Efesios 1:10 - Dios Rimashca Shimicunami

¹⁰ Pai yuyarishca punllacuna pajtajpimi, jahua pachacunapi cajcunata, cai pachapi cajcunata, tucui ima tiyajta tandachishpa Cristopaj ucupi churanga.

Mushuj Testamento Diospaj Shimi

¹⁰ Pai imalla rurana tucushcata pajtachina punllapimi, jahua pachapi cajcunatapish, cai pachapi cajcunatapish, tucuita Cristo mandachun, Paipajlla tandachinga.

Efesios 1:10 Iomraidhean Croise

GÉNESIS 49:10

Judapaj mandana caspitaca manataj quichushca cangachu. Pai mandana varatapish paipaj chaqui chaupimantaca manataj quichushca cangachu. Siloh mandaj shamungacamami tucuicuna paipajllaman tandanacungacuna.

DANIEL 2:44

Chai jatun mandajcuna mandacui punllacunapimi, jahua pacha Taita Diosca nunca pi mana chingachina mandanata churanga. Chai mandanataca shujtaj llajtacuna mandachunca manataj saquingachu. Shujtaj mandanacunataca tucuitami ñutushpa chingachinga. Paica manataj chingaringachu.

AMÓS 9:11

Shamuj punllapica, Davidpaj shayachishca carpa huasitaca cutin shayachishami. Paicunapaj pata t'unishcatapish allichishpa shayachishami. Tucui imalla urmashcatapish shayachishami. Paicunataca ñaupa punllacunapi cashca shinallatajmi allichisha.

MALAQUÍAS 3:1

Chaimantami Mandaj Diosca cashna nin: “Ñuca huillajtami ñaupachishpa cachasha. Paimi ñuca purina ñantaca allichinga. Cancuna mashcacushca Amoca, paipaj huasimanca ñapish yaicungallami. Cancuna shuyacushca ari ninacushcata pajtachij angelpishmi shamunga. Riquichij, ñamari shamucun” ninmi.

Mateo 25:32

Chaimantaca tucui mama llajtacunamantami, paipaj ñaupajpi tandanacunga. Chaipica chivocunamanta ovejacunata michij ch'icanchij shinami allicunataca millaicunamanta ch'icanchinga.

Marcos 1:15

“Taita Dios mandanaca ñami c'uchuyamushca. Chai punllamari chayamushca. ¡Mana alli ruracushcata saquishpa, alli huillaita crichij!” nirca.

1 Corintios 10:11

Tucui caicunaca ñucanchij ricuchunmi chashna tucurca. Cai tucuri punllacunapi ñucanchij causacujcunata sinchita cunangapajmi, chashna quillcashca tiyacun.

1 Corintios 11:3

Ashtahuanpish caitami yachachun nini: Cristoca tucui c'aricunapaj umami, c'arica huarmipaj umami, Diosca Cristopaj umami.

Gálatas 4:4

Ashtahuanpish cachana punlla pajtajpica, Diosca paipaj churitami cacharca. Paica Mandashca ucupimi, shuj huarmimanta huacharirca.

Efesios 1:22

Shinallataj tucui imatapish Cristo cazuchichunmi, paipaj chaquicuna ucupi churarca. Tandanacushca crijcunapajpish uma cachunmi, paillatataj churarca.

Efesios 2:15

Cristomi p'iñanacushcataca paipaj aichapi chingachirca. (Mandashcacunapaj mandashcata pajtachichun nishcata chingachishpami) ishquindijmanta shujllata rurashpa, mushuj runata paillapitaj callarichirca. Chashnami sumajta causajcunata rurarca.

Efesios 3:15

(Paimantami jahua pachapi, cai pachapipish tucuicuna paipaj shutita chasquincuna).

Efesios 3:2

Dios mana c'uyaipajta c'uyashcata, cancunapurapi apachun ñucaman mingashcataca uyashcanguichijmi.

Colosenses 1:16

Diosca jahua pachapi, cai pachapi tucui imalla tiyajta, mana ricuipajcunata, ricuipajcunatapish paipaj Churihuanmi rurarca. Shinallataj jatun mandajcunata, uchilla mandajcunata, ñahuihuan mana ricuipaj mandajcunata, poderyujcunata, tucuicunatami paipaj Churipaj cachun paillahuantaj rurarca.

Colosenses 1:20

Diosca Cristomantami tucui imalla tiyajcunahuan cutin alli tucurca. Cai pachapi cajcunahuanpish, jahua pachapi cajcunahuanpishmi alli tucurca. Cristo cruzpi yahuarta jichashcahuanmi Diosca chashna alli tucurca.

Colosenses 3:11

Chaimanta griegopish, judiopish, circunsicionta rurachishcapish, mana rurachishcapish, urcu runapish, shujtaj llajtamanta cajpish, amopajta rurajpish, amopajta mana rurajpish mana tiyanchu. Ashtahuanpish Cristoca tucuicunapajmi, tucui paipi crijcunapimi.

Hebreos 1:2

Chai tucuipaj q'uipa cunan punllacunapica, paipaj Churitami ñucanchijmanca Diosca huillachirca. Paitami tucui imalla tiyajcunatapish japij cachun churarca. Paillahuantajmi cai pachata, jahua pachata tucui imalla tiyajcunatapish rurarca.

Hebreos 11:40

Dios cusha nishcataca ama paicunalla japichun ashtahuanpish ñucanchijhuan tandalla japijcuna cachunmi Diosca huaquichishpa charicushcalla.

Hebreos 9:10

Chaicunaca imallata micunata, imallata ubyanata, chuyayangapaj ch'ican ch'ican ruranacunata, jahua aichapi imalla ruranatapishmi yachachin. Chaicunaca Dios mushujta callarichi punllacamallami carca.

1 Pedro 1:20

Paitaca manaraj cai pachata rurashpami, huañunami nishca carca. Chaitaca cancunata c'uyashcamantami, cai punllacunapi ricuchishca.

Apocalipsis 5:9

Chai ancianocunaca shuj mushuj cantotami cashna cantarcacuna: “Canllamari librota japingapaj, sellashcacunata anchuchingapajtaj cangui. Canca huañurcanguimi. Tucui aillucunata, ch'ican ch'ican rimaicunata, pueblocunata, tucui llajtacunatapishmi cambaj yahuarhuan cutinllataj Diospajlla cachun randircangui.