatapish pai munashca shina allita rurajcuna cachunca, Diosllataj cancunataca yachachichun. Jesucristomantami tucui cancunataca paillataj pai munashca shinata rurachicun. Pai Jesucristotaca huiñai huiñaita jatunyachishca cachun. Chashna cachun.

1 Pedro 2:12

Diosta mana rijsijcunapaj ñaupajpi alli causaichij. Chashna cajpimi, millaita rurajcunata shina cunan rimacujcunaca cancuna allita rurashcamantaca, imalla rurashcata Dios ricuchi punllapi paicunaca Diostaca allimari cangui ningacuna.

1 Juan 1:7

Diosca luzpi cashca shinallataj ñucanchijpish luzpi causashpaca, caishuj chaishujhuan shuj shinallami canchij. Paipaj Churi Jesucristopaj yahuarmi, ñucanchij tucui juchacunataca p'ichan.

1 Juan 2:6

Maijanpish Dioshuan shujllami cani nijca, Jesucristo causashca shina causachun.