Efesios 1:5 - Dios Rimashca Shimicunami

⁵ Pai c'uyashcamantami Jesucristohuan shujlla tucujpi ñucanchijtaca, paipaj huahuacunata rurangapaj, pai munashca shinallataj ñaupaman agllarca.

Mushuj Testamento Diospaj Shimi

⁵ Diosca jatunta cʼuyashcallamantami, Pai quiquin chashna ruranata munashca. Chaimantami ñucanchijtaca, Jesucristomanta Paipaj quiquin huahuacuna cachun, ñaupamanta chʼicanchishca.

Efesios 1:5 Iomraidhean Croise

JEREMÍAS 3:19

Ñucaca: ¿Ima shinataj cancunataca ñuca huahuacunata rurashpa, tucui llajtacunamanta yalli munananqui sumaj llajtata cushari? nishpami tapurcani. Shina nicushpapish ñucallatajmi: Ñucataca ñucanchij Yayitu nichijlla. Ñucamantaca amataj anchuringuichijchu nircani.

JEREMÍAS 3:4

¿Manachu cunanmantapachallapish cutintaj ñucataca: Ñuca Yayitu, huambraraj cajpica canmari ñucata pushashpa purij carcangui nisha ningui?

DANIEL 4:35

Quiquinpaj ñaupajpica, cai pachapi causajcunaca tucuicuna ima mana canchu. Paica jahua pacha soldadocunatapish, cai pachapi causajcunatapish pai munashca shinami ruran. Paipaj maqui imata ruracujtaca pi mana jarcai tucunchu. ¿Imatataj ruracungui? ninallatapish, pi mana ni tucunchu” nircanimi.

OSEAS 1:10

Shina cashpapish, israelcunaca mama cuchapi tiyaj t'iyu allpa shinami canga. Pi mana medi tucuipaj, pi mana yupai tucuipajmi canga. Maipimi: “Cancunaca ña mana ñuca agllashcacunachu canguichij” nirca, chaillapitajmi: “Causaj Taita Diospaj huahuacunami canguichij” ninga.

Mateo 1:25

Chaipipish punta churita María huachangacama, Joseca manaraj chayarircachu. Chai huahuataca, JESÚS shutitami shutichirca.

Mateo 11:26

Ñuca Yayitu, canllatajmari chashna tucuchun munashcangui.

Lucas 10:21

Chai horasllatajmi Jesusca jucha illaj Espíritu cushichijpi achcata cushicushpa cashna nirca: –Jahua pachata, cai pachata Mandaj ñuca Yaya, ñucaca cantami alabani. Caicunataca alli yuyaiyuj, yachaisapacunamanca mana ricuchishcanguichu. Huahuacuna shina manaraj yachajcunamanmi ricuchishcangui. Ñuca Yayitu, canllatajmari chashna tucuchun munashcangui.

Lucas 11:32

Imalla rurashcata Taita Dios ricuchi punllapica, cunan cai punllapi causajcunataca Ninivepi causajcunami mana allitamari rurashcanguichij ningapaj shamungacuna. Ninivepi causajcunaca Jonás huillajpimi, paicuna juchayuj cashcamanta Taita Diosman cutirircacuna. Riquichij, caipica Jonastapish yallimari huillacuni.

Lucas 12:32

Ñuca ovejacunalla, ashalla cashpapish ama manchaichijchu. Ashtahuanpish Taita Diosca cushicushpami cancunahuan mandasha nicun.

Juan 1:12

Maijanpish paita chasquishpa, paipaj Shutipi crijcunataca tucuicunatami Taita Diospaj huahuacunata rurarca.

Juan 11:52

Mana chai llajtallamantachu huañuna carca. Ashtahuanpish tucui cai pachapi urapi janajpi caj Taita Diospaj huahua cajcunata tandachingapajmi chashnaca huañuna carca.

Juan 20:17

Chaimi Jesusca: –¡Ama ñucapi charirichu! ñuca Yayapajman manaraj huichiyanichu. Ñuca Yayapajman, cancunapaj Yayapajman, ñuca Taita Diospajman, cancunapaj Taita Diospajman huichiyagrinimi ninmi nishpa ñuca huauquicunaman huillagri– nircami.

Hechos 13:48

Chashna huillashcata mana judiocuna uyashpaca, Jatun Diospaj Shimica sumajmari nishpami achcata cushicurcacuna. Chaimi huiñai causaipaj canacunaca tucuicuna crircacuna.

Romanos 8:23

Mana chaicunallachu aij nicun. Ashtahuanpish ñucanchijpishmari Espirituta ñaupachishpa cushcata charijcuna cashpapish, ñucanchij shungu ucupica aij nicunchij. Ñucanchij cuerpota quishpichishpa, ñuca huahuacunatajmi canguichij nishca canatami chashna shuyacunchij.

1 Corintios 1:1

Jesucristopaj apóstol cachun Taita Dios munashpa cayashca Pablomi cani. Huauqui Sostenesdijmi,

1 Corintios 1:21

Dios rurashcacunaca, pai yachaj cashcatami ricuchin. Cai pachapi causajcunaca paicunapaj yachashcallahuan Dios tiyashcata crishun nishpami Dios tiyashcataca mana crircacuna. Chaimantami Diosca musparishpa huillacushca shina huillashcata crijpi, quishpichinata munarca.

2 Corintios 6:18

Ñucaca, cancunapaj Yayami casha. Cancunaca ñuca churicuna, ushushicunami canguichij” ninmi Tucuita Rurai Tucuj Jatun Diosca.

Gálatas 3:26

Cristo Jesuspi crishcamantaca, tucuicunami Diospaj huahuacuna canguichij.

Efesios 1:11

Ñaupaman agllashca cashcamantami, Cristomantaca japina cashcata charircanchij. Tucui imatapish rurajca, pai munashpa yuyarishca shinallatajmi pajtachicun.

Efesios 1:9

Alli yuyarishca pi mana yachashca pai munashca shina rurasha nicushcataca ñucanchijmanmi ricuchirca. Chaitaca ñaupamanmi paillataj rurasha nishca carca.

Filipenses 2:13

Allita ruranatapish, allita munanatapish Diosmi pai munashcamanta cancunapica rurachicun.

Colosenses 1:19

Dios pai ima shina cashcaca, Cristopi junda causachunmi munarca.

2 Tesalonicenses 1:11

Taita Dios imapaj agllashca cashca shinataj causanguichij. Ima allita ruranapipish crishpalla ruranatapish alli ruranguichij. Tucui chaicunataca paillataj paipaj poderhuan rurachichunmi cancunamantaca mañacunchijlla.

Hebreos 2:4

Diosca señalcunata, pi mana ruraipajcunata, ch'ican ch'ican milagrocunata paicunata rurachishpami chai huillashcacuna chashnataj cashcataca ricuchirca. Pai munashca shina paipaj Jucha illaj Espirituta cushpami chaicunataca chashna rurachirca.

1 Juan 3:1

Dios ñucanchijta ima shina c'uyashcataca ricuichigari. Diospaj huahuacunami nishca cachunmi chashna c'uyashca. Chaimantami cai pachapi cajcunaca, Diosta mana rijsishcamanta ñucanchijtapish pipaj huahuacuna cashcata mana rijsincuna.

Apocalipsis 21:7

Maijanpish mishajca, tucui ima japina cashcatami japinga. Ñucaca paipaj Diosmi casha, paipish ñuca huahuami canga.