Efesios 1:21 - Dios Rimashca Shimicunami

²¹ Poderyujcunapaj, mandanata charijcunapaj, poderhuan mandajcunapaj, tucui laya shutichishcacunapaj jahuapipishmi paica mandacun. Mana cunan punllacunallapichu, ashtahuanpish q'uipa punllacunapipishmi mandanga.

Mushuj Testamento Diospaj Shimi

²¹ Cunan punllacunapish, shamuj punllacunapish tucuita mandachunmi, chaipi tiyachirca. Chaimantami Cristoca, tucui mandajcunapaj, mandanata charijcunapaj, imatapish rurai tucujcunapaj, caźuchijcunapaj, jahuapi, ima rijsishca shuticunapaj jahuapipish tiyacun.

Efesios 1:21 Iomraidhean Croise

DANIEL 7:27

Chashna rurashpaca mandanatapish, mandaj canatapish, achca llajtacuna tandanacushca mandanacunatapish, cai pachapi tucui cajcunataca jahua pacha Taita Diospaj jucha illajcunamanmi cunga. Chai mandanaca huiñaita mandanami canga. Chaipica tucui mandacujcunami pai mandashcallata ruracungacuna” nircami.

Mateo 12:32

Runa Aichayujta maijancuna imata rimashpa c'amishcataca perdonashcami canga. Ashtahuanpish jucha illaj Espirituta p'iñashpa c'amijtaca, cunan causaipipish, shamuj causaipipish manataj perdonangachu.

Hechos 4:12

Ashtahuanpish pi shujtaj Quishpichijca mana tiyanchu. Cai pachapi causajcunata quishpichichunca Taita Diosca pi shujtajtaca mana cushcachu. Jesusllami quishpichi tucun– nircami.

Efesios 2:2

Ñaupa punllacunaca cai pacha munaicunata catishpami, huairapi mandaj munashcata rurashpa, chaipi purircanguichij. Cunanca mana cazujcunapimi, chai espirituca millaita rurachicun.

Efesios 3:10

Shinallataj Diospaj tucui laya yachaitaca jahua pacha llajtacunapi poderyujcunaman, mandanata charijcunamanpish tandanacushca crijcunapi ricuchingapajmi curca.

Efesios 6:12

Ñucanchijca yahuaryuj, aichayujhuanca mana macanacucunchijchu. Ashtahuanpish jahua huairapi purishpa mandacuj millai supaicunahuanmi macanacucunchij. Chaicunami cai pacha amsapaj cajcunata mandashpa mana allita rurachicun.

Colosenses 2:10

Cancunapish Cristohuan shujlla cashcamantaca, tucui pai ima shina cashcatami charinguichij. Paica tucui punta mandajcunapaj, poderyujcunapaj umami.

Colosenses 2:15

Cristota cruzpi chacatashpa, tucuita mishashpami punta mandajcunatapish, mandanata charijcunatapish anchuchishpa tucuicunata paipaj ñaupajpi cumurichirca.

Hebreos 1:4

Diosca paipaj Churitaca angelcunata yalli cachunmi churarca. Angelcunapaj shutitapish yalli jatun shutitami paimanca curca.

Hebreos 2:5

Ñucanchij parlacushca mushuj pachata q'uipa punllapi mandachunca, Diosca mana angelcunamanchu curca.

Hebreos 4:14

Ñucanchijca jahua pachacunata pasashpa rij, curacunata jatun pushaj curatami charinchij. Paica Diospaj Churi Jesusmi. Chaimanta ñucanchij crishpa caticushcataca alli catishunchij.

1 Pedro 3:22

Paica jahua pachaman huichiyashpami, Diospaj alli ladopi tiyacun. Chaipica paitami angelcuna, mandajcuna, poderyujcunapish cazucuncuna.