ECLESIASTÉS 8:3 - Dios Rimashca Shimicunami

³ Jatun mandajpaj ñaupajmantaca ama llujshishcahuan ringuichu. Ima mana allita rurashpapish ama chaillahuantaj catinguichu. Pai munashca shina llaquichingallatajmari.

ECLESIASTÉS 8:3 Iomraidhean Croise

GÉNESIS 47:9

Jacobca: –Ñucaca, 130 huatacunatami caita chaita purishpa causacuni. Ñuca causaipica ashaca alli ashaca mana allimi cashca. Ñucaca ñuca ñaupa yayacuna caita chaita purishpa causashca huatacunamanca manaraj chayanichu– nircami.

PROVERBIOS 14:29

Utca p'iñarij runaca, rumi shungu canatami jatunyachin. Ashtahuanpish mana utca p'iñarijca, yuyaita japishca, alli runamari.

PROVERBIOS 24:21

Ñuca huahualla, Mandaj Diostapish, jatun mandajtapish cazungui. Imatapish yuyashpa purijcunahuanca, ama tandanacunguichu.

PROVERBIOS 30:31

Alli chumbillirishca runapish, c'ari chivopish, pi mana c'ariyaipaj jatun mandajpishmi.

ECLESIASTÉS 10:4

Mandaj canhuan p'iñarijpica, can imata ruracushcataca ama shitashpa saquinguichu. Casijlla saquirijpica, yallitaj p'iñarishca cashpapish alli tucungallami.

ISAÍAS 48:4

Ñucaca cancuna ch'ahuanyashcacuna cashcataca rijsinimi. Cancunapaj cunga tulluca racu fierro shinami, frentepish bronce shinami.

DANIEL 4:35

Quiquinpaj ñaupajpica, cai pachapi causajcunaca tucuicuna ima mana canchu. Paica jahua pacha soldadocunatapish, cai pachapi causajcunatapish pai munashca shinami ruran. Paipaj maqui imata ruracujtaca pi mana jarcai tucunchu. ¿Imatataj ruracungui? ninallatapish, pi mana ni tucunchu” nircanimi.

DANIEL 5:19

Jatun canata cushcamantami tucui gentecunapish, llajtacunapish, ch'ican ch'ican rimaita rimajcunapish paipaj ñaupajpica manchaihuan chujchujcuna carca. Paica maijanta huañuchisha nishpaca, huañuchircallami. Maijanta causachun saquisha nishpaca causachun saquircallami. Jatun canapi maijanta churasha nishpaca, churarcallami. Maijanta cumurichisha nishpaca cumurichircallami.