Efesios 1:22 - Dios Rimashca Shimicunami

²² Shinallataj tucui imatapish Cristo cazuchichunmi, paipaj chaquicuna ucupi churarca. Tandanacushca crijcunapajpish uma cachunmi, paillatataj churarca.

Mushuj Testamento Diospaj Shimi

²² Chashnami tucuita Cristopaj chaqui ucupi churarca. Shinallataj tandanacushca crijcunamanpish, tucuita cushca jahuapimi, Cristotaca paicunata Mandaj Uma cachun churarca.

Efesios 1:22 Iomraidhean Croise

GÉNESIS 3:15

Cunanca canhuan, huarmihuanca p'iñanacuipimi churani. Cambaj huahua huahuacunahuanpish, huarmipaj huahua huahuacunahuanpish p'iñanacuipimi churani. Huarmipaj huahua huahuapurami cantaca umapi sarunga. Canca chaqui talonllapimi chugrichingui– nirca.

SALMOS 110:1

Mandaj Diosca ñucata mandajtaca: “Quiquinta p'iñajcunata quiquinpaj chaqui sarunapi churangacama ñuca alli ladopi tiyarilla” nircami.

SALMOS 91:13

Leonpaj jahuapipish, víbora culebrapaj jahuapipish canmi sarungui. Malta leontapish, dragontapish canmi huañuchingui.

Mateo 16:18

Ñucapish cantaca Pedromi cangui ninimi. Cai rumi jahuapimi, tandanacushca crijcunataca shayachisha. Hadespaj pungucunapish mana mishai tucungachu.

Hechos 20:28

Mandaj Jesusca paipaj yahuarta jichashpami cancunataca randirca. Chaimanta cancunallatajpish alli cuidaringuichij. Cancunaman mingashca ovejacunatapish alli cuidanguichij. Cancunataca Taita Diospaj tandacushca crijcunata michij obispo cachunmi, jucha illaj Espirituca churarca.

1 Corintios 11:3

Ashtahuanpish caitami yachachun nini: Cristoca tucui c'aricunapaj umami, c'arica huarmipaj umami, Diosca Cristopaj umami.

Efesios 3:21

Chaimanta Cristo Jesuspi tandanacushca crijcunapica, tucui huahua huahuacuna paitaca, huiñai huiñaita jatunyachishca cachun. Chashna cachun.

Efesios 5:23

Tandanacushca crijcunapajca, Cristoca umami. Chai shinallataj cusapish huarmipajca umami. Crijcunaca Cristopaj cuerpomi, paimi paicunapaj Quishpichij.

Colosenses 1:18

Tandanacushca crijcunaca Cristopaj cuerpomi, paica umami. Paica callarinapaj ña tiyajmi. Huañushcacunapaj chaupimanta punta causarijmi. Tucuipi punta cangapajmi chashna tucurca.

Colosenses 1:8

Espíritu yuyaita cushca shina cancuna c'uyanacucujtaca, paillatajmi ñucanchijmanca huillarca.

Colosenses 2:10

Cancunapish Cristohuan shujlla cashcamantaca, tucui pai ima shina cashcatami charinguichij. Paica tucui punta mandajcunapaj, poderyujcunapaj umami.

Colosenses 2:19

Paicunaca uma caj Cristohuanca mana shuj shinalla canchu. Ashtahuanpish Cristomari paipi cajcunataca mucucunahuan, angucunahuan shujllata rurashpa, carashpa, sinchiyachishpa, Dios cushcahuan huiñachicun.

1 Timoteo 3:15

Ima shinamanta ñuca mana utca shamujpica, causaj Diospaj huasi caj tandanacushca crijcunata ima shina pushanata yachachunmi caita quillcani. Paicunaca pilar shina, mana llullata sinchita cuidajcunami.

Hebreos 2:8

Tucuita pai cazuchichunmi, paipaj chaqui ucupi churarcangui” ninmi. Chaimantami tucui imatapish, imata mana saquishpa paipaj chaqui ucupi churarca. Shina cajpipish, tucuicuna paita cazucujtaca manaraj ricunchijchu.