Efesios 1:18 - Dios Rimashca Shimicunami

¹⁸ Pai Diosca, cancunapaj yuyaipaj ñahuita achijyachishca cachunmi mañacuni. Chashna achijyachijpimi, cancunaca imata shuyanapaj cayashca cashcata, jucha illajcunahuan achcata charina sumaj herenciapish ima cashcata yachanguichij.

Mushuj Testamento Diospaj Shimi

¹⁸ Cancunapaj shungu yuyaitaca, Paillataj achijyachishca cachun. Chashna rurajpimi, imata shuyachun Dios cayashcatapish, Diospajlla cajcunahuan tucuita yalli sumajta chasquina cashcatapish ricunguichij.

Efesios 1:18 Iomraidhean Croise

JOB 42:5

Ñucaca parlashcallatami canmantaca uyarcani. Cunanmi cantaca ñuca quiquin ñahuihuantaj ricuni.

SALMOS 119:18

Quiquin mandashcacunapi mancharinacuna tiyacujta ricungapaj ñuca ñahuita pascahuai.

ISAÍAS 11:2

Mandaj Diospaj Espiritumi paipi causanga. Chai espirituca: Yachaisapa canata cuj espíritu, yuyaisapa canata cuj espíritu, alli yachaita cuj espíritu, imatapish rurai tucunata cuj espiritu, imatapish yachaj canata cuj espiritu, Mandaj Diosllata manchana yuyaita cuj espiritumi canga.

ISAÍAS 29:10

Mandaj Diosllatajmi cancunapaj jahuapica dorminaita cuj espirituta tallirca. Chaimi cancunapaj profetacunapaj ñahuicunatapish huichcarca. Chaimi Dios huillachishcata cancunaman huillajcunatapish linsohuan umata pilluchirca.

ISAÍAS 29:18

Chai punllacunapica mana uyajcunapish, libropi rezashcataca uyangacunami. Ñahui mana ricujcunapaj ñahuica, amsa cajpipish, yallitaj amsa cajpipish ricungallami.

ISAÍAS 32:3

Paita ricujcunapaj ñahuicunaca, mana amsayangachu. Paita uyajcunapaj rinrincunaca allimi uyaracungacuna.

ISAÍAS 42:7

Mana ricujcunapaj ñahuita pascachunmi churasha. Carcelmanta prezucunata llujshichichunmi churasha. Prezuna huasicunapi causacujcunata, amsapi causacujcunata llujshichichunmi churasha.

ISAÍAS 6:10

Paicunapaj shungutapish rumiyachi. Rinrintapish mana uyajta rurai. Ñahuitapish mana ricujta rurai. Ñahuihuanpish ama ricuchun, rinrinhuanpish ama uyachun, shunguhuanpish ama entendichun, ñuca ama alliyachichun ñucaman ama cutirichun chashna rurai” nircami.

Mateo 13:15

Cai llajtapi causajcunapaj shunguca rumiyashcami. Paicunapaj rinrinca tapashca shinami. Paicunapaj ñahuicunapish huichcashca shinami tucushca. Chaimanta uyashpapish mana uyashca shina tucuchun. Paicunapaj shungutapish ama cutirichun mana entendijta ruragri. Paicuna chashna tucujpimi, ñucaca mana alliyachisha” nircami. Chaimi pajtashca.

Marcos 10:17

Jesús chaimanta rigrijpimi, shuj runa callpashpa c'uchuyashpa paipaj ñaupajpi cungurishpaca: –Yachachij canca allimari cangui. Huiñai causaita charingapajca ¿ima allitataj rurana cani?– nijpi,

Lucas 24:45

Chashna nishpami Quillcachishcacunata alli entendichun, paicunapaj yuyaicunata pascashpa,

Hechos 16:14

Chai huarmicunapurapica Tiatira pueblomanta Lidia shuti huarmimi ñucanchij huillashcataca uyacurca. Paica Taita Diosta adoraj, morado sumaj linsocunatapish c'atujmi carca. Pablo huillashcata chasquichunmi Mandaj Jesusca chai huarmipaj shunguta pascarca.

Hechos 26:18

Can huillashpa ñahuita pascajpimi, paicunaca amsamanta luzman cutirishpa Satanaspajta ruracushcata saquishpa Taita Diospajta rurangacuna. Ñucata crishpami juchacunamantapish quishpichishcacuna canga. Chashna cashpami Taita Diospajlla cajcunahuan herenciata japingacuna” nircami.

Romanos 11:29

Diosca pai cushcacunataca manataj quichunchu, pai cayashcatapish manataj anchuchinchu.

Romanos 2:4

¿Paica alli canata, mana utca p'iñarij canata, millaita rurajpipish mana utca llaquichij canata achcata charij cashcatachu yanganchingui? Mana cashpaca, paica paipaj alli cashcahuan cutirinaman pushacushcatachu mana yachashca shina tucungui.

2 Corintios 4:4

Cristopaj sumaj alli huillai luz ama achijyachichunmi, cai pachapaj diosca mana crijcunapaj yuyaicunataca tapashca. Cristoca, Dios ima shina cajta ricuchijmi.

2 Corintios 4:6

Amsata achijyachi nishpa luzta mandaj Diosmi, ñucanchij shungupica achijyachij luzta churarca. Jesucristopaj ñahuipi Dios sumaj cashca ricurishcata alli yachashpa shujtajcunaman yachaj chayachichunmi chashna rurarca.

Gálatas 5:5

Ñucanchijca Espiritumanta crishcamantami, cashcata rurajta rurashca canchij. Chaimantami chai yuyailla canchij.

Efesios 1:11

Ñaupaman agllashca cashcamantami, Cristomantaca japina cashcata charircanchij. Tucui imatapish rurajca, pai munashpa yuyarishca shinallatajmi pajtachicun.

Efesios 1:7

Diosca, mana c'uyaipajta c'uyaj canata charij cashcahuanmi, juchacunata perdonashpa, Cristopaj yahuarhuan cutin randishpa quishpichirca.

Efesios 2:12

Ñaupaca Cristo illajcuna, Israel canamantapish carupi, Dios cusha nishpa ari nishcatapish imata mana charijcuna, cai pachapica shuyana illaj, Dios illajcunami carcanguichij.

Efesios 3:16

Diosca sumajyaita achcata charij cashcamantaca, paipaj Espirituhuan poderta cushpa cancunapaj shungupi sinchiyachichunmi mañacuni.

Efesios 3:8

Ñucaca tucui jucha illajcunamanta ashtahuan uchillami cani. Chashna cajpipish mana judiocunaman Cristopaj mana yupaipaj achcata charishca alli huillaita huillachunmi, cai mana c'uyaipajta c'uyaj canataca ñucaman curca.

Efesios 4:1

Ñucaca, Mandaj Jesuspi shujlla cashcamantami prezupi cani. Cancunataca Dios imapaj cayashca shinataj alli purichunmi cashna rogani:

Efesios 4:4

Shuj cuerpollami tiyan, Espiritupish shujllami. Chaimanta shujlla shuyanata shuyachun cayashcacunami canguichij.

Efesios 5:8

Ñaupaca amsami carcanguichij. Ashtahuanpish Mandaj Jesuspica, cunanca achijmi canguichij. Chaimanta luzpaj huahuacuna shina purichij.

Filipenses 3:14

Cristo Jesusta crishpa, jahua pachapi caj japina cashcata japichunmi, ñucataca Diosca cayarca. Chaimantami chayana cashcaman caticuni.

Colosenses 1:12

Ñucanchij jucha illajcuna achij llajtapi herenciata japijcunata ruraj ñucanchij Yayataca, cushicushpa pagui nijcuna cachunmi mañacunchijlla.

Colosenses 1:23

Chaimanta cancunaca crishcapi, sapiyashpa sinchi catichij. Alli huillaita huillajpi cancuna imata japina cashcataca uyarcanguichijmi. Chaimantaca ama anchurishpa chai yuyailla caichij. Chaitaca tucui cai pachapi causajcunamanmi huillashca. Ñucapish chaita huillachun churashca Pablomi cani.

Colosenses 1:27

Diosca pi mana yachaipaj sumaj charinacunataca jucha illajcunaman cushpami, tucui mana judiocunamanpish ricuchisha nirca. Chaica Cristo cancunapi cashcami, paimantami sumaj cashca ricurina yuyailla canguichij.

Colosenses 1:5

Cancunaca jahua pachapi huaquichishcata japina yuyailla cashpami, chashna c'uyacunguichij. Chai japinataca mana llulla, alli huillai shimita,

Colosenses 2:2

Paicunapaj shungucunapi cushicuchun, c'uyaipi shujlla cashpa alli entendij canata charij canaman chayachunmi macanacucuni. Chashna cashpami Dios Yayamanta, pi mana yachashca pacalla cajca Cristo cashcata alli yachangacuna.

Colosenses 3:15

Cristomanta Dioshuan sumaj causaica cancunapaj shungucunapi mandachun. Chashna cachun cayashpa shujlla cuerpota rurashcacunami carcanguichij. Chaimanta pagui nijcuna caichij.

1 Tesalonicenses 2:12

Paipaj sumaj mandanaman Taita Diosca cayashcamantaca, paipaj huahuacuna shinataj causachunmi yachachircanchij.

1 Tesalonicenses 5:8

Ashtahuanpish ñucanchijca punllapaj cashcamanta, alli yuyaihuan cashunchij. Crishcata, c'uyanatapish fierro churanata churashca shinami canchij. Quishpichishcata shuyanatapish fierro cascota churashca shinami canchij.

2 Tesalonicenses 1:11

Taita Dios imapaj agllashca cashca shinataj causanguichij. Ima allita ruranapipish crishpalla ruranatapish alli ruranguichij. Tucui chaicunataca paillataj paipaj poderhuan rurachichunmi cancunamantaca mañacunchijlla.

2 Tesalonicenses 2:16

Jesucristo ñucanchijta Mandaj, Taita Dios ñucanchij Yayami mana c'uyaipajta c'uyashpa, ñucanchijmanca huiñaita cushicunata, pai yuyailla canatapish curca.

1 Timoteo 6:12

Achcacunapaj ñaupajpi crishcata ricuchishcamantaca, crishcapica alli macanacushpa huiñai causaita chasquingacama alli catirai. Chaipaj Taita Dios cayashcami carcangui.

Tito 2:13

Chaimi ñucanchij jatun Dios Quishpichij Jesucristo sumaj cashcahuan shamunataca, ñucanchijca chai yuyailla cushijlla shuyacunchij.

Tito 3:7

Chashnami Diosca mana c'uyaipaj cajpipish c'uyashpa, justificashpa chasquirca. Chaimantami ñucanchij japina cashca huiñai causaitaca, chai yuyailla shuyacunchij.

Hebreos 10:32

Ñaupa punllacunapi cancunapaj yuyaita Dios achijyachijpi, ima tucushcata yuyarichij. Chai punllacunapica, jatun llaquicunataca alli macanacucuj shinamari aparcanguichij.

Hebreos 6:4

Maijancunaca Dios achijyachijpimi jahua pachamanta Dios cushca ima shina cashcataca yacharcacuna. Paicunaca Diospaj Jucha Illaj Espíritu cushcatapish chasquircacunami.

1 Pedro 1:3

Ñucanchijta Mandaj Jesucristopaj Dios Yayataca, alli nishca cachun. Paica, ñucanchijta jatunta llaquij cashcamantami huañushcacunapaj chaupimanta Jesucristota causachishpa, huiñaita causagrina yuyailla cachun, ñucanchijtaca cutin huacharichirca.

1 Pedro 3:9

Cancunaca Dios allicunata cushcata japijcuna cachun cayashcata yachashcamantaca, cancunata llaquichijpipish ama chashnallataj ruraichijchu. Ima tucushca canman nijpipish, ama chashnallataj nichijchu. Chaipaj randica, Dios allicunata cushca cachun nichij.

1 Pedro 5:10

Mana c'uyaipajta c'uyaiyuj Diosca Jesuscristomanta paipaj huiñaita sumaj canaman cayaj Diosmi. Paica asha llaquicunata apachun saquishpaca, cancunataca allitaj caj tucungacama pi mana cuyuchipaj sinchitami ruran.