ECLESIASTÉS 8:1 - Dios Rimashca Shimicunami

¹ ¿Pitaj yachaj shinaca cangari? ¿Pitaj pai shina tucui imatapish yachangari? Alli yachaica runapaj ñahuita achijyachinmi, p'iña ñahuitapish shujtajyachinllami.

ECLESIASTÉS 8:1 Iomraidhean Croise

GÉNESIS 40:8

Chaimi paicunaca: –Cunan tutamari ñucanchijca shuj muscuita muscurcanchij. Chai imata nisha nishcata pi mana huillaipaj cajpimari llaquijlla canchij– nijpimi, Joseca: –Chaicuna imata nisha nishcataca Taita Diosllamari huillachin nishpami, parlaichigari– nirca.

JOB 33:23

Alli rimajcunamanta agllashca runa tiyashpachari, runahuan Dioshuan chaupipi shayarishpa, runa imallata rurana cashcataca huillanman.

ÉXODO 34:35

Moisespaj ñahuita israelcuna ricushpaca paipaj ñahuitaca lamyacujllatataj ricujpimi, Taita Dioshuan cutin rimangapaj yaicungacama Moisesca cutinllataj linsohuan ñahuita taparij carca.

PROVERBIOS 1:6

Shinallataj yuyaita cuj shimicunata, yachaisapacuna rimashcatapish, yuyaita japina shimicunatapish, pi mana yachai tucuipajcunatapish yachangacunami.

PROVERBIOS 12:8

Alli yachajcunataca pipish alli ninmari. Ashtahuanpish millai shungucunataca tucuicunami p'iñancuna.

PROVERBIOS 17:24

Yuyaisapa runa alli yachaj cashcataca, ñahuillapitaj ricunallami. Ashtahuanpish rumi shungu runaca, tucui cai pachata muyucuj shina imatapish yuyacunllami.

PROVERBIOS 21:29

Diosta mana manchaj runaca ñahuipica, imata mana rurashcatami ricuchisha nin. Ashtahuanpish alli runaca imapish mana llaquipi churanatami ruran.

PROVERBIOS 24:5

Yachaisapa runataca, ima mana atinchu. Alli yachachishca runapajca, imapish mana llashajchu.

DANIEL 2:22

Ucujman cajcunatapish, pacalla cajcunatapish paimi ricuchin. Amsapi cajtapish yachanmi. Luzca paipimi tiyan.

DANIEL 2:47

Jatun mandajca, Danieltaca: –Cancunapaj Taita Diosca, tucui dioscunapaj Taita Diostajmi, jatun mandajcunapajpish Jatun Mandajmi. Pi mana yachaipaj pacalla cajtapish ricuchijmi. Chaimi pi mana yachaipaj pacalla cajtaca ñucaman huillangui– nircami.

Mateo 17:2

Chaipimi Jesusca paicunapaj ñaupajpi shujtajyarirca. Paipaj ñahuipish inti shina lamyacujmi tucurca. Paipaj churanacunapish, luz shina yurajllami tucurca.

Hechos 4:13

Pedropish, Juanpish mana manchashpa rimajta uyashpami mandajcunaca: –¿Ima shinataj mana jatun yachanaman rishca yanga runacunaca chashna rimanchu imamí?– nishpami achcata mancharircacuna. Chashna nicushpapish paicunataca, Jesushuan purijcuna cashcatami yuyarircacuna.

Hechos 4:29

Jatun Dioslla cunanca paicuna manchachishun yuyashpa jarcashcata ricuhuai. Ñucanchij cambajta rurajcunataca, canmanta huillangapaj imatapish mana manchana yuyaita cuhuai.

Hechos 6:15

Chaimi mandajcunapuralla tandanacushca tiyacujcuna Estebanpaj ñahuita ricushpaca, angelpaj ñahui shina cajtami ricurcacuna.

Romanos 13:5

Mana llaquichishca canallamanta cazunachu cangui, ashtahuanpish cambaj yuyaillapitaj cazunaca alli cashcamantami cazuna cangui.

Efesios 6:19

Pi mana yachashca alli huillaita mana manchashpa yachaj chayachingapaj, ñuca shimita pascajpi rimanata ñucaman cuchun, ñucamantapish mañaichij.

DEUTERONOMIO 28:50

Chai runacunaca yuyajcunatapish, huahuacunatapish mana llaquishpami causaita quichunga. Manchanana ñahui runacunami canga.

2 Timoteo 4:17

Paicuna chashnajpipish, Mandaj Jesusca ñucahuanmi carca. Pai ñucaman fuerzata cujpimi, tucui mana judiocuna uyachun huillana cashca alli huillaitaca huillarcani. Paimi ñucataca leonpaj shimimanta quishpichirca.

2 Pedro 1:20

Chashna cajpipish tucuimanta yallica, caitami yachaj cana canguichij. Profetacuna Quillcashcaca, maijan Quillca mana paicunapaj yuyaillamanta Quillcashcachu.