Efesios 1:6 - Dios Rimashca Shimicunami

⁶ Paipaj sumaj mana c'uyaipajta c'uyaj cashcata alabachunmi, paipaj c'uyashca Churimanta ñucanchijtaca chasquirca.

Mushuj Testamento Diospaj Shimi

⁶ Mana cʼuyaipajta Pai cʼuyaj, sumaj cashcata alabachunmi, Paipaj cʼuyashca Churihuan shujlla tucujpi, ñucanchijtaca chasquirca.

Efesios 1:6 Iomraidhean Croise

SALMOS 22:20

Ñuca almataca espadamanta quishpichihuai. Allcucuna huañuchicunmanta ñuca causaita quishpichihuai.

SALMOS 60:5

Quiquin c'uyashcacuna quishpirichun ñuca mañashcata uyahuayari. Quiquinpaj alli lado maquihuan quishpichiyari.

PROVERBIOS 16:4

Mandaj Diosca tucuitamari imapaj cashpapish, shuj yuyaihuan rurashca. Chaimantami Diosta mana manchaj runatapish, llaqui punllapaj charicun.

ISAÍAS 42:1

Caimi ñucapajta ruraj. Paitaca ñucami charirasha. Paica ñuca agllashcami. Paipimi ñuca almaca cushicun. Ñuca Espiritutaca paipaj jahuapimi churarcani. Paimi llajtacunamanca cashcata ruranata apamunga.

ISAÍAS 43:21

Cai israelcunataca ñucapajllami rurarcani. Paicunami ñucata alabanataca huillangacuna.

ISAÍAS 61:11

Ima shinami allpaca muyuta tarpujpica mushujta huiñachin, huertapi tarpujpipish ima shinami huiñachin, chai shinallatajmi Mandaj Jatun Diosca paicunataca tucui llajtacuna ricucunpi cashcata rurajcunata, paita alabajcunata ruranga.

ISAÍAS 61:3

Llaquijlla caj Sionmanca ushpahuan shitarishca canapaj randica achijyachijta cuchun. Llaquijlla canapaj randica, cushijlla cana aceiteta cuchun. Llaquijlla shungu canapaj randica, cushijlla cashcata ricuchij churanata churachichunmi cacharca. Paicunaca: “Cashcata ruraj yuracuna nishcami cangacuna. Mandaj Dios pai jatun cashcata ricuchingapaj tarpushca yuracuna” nishcami cangacuna.

JEREMÍAS 23:6

Pai mandacui punllacunapica Judá llajtapajpish, israelcunapajpish ima llaqui mana tiyangachu. Cushicushpami causangacuna. Paitaca: Ñucanchijta mitsaj Mandaj Dios nishpami cayangacuna” ninmi.

JEREMÍAS 33:9

Ñucapajca jatunta cushicunami cangacuna. Tucui cai pacha llajtacunaca, paicunamantami ñucataca jatun nishpa, sumaj nishpa alabangacuna. Israelcunapaj ñuca imalla allita rurashcata tucuicuna uyashpami manchangacuna, chujchungacuna. Paicuna mancharina allicunata rurashpami, sumaj causaita cusha. Chaita ricushpami, ñucata manchangacuna” ninmi.

LEVÍTICO 15:15

Chaicunataca curami shujtaca juchamanta cuna cashcata, caishujtaca tucuita cushpa tucui rupachinata Mandaj Diosman cunga. Chashnami curaca quiya shina yacu cachariricuj runataca Mandaj Diospaj ñaupajpi ima mapa illajta ruranga.

ZACARÍAS 13:7

Tucuita Mandaj Diosca cashnapishmi nin: “Espadalla, ovejacunata michijtapish, ñucahuan alli apanacujtapish manchachiyari. Can chai michijta chugrichijpica, ovejacunaca caita chaitami ringacuna. Bachujcunataca ñuca maquihuanmi llaquichisha” ninmi.

Mateo 17:5

Pedro chashna rimacujpirajmi, paicunapaj jahuaman achijnicuj p'uyu shamushpa taparca. Chai p'uyumantaca: “Caimi, ñuca c'uyashca Churi. Paipimi cushicuni. Paita uyaichij” nishpa rimashcami uyarirca.

Mateo 20:9

Pichca horas chishita pallai callarijcunaraj cayajpi shamushpaca, tucuicunami shuj denario, shuj denario chasquircacuna.

Mateo 3:17

Jahua pachamantaca: “Caimi ñuca c'uyashca Churi. Paipimi cushicuni” nishpa rimashcami uyarirca.

Lucas 2:14

“¡Jahua pachapi caj Diostaca tucuicuna alli nishca cachun! ¡Cai pachapipish pai c'uyashpalla cushcata chasquijcunaca sumaj causaita charichun!” nircacunami.

Juan 10:17

Ñucallataj huañuchijcunaman entregarishpa huañushpa cutin causarina cajpimi, ñuca Yayaca ñucataca c'uyan.

Juan 3:35

Yayaca Churita c'uyashpami, tucui imatapish paipaj maquipi churarca.

Romanos 8:1

Cunanca Cristo Jesushuan shujlla cajcunapajca jatun llaquiman cachanaca manataj tiyanchu. Paicunaca aicha munaita mana rurashpa, Espiritupaj munaita rurashpa causajcunami.

2 Corintios 4:15

Taita Dios mana c'uyaipajta c'uyashcata achcacuna chasquishpa, achcacunallataj paita jatunmari cangui nishpa pagui nichunmi, cancunata c'uyashcamanta cai tucui llaquicunataca apacunchij.

2 Corintios 5:21

Cristotaca mana juchayuj cajpipish, Diosca ñucanchijmantami juchayujta rurarca. Cristomanta ñucanchijca, Dios munashca shina cashcata rurajcuna cachunmi chashnaca rurarca.

Efesios 1:12

Ñucanchijraj Cristota shuyacujcuna cashca cajpimi, pai sumaj cashcata alabachun chashna agllarca.

Efesios 1:14

Tucuimanta quishpichishpa pushajpi ñucanchij japina cashcata japingacama ricuchij cachunmi, chai Espiritutaca churarca. Pai sumaj cashcata alabachunmi chashna rurarca.

Efesios 1:18

Pai Diosca, cancunapaj yuyaipaj ñahuita achijyachishca cachunmi mañacuni. Chashna achijyachijpimi, cancunaca imata shuyanapaj cayashca cashcata, jucha illajcunahuan achcata charina sumaj herenciapish ima cashcata yachanguichij.

Efesios 2:7

Paipaj mana c'uyaipajta c'uyaj canahuan yallitaj charij cashcata shamuj punllacuna, Cristo Jesusmanta ñucanchijman ricuchingapajmi chaipi tiyachirca.

Filipenses 1:11

Diosta alabashpa sumajyachichun, Jesucristomanta cashcata rurashpa granota p'ucuj shina junda cachunpishmi mañacuni.

Filipenses 3:9

Paihuanmi shujlla casha nini. Mandashcapi nishca shinata rurashpa ñuca quiquin justificarinataca mana yuyanichu. Ashtahuanpish justificashca canataca, Cristopi crishpami japircani. Chaica Diosmantami shamun, crishpallami japina.

Filipenses 4:19

Ñuca Diosmi, Cristo Jesusmanta sumaj llajtapi paipaj charishcacunamanta, cancunapaj tucui ima illashcacunatapish cunga.

Colosenses 1:13

Diosmi ñucanchijtaca amsapaj podermanta cacharichishpa, paipaj c'uyashca Churipaj mandacunpi churarca.

1 Pedro 2:5

Cancunapish causaj rumicunallatajmi canguichij. Chashna cashpami Diospajlla huasita huasichicuncuna canguichij. Jucha illaj curacunapishmi canguichij. Jesucristomantaca Dios chasquinalla causaita causaichij.

1 Pedro 2:9

Ashtahuanpish cancunaca Dios agllashcacunapura, jatun mandajpajta ruraj curacuna, jucha illaj llajta, Diospajlla cachun randishca pueblomi canguichij. Cancunataca amsamanta paipaj sumaj achijman cayashpa, mancharina allicunata huillachun agllashcacunami canguichij.

1 Pedro 4:11

Maijan huillacushpaca, Diospaj shimi nishca shinalla huillachun. Maijan allita rurajca, Dios cushca poderhuan allita rurachun. Jesucristomanta Diostaca, tucuipi jatunyachishca cachun chashna ruraichij. Huiñai huiñaita jatunyachishca canapish, tucuita mandanapish paipajmi. Chashna cachun.