Efesios 1:3 - Dios Rimashca Shimicunami

³ Ñucanchijta Mandaj Jesucristopaj Yaya Diostaca, alli nishca cachun. Cristomantami jahua pacha llajtacunapi tiyaj allicunata ñucanchijmanca cushca.

Mushuj Testamento Diospaj Shimi

³ Cristohuan shujlla tucujpimi, Taita Diosca Paipaj Espirituhuan, ñucanchijmanca jahua pachapi Pai tucui imalla charishcacunata curca. Chaimanta Apunchij Jesucristopaj Yaya Diostaca, ‘Allimari cangui’ nishunchij.

Efesios 1:3 Iomraidhean Croise

GÉNESIS 14:20

Canta p'iñajcunata cambaj maquipi churaj Taita Diostaca alli nishca cachun” nirca. Abramca macanacuipi imallata quichumushcataca, cada chungamanta shujtami Melquisedecman curca.

GÉNESIS 22:18

Ñuca mandashcata can cazushcamantami, cambaj huahua huahuacunamantaca tucui cai pachapi causajcunapish alli nishca cangacuna– nircami.

1 CRÓNICAS 29:20

Chashna nishca q'uipami Davidca, tucui chaipi tandanacushcacunataca: “Cunanca cancunata Mandaj Taita Diosta allimari cangui nichij” nirca. Shina nijpica tucuicunami paicunapaj ñaupa yayacunata Mandaj Diostaca allimari cangui nishpa, Mandaj Diospaj ñaupajpipish, jatun mandaj Davidpaj ñaupajpipish cungurishpa adorarcacuna.

1 CRÓNICAS 4:10

Jabes runaca israelcunapaj Taita Diostaca: “Cambaj allicunata ñucaman cuhuayari. Ñuca llajtata mirachihuai. Ñuca ama ima llaquita apangapaj cambaj maquipi ñucata huaquichihuai” nishpami mañarca. Chashna mañajpica, Diosca pai mañashca shinami rurarca.

2 CRÓNICAS 31:8

Chai q'uipaca Ezequiaspish, pai churashca mandajcunapish chai granocunata ricugrishpaca, Mandaj Diostapish, pai agllashca israelcunatapishmi bendiciarcacuna.

NEHEMÍAS 9:5

Chai q'uipami Jesúa, Cadmiel, Bani, Hasabnías, Serebías, Hodías, Sebanías, Petaías levitacunaca cashna nircacuna: “Jatarichij, cancunata Mandaj Taita Diosta cashna alli nichij. Huiñaimanta huiñaicama caj Dios quiquinpaj sumaj shutitaca alli nishca cachun. Quiquintaca alabacunallamari” nircacunami.

SALMOS 134:3

Jahua pachatapish, cai pachatapish ruraj Mandaj Diosca Sionmanta cantaca alli cashca cachun nichun.

SALMOS 72:17

Paipaj shutica huiñaipajmi canga. Inti tiyashcacama paipaj shutica ama chingarichun. Tucui llajtacunami paimanta alli nishca cangacuna. Paica alli nishcami canga.

SALMOS 72:19

¡Paipaj sumaj shutica huiñaita alli nishca cachun! ¡Tucui cai pachapi paipaj sumaj cashcahuan junda cachun! ¡Chashna cachun, chashna cachun!

ISAÍAS 61:9

Paicunapaj huahua huahuacunaca, shujtaj llajtacuna rijsishcami canga. Cutin pai mushujyachishcacunaca shujtaj gentecuna rijsishcami canga. Tucui paicunata ricujcunami Mandaj Diospaj huahua huahuacunami, pai alli nishcacunami ningacuna.

DANIEL 4:34

Shina cashpapish, ñucata llaquichishca huatacuna ña tucuricuipimi, Nabucodonosor ñucaca jahua pachata huichilla ricurcani. Chaimi ñucamanca gente yuyaillatataj tigrachirca. Jahua pacha Taita Diostaca allimari cangui nircanimi. Huiñai causaiyujtaca alabashpa jatunyachishpami cashna nircani: Quiquin mandanaca mana tucurij huiñaita mandanami. Quiquinca huahua huahuata mandacunguillami.

Lucas 2:28

Simeonca huahuata marcashpa, Diosta allimari cangui nishpaca cashna nirca:

Juan 14:20

Chai punllami ñucaca, ñuca Yayahuan, cancunapish ñucahuan, ñucapish cancunahuan shujlla cashcataca yachaj chayanguichij.

Juan 17:21

Paicunaca tucuicuna shujlla cachunmi mañacuni. Ima shinami can Yayapish ñucahuan, ñucapish can Yayahuan shujlla canchij, chashnallataj paicunapish ñucanchijhuan shujlla cachunmi mañacuni. Chashna cajpimi ñucataca cai pachapi causajcunaca, can cachashca cashcata cringacuna.

Juan 20:17

Chaimi Jesusca: –¡Ama ñucapi charirichu! ñuca Yayapajman manaraj huichiyanichu. Ñuca Yayapajman, cancunapaj Yayapajman, ñuca Taita Diospajman, cancunapaj Taita Diospajman huichiyagrinimi ninmi nishpa ñuca huauquicunaman huillagri– nircami.

Romanos 12:5

Ñucanchijca achcacuna cashpapish, Cristopica shuj cuerpollami canchij. Chashna cashcamantami, caishuj chaishuj shuj cuerpopajlla miembrocuna canchij.

Romanos 15:6

Chashna cashpami shuj shinalla, shuj rimashca shinallapi ñucanchijta Mandaj Jesucristopaj Dios Yayataca jatunyachinguichij.

1 Corintios 1:30

Diosmi cancunataca, Cristo Jesushuan shujllata rurarca. Cristotamantami Diosca yachaj cachun, justificashca cachun, jucha illajta rurashca cachun, randishpa quishpichishca cachun churarca.

1 Corintios 12:12

Cuerpoca shujlla cashpapish, achca miembrocunatami charin. Cuerpopaj miembrocunaca achcacuna cashpapish, tucuicunami chai cuerpopajlla, chashnallatajmi Cristopaj cuerpopish.

2 Corintios 1:3

Ñucanchijta Mandaj Jesucristopaj Dios Yayataca, alli nishca cachun. Paica llaquij Yayami, tucuipi cushichij Diosmi.

2 Corintios 11:31

Ñuca mana llullacushcataca, ñucanchijta Mandaj Jesucristopaj Yaya, Taita Diosmi yachan. Paica huiñai huiñaita alli nishcami.

2 Corintios 5:17

Chaimanta maijanpish Cristopi cajca, tucuita mushujyachishcamanta mushujmi. Ñaupa ima shina cashcaca ña chingarircami, cunanca tucuita mushujyachishcami.

2 Corintios 5:21

Cristotaca mana juchayuj cajpipish, Diosca ñucanchijmantami juchayujta rurarca. Cristomanta ñucanchijca, Dios munashca shina cashcata rurajcuna cachunmi chashnaca rurarca.

Gálatas 3:9

Chaimantami crishpa causajcunaca, crij Abrahamhuan allicunata chasquijcuna tucun.

Efesios 1:10

Pai yuyarishca punllacuna pajtajpimi, jahua pachacunapi cajcunata, cai pachapi cajcunata, tucui ima tiyajta tandachishpa Cristopaj ucupi churanga.

Efesios 1:17

ñucanchijta Mandaj Jesucristopaj sumaj Yaya Diosca, yachaisapa cana yuyaiyujta rurashpa, paimanta ashtahuan alli yachajta rurachun mañacuni.

Efesios 1:20

Cristotaca huañushcacunapaj chaupimanta causachishpami, jahua pacha paipaj alli ladoman tiyachishpa, chai poderyuj cashcataca ricuchirca.

Efesios 2:6

Paihuan shujllata rurashpami ñucanchijtaca causachirca. Chashnallatajmi ñucanchijtaca, Cristo Jesushuan jahua pachapi tiyachirca.

Efesios 3:10

Shinallataj Diospaj tucui laya yachaitaca jahua pacha llajtacunapi poderyujcunaman, mandanata charijcunamanpish tandanacushca crijcunapi ricuchingapajmi curca.

Efesios 6:12

Ñucanchijca yahuaryuj, aichayujhuanca mana macanacucunchijchu. Ashtahuanpish jahua huairapi purishpa mandacuj millai supaicunahuanmi macanacucunchij. Chaicunami cai pacha amsapaj cajcunata mandashpa mana allita rurachicun.

Filipenses 2:11

Dios Yaya sumajyarichunca tucui c'allucunami Jesucristotaca Mandajmi nishpa huillangacuna.

Hebreos 8:5

Diospaj carpa huasita Moisés ruranapajca Diosmari Moisestaca: “Riqui, chai urcupi ima shinalla ruranata ricuchishca shinataj tucuita rurangui” nishca. Chaimantami chai curacunaca jahua pachapi tiyajmanta ricuchij llandu shinalla Diospaj carpa huasipica Diospajta rurancuna.

Hebreos 9:23

Chashna cajpica jahua pachapi tiyajcunata ricuchijcunataca, Diosman sacrificiota cushca yahuarta tsirapajpimi ima mapa illajlla tucun. Jahua pachamanta cajcunacarin chai sacrificiota yallitamari ruracun.

1 Pedro 1:3

Ñucanchijta Mandaj Jesucristopaj Dios Yayataca, alli nishca cachun. Paica, ñucanchijta jatunta llaquij cashcamantami huañushcacunapaj chaupimanta Jesucristota causachishpa, huiñaita causagrina yuyailla cachun, ñucanchijtaca cutin huacharichirca.