ECLESIASTÉS 9:3 - Dios Rimashca Shimicunami

³ Cai pachapi tucui imalla ruraricujcunamantaca chaimari mana alli ricurin. Shujcuna imami tucun, tucuicuna chai shinallatajmi tucun. Inti achijyachicun cai pachapi causajcunaca tucui causaipimi shungupica, millaita rurana yuyaihuan junda causancuna. Ch'ahuan yuyaicunaca huatashpa shinami charicun. Punlla pajtajpica huañushcacunahuanmi tandanacugringacuna.

ECLESIASTÉS 9:3 Iomraidhean Croise

GÉNESIS 6:5

Cai pachapi causajcunapaj ruraicunaca yallitaj millai cashcatami Mandaj Diosca ricurca. Paicunapaj shungupica yallitaj millaita ruracunalla yuyaihuan jundami carca.

GÉNESIS 8:21

Mandaj Diosca chai cushcacuna paipajca mishquijlla cajta chasquishpami, paipaj shungupica cashna nirca: “Cunanca cai pachapi causajcuna millaita rurashcamantaca cunan llaquichishca shinaca mana llaquichishachu. Cai pachapi causajcunaca huambramanta pachami millaita rurana yuyailla causancuna. Chashna cajpipish cunan llaquichishca shinaca causaiyuj caj tucuicunataca mana chashnaca llaquichishachu.

JOB 15:16

Millaita ruraj, mana cazuj runacarin yacuta ubyaj shinami millaita ruran.

JOB 21:26

Caishujpish chaishujpish allpapi pambaringallatajmi. Ishquindijllatatajmi c'urucuna jundashpa micunga.

JOB 9:22

Caillatami nisha nini: Paica allita rurajtapish, paita mana manchajtapish chingachinllami.

SALMOS 51:5

Ñucaca mamapaj huijsapi tiyarishca pachamantami millai cashcani. Ñuca mamaca juchayujtami chichushca.

SALMOS 64:7

Ashtahuanpish paicunataca Taita Diosmari puntajlla caspihuan llaquichinga. Llaquicunaca paicunapajmanca ñapish shamungallami.

PROVERBIOS 14:32

Mana manchaj runataca pai millai cashcallatajmi, jatun llaquipi churan. Ashtahuanpish cashcata ruraj runaca, huañucushpapish shunguta churanmi.

ECLESIASTÉS 1:17

Ñucaca yachaj canatapish, ch'ahuanyashca canatapish, manapish cana ima yangacunata munaj canamantapishmi tucui yuyaita churashpa, callarishpa yuyaita japircani. Tucui chaita yachanapish, yuyaita yanga shaicuchinalla cashcatami ricurcani.

ECLESIASTÉS 12:7

Chai p'itirijpica, allpamanta rurashca aichaca allpallamantajmi tigranga, almaca Diospajmanmi tigranga. Diosmi chai almataca curca.

ECLESIASTÉS 2:14

Yachaj runaca alli ricushpami purin, upa runaca ñahui huichcashca shinami purin. Shina cajpipish tucuripica shujta shuyacujllataj, caishujtapish shuyaj cashcatami ricurcani.

ECLESIASTÉS 7:2

Jatun micuita ruracun huasiman rinapaj randica, huañui tiyashca huasipi compañanaman rinami alli. Cai pachapi causajcunapajca, chai punllami tucui imapish tucurin. Causaj runaca chaita ricushpami yuyaringa.

ECLESIASTÉS 7:25

Chaimantami alli yachaj chayangapaj, alli ricungapaj ñuca tucui shunguta churashpataj, callarishpa alli yuyarircani. Chashna yuyarishpaca, ch'ahuan cashcamanta mana allita ruraj cashcata, yuyai chingarishca shina pandarij cashcatami ricurcani.

ECLESIASTÉS 8:11

Millaita rurajpi mana utca llaquipi churajpica, shungupica ashtahuan millaita rurana yuyaillami purincuna.

ECLESIASTÉS 9:11

Inti achijyachicun cai pachapica caitapishmi ricuni: Mishanacuipica mana alli callpajcunallachu mishancuna. Macanacuipipish mana c'ari c'aricunallachu mishancuna. Micunatapish mana yachajcunallachu allita micuncuna. Charijyanatapish mana alli yuyaiyujcunallachu charijyancuna. Chasquinatapish mana sumajta rimajllata alli chasquincunachu. Ashtahuanpish ima punlla ima tucuna cashpaca, chashna tucunllami.

ECLESIASTÉS 9:2

Shujcuna imami tucun, tucuicuna chaillatajmi tucun. Cashcata ruraj runapaj, Diosta mana manchaj runapaj, alli shungu runapaj Diospaj ñaupajpi mana mapa caj runapajpish, mapa caj runapajpish, Diosman cushpa rupachij runapajpish, mana chaita rurajpajpish, alli runapajpish, juchata rurajpajpish, quiquin shimihuan imata rurani nij runapajpish, chashna ninata manchaj runapajpish tucuicunapajllatajmi chai shinallataj tucuncuna.

ECLESIASTÉS 9:4

Causacujrajcunaca imallatapish rurai tucunrajmi. Huañushca leonpaj randica, allculla cashpapish causaj cashpamari alli.

JEREMÍAS 16:12

Cancunacarin cancunapaj ñaupa yayacunatapish yalli millaicunamari tucunguichij. Ñucata manataj uyashpamari, tucuicuna cancunapaj millai shungupi imata munashcata rurashpa causanguichij.

JEREMÍAS 17:10

Mandaj Dios ñucami tucuicunapaj shunguta, yuyaita callarishpa ricuni, yachani. Tucuicunamanmi imallata rurashcamantapish, ima shina causashcamantapish chasquina cashcatataj cusha” ninmi.

JEREMÍAS 17:9

Runapaj shunguca tucui imatapish yalli, umajlla millai shungumi. Chaitaca pi mana yachai tucunchu.

Lucas 15:17

Chaipimi paica cashna yuyarirca: “¡Ñuca yayapaj huasipi trabajajcunaca micunata atichicungacunami! ¡Ñucaca caipica, yaricaihuan huañucunimari!

Lucas 6:11

Chashna rurajpica yallitaj p'iñarishpami Jesustaca ¿imatataj rurashun? nishpa caishuj chaishuj parlanacurcacuna.

Hechos 12:23

Chashna nijpica Taita Diosta jatunyachinapaj randica pairaj jatun tucushcamantami Jatun Diospaj shuj ángel ungüita cujpi Herodesca c'urucuna micushca huañurca.

Hechos 26:11

Mai sinagogacunapipish paicuna crishcataca c'amishpa saquichunmi achcata llaquichij carcani. Paicunataca jatunta p'iñashpami shujtaj pueblocunapi cajcunatapish llaquichishpa purircani.

Hechos 26:24

Pai ima shina cashcata Pablo alli huillajpimi Festoca: –¡Pablo, canca locomari cangui! ¡Achcata yachacushpallamari loco tucushcangui!– nishpami sinchita rimarca.

Tito 3:3

Ñucanchijpish ñaupaca yuyai illajcuna, mana cazujcuna, chingarishcacuna, aichata cushichingapaj tucui shina ruranacunapi huatashcacunami carcanchij. Millai shungucuna, shujtajpaj charishcata munajcuna, shujtajcuna p'iñashcacuna, caishujmanta chaishujmanta p'iñanacujcunami carcanchij.

2 Pedro 2:16

pai mana allita ruracushcamantaca sinchita rimashca tucurca. Chashna mana allita yuyashpa ricujpica, shuj upa burromi gente shina rimashpa jarcarca.