Efesios 1:13 - Dios Rimashca Shimicunami

¹³ Cancunapish chai Jesusllatataj crishpa quishpirichunmi, mana llulla alli huillaitaca huillarcanchij. Chaita uyashpa crincami, Diosca pai cusha nishca jucha illaj Espirituhuan sellarca.

Mushuj Testamento Diospaj Shimi

¹³ Chai huashaca, cancunapish quishpirinata cuj alli huillaita uyashpaca, Cristotami cringuichij. Chaimantami Diosca Pai cusha nishca, jucha illaj Espirituta cancunapaj shungupi churashpa, Paipajlla chʼicanchirca.

Efesios 1:13 Iomraidhean Croise

SALMOS 119:43

Imatapish cashcata rimaj canataca, amataj ñuca shimimanta anchuchihuaichu. Ñucaca quiquin mandashcacunatami shuyani.

JOEL 2:28

Cai tucuita rurashca q'uipaca, ñuca Espiritutaca tucuicunapimi churasha. Chashna churajpimi cancunapaj churicunapish, ushushicunapish ñucamanta huillangacuna. Cancunata cunaj yuyajcunapish muscungacunami. Q'uipa huiñaicunapish ñuca ricuchishcatami, muscuipi shina ricungacuna.

Lucas 11:13

Cancunaca mana allicuna cashpapish, cancunapaj huahuacunamanca imatapish allitamari cunguichij. ¿Manachu jahua pachapi caj cancunapaj Yayacarin jucha illaj Espirituta cuhuai nishpa mañajcunamanca cungalla?– nircami.

Lucas 24:49

Cunanca ñuca Yaya cusha nishca Espiritutami cancunapajman cachasha. Jahuamanta cachashca tucuita rurai tucujhuan churaringacama, Jerusalenllapitaj shuyacunguichijlla– nircami.

Juan 1:17

Mandashcataca Moisesmanmi huillachirca. Ashtahuanpish mana c'uyaipajta c'uyaica, mana llullaca, Jesucristomantami shamurca.

Juan 14:26

Ñuca Yayaca cancunata Cushichij cachun, paipaj jucha illaj Espirituta ñucapaj randi cachangami. Paimi cancunataca tucuita yachachinga, ñuca cancunaman tucui imalla yachachishcatapish cutin yuyachingami.

Juan 15:26

Ashtahuanpish ñuca yayapajmanta mana llullaj Espirituta cachajpi pai shamushpaca cushichingami. Paica imatapish cashcatataj nij Espiritumi. Paica Yayamanta shamushcamanta, ñuca ima shina cashcatami huillanga.

Juan 3:33

Maijanpish pai ricushcata huillajpi chasquijca, Taita Diosca mana llulla cashcatami ricuchin.

Juan 6:27

Chingarijlla micunataca ama mashcaichijchu, ashtahuanpish mana tucurij huiñai causaipaj micunata mashcaichij. Chaitaca, Runa Aichayujmi cancunamanca cunga. Chaita cuj cachunca, Dios Yayami churarca– nircami.

Hechos 1:4

Jesusca paicunahuan cashpaca, cashna nishpami mandarca: –Jerusalenmantaca amaraj ringuichij. Ñuca sarunman huillashca shinallataj ñuca Yaya cusha nishca jucha illaj Espíritu shamungacama shuyanguichij.

Hechos 13:26

Abrahammanta mirarishca ñuca huauquicunapish, shinallataj maijanlla Taita Diosta manchajcunapish, quishpirinamanta cai huillashcaca cancunapajmi.

Hechos 2:33

Paitami Taita Diosca jatun canapi churashpa, paipaj alli ladoman tiyachirca. Chaimantami Taita Diosca pai cusha nishca jucha illaj Espirituta Jesusman cujpi, paica ñucanchijman cun. Chaitami cunan cancunaca ricucunguichij, uyacunguichij.

Romanos 1:16

Ñucaca alli huillaimantaca mana pingarinichu. Alli huillaica tucuita rurai tucuj Diosmanta cashcamantami, puntaca judiocunata, griegocunatapish maijanpish crijpica, tucuicunata quishpichin.

Romanos 4:11

Abrahamtaca circuncisionta manaraj rurashca cajpimi, Diosca justificashpa chasquirca. Chai q'uipami crijpi justificashcata ricuchij sello shina cachun, Diosca circuncisionta rurachun nijpi Abrahamca chasquirca. Chashnami Abrahamca, circuncisionta mana rurashca crijcunapajpish yaya tucurca. Paicunapish crijllapi justificashpa chasquina cashcata ricuchingapajmi, Diosca chashna rurarca.

Romanos 6:17

Ashtahuanpish ñaupaca juchapaj esclavocuna cashca cashpapish, Diosmanta ima shina canata cancunaman yachachishcatami shungumanta cazushcanguichij. Chaimantami Diostaca pagui nini.

2 Corintios 1:22

paipajta rurashpa sellarca. Japina cashcata ricuchij cachunmi, ñucanchij shungupi paipaj Espirituta churarca.

2 Corintios 6:7

Mana llulla shimicunahuan, Diospaj poderhuan cashcata ruranapaj alli maquipi, lluqui maquipi cushca macanacunahuan,

Gálatas 3:14

Abrahamman cushca allicunaca, Cristo Jesusmanta mana judiocunapajman chayachun, cusha nishca Espirituta, ñucanchijpish crishpa chasquichunmi chashna tucurca.

Efesios 4:21

Cancunaca Jesuspi tiyaj, mana llullatataj paimanta yachachishcata uyashcataj cashpaca, mana chashnachu cana canguichij.

Efesios 4:30

Diospaj jucha illaj Espirituta ama llaquichichijchu. Tucui imamantapish quishpichishpa pushana punllacama paihuan sellashcacunami canguichij.

1 Tesalonicenses 2:13

Taita Diospaj Shimita cancunaman ñucanchij huillajpi uyashpaca, mana runacunapaj shimita shinallachu chasquircanguichij. Ashtahuanpish Taita Diospaj Shimitaj cashcatami chasquircanguichij. Chaimi crij cancunapica rurachicun. Chaimantami ñucanchijca mana samashpa, Taita Diostaca pagui nicunchijlla.

2 Timoteo 2:15

Diospaj ñaupajpi paipajta rurajtaj cashca ricuringapajca, allita rurana yuyailla rurangui. Chashna cashpami imata mana pingaringui, mana llulla shimitapish alli yachashpa, ima shina cashcatataj alli yachachingui.

2 Timoteo 2:19

Ashtahuanpish Taita Dios sinchita callarichishpa sellashcacunaca mana cuyuchipaj sinchimari: “Mandaj Jesusca paipaj cajcunataca rijsinmi”. Chashnallataj, “Maijanpish Cristopaj shutita huillajcunaca tucui millaimanta anchurichun” ninmi.

2 Timoteo 3:15

Canca huahuamanta pachami, Diospaj Quillcacunataca yachangui. Chaicunami Cristo Jesusta crishpa quishpirichun, cantaca yachajta rurai tucun.

Tito 2:11

Diosca tucui cai pachapi causajcunata quishpichingapajmi paipaj mana c'uyaipajta c'uyaitaca ricuchirca.

Hebreos 2:3

Shina cajpica, quishpichij cachun cushcaca tucuimanta yalli jatunmari. Chaita mana chasquishpa saquishpaca ¿ima shinataj ñucanchijca quishpirishun? Chaitaca, Mandaj Jesusrajmi huillarca. Chaita uyajcunami ñucanchijmanca chashnataj cashcata huillarcacuna.

Santiago 1:18

Pai munashcamantami mana llulla shimimanta pai rurashcacunapaj punta p'ucushca grano shina cachun, ñucanchijtaca mushujyachirca.

Santiago 1:21

Chaimanta millanana yuyaita, millai ruranacunatapish tucui saquishpa, Diospaj Shimita cancunaman huillashcataca alli shunguhuan chasquichij. Chaimi cancunataca quishpichi tucun.

1 Pedro 2:10

Cancunaca ñaupaca mana Diospaj pueblochu carcanguichij. Cunanca Diospaj pueblomi canguichij. Ñaupaca Dios mana llaquishcacunami carcanguichij. Cunanca Dios llaquishcacunami tucushcanguichij.

Apocalipsis 7:2

Shinallataj causaj Diospaj sellota apashca shujtaj angelpish, inti llujshin ladomanta huichiyacujtami ricurcani. Paica, cai pachata, mama cuchata llaquichi tucunata charij caishuj chuscu angelcunatami sinchita caparishpa,