Efesios 2:1 - Dios Rimashca Shimicunami

¹ Cancunapaj millai juchacunapi huañushcacuna cajpipish, Diosmi cancunaman causaita curca.

Mushuj Testamento Diospaj Shimi

¹ Diosca cancunamanca, mana caźuj juchayujcuna cashcamanta, huañushca shina cajpirajmi, causaita curca.

Efesios 2:1 Iomraidhean Croise

GÉNESIS 8:21

Mandaj Diosca chai cushcacuna paipajca mishquijlla cajta chasquishpami, paipaj shungupica cashna nirca: “Cunanca cai pachapi causajcuna millaita rurashcamantaca cunan llaquichishca shinaca mana llaquichishachu. Cai pachapi causajcunaca huambramanta pachami millaita rurana yuyailla causancuna. Chashna cajpipish cunan llaquichishca shinaca causaiyuj caj tucuicunataca mana chashnaca llaquichishachu.

Mateo 8:22

Shina nijpi Jesusca: –Canca cunantaj ñucata catilla. Huañushcacunataca huañushcacunallataj pambacuchun saquilla– nircami.

Lucas 15:24

Cai ñuca churica huañushcami carca, cunanca causarishcami. Chingarishcami carca, cunanca tigramushcami” nishpami, yallitaj cushicui callarircacuna.

Lucas 15:32

Ashtahuanpish cambaj cai huauquica, huañushcami carca, cunanca causarishcami. Chingarishcami carca, cunanca tigramushcami. Chaimantaca jatun fiestata rurashpa cushicunatajmi canchij” nircami” nishpami parlarca.

Juan 10:10

Shuhuaca, shuhuangapaj, huañuchingapaj, tucuchingapajllami shamun. Ñucaca causaita charichun, yallitaj charichunmi shamurcani.

Juan 14:6

Chaimi Jesusca: –Ñucamari ñan cani, mana llullapish, causaiyujpish cani. Yayapajmanca pi mana paillatajca chayai tucunchu. Ñucami Yayapajman chayachij ñan cani.

Juan 5:21

Ima shinami Yayaca, huañushcacunataca causaita cushpa causachin, chashnallatajmi Churipish pai cusha nishcacunaman causaita cun.

Juan 5:25

Taita Diospaj Churi rimashcata huañushcacuna uyana chayamunmi. Chaica cunanmari. Paita uyajcunaca causangacunami. Chaica chashnatajmi.

Romanos 8:2

Cristo Jesuspi causaita cuj Espíritu mandashcami, ñucataca juchapajta rurachijmanta, huañuimantapish cacharichirca.

1 Corintios 15:45

Cashnapishmi quillcashca tiyacun: “Punta rurashca Adán runaca, causaj almayujmari” ninmi. Q'uipa Adanca, causaita cuj Espiritumari.

2 Corintios 5:14

Shujllami tucuicunamanta huañurca, tucuicunami paipi huañurcacuna. Chaimantami Cristopaj c'uyaica ñucanchijtaca chaita huillachicun.

Efesios 4:18

Paicunapaj yuyaicuna amsa cashcamanta, mana yachashcamanta, shungucunapish sinchi cashcamanta, Dios cushca causaimantapish carupi cashcamantami mana chasquincuna.

Efesios 5:14

Chaimanta: “Dormicuj rijchari, huañushcacunapaj chaupimanta jatari. Cristomi cantaca achijyachinga” ninmi.

Colosenses 2:13

Cancunaca juchamantapish, aichapi mana circuncisionta rurachishcamantapish huañushcami carcanguichij. Chashna cajpipish, tucui juchacunata perdonashpami, Cristohuan shujllata rurashpa causachirca.

1 Timoteo 5:6

Maijan viudaca aichata cushichina yuyailla puricushpaca, huañushca shinallatajmi.

1 Juan 3:14

Huauquicunata c'uyashpami, huañushca cashca cashpapish, causaiyuj tucushcata yachanchij. Maijanpish paipaj huauquita mana c'uyajca, huañushcallatajmi.

Apocalipsis 3:1

Sardis pueblopi caj tandanacushca crijcunapaj angelmanpish quillcai: “Diospaj canchis Espiritutapish, canchis luzerocunatapish charijca cashnami nin: Ñucaca can imalla rurashcataca yachanimi. Causacujmi nishca cashpapish huañushcami cangui.