ECLESIASTÉS 7:4 - Dios Rimashca Shimicunami

⁴ Yachaj runacunaca, huañui tiyashca huasiman rinatami yuyan. Ashtahuanpish ch'ahuan runacunaca, jatun micuita ruracun huasimanmi callpan.

ECLESIASTÉS 7:4 Iomraidhean Croise

2 SAMUEL 13:28

Absalonca paipajta rurajcunataca: “Amnón ña vinohuan macharishpa paipaj shungupi cushicuihuan cajtaca alli chaparanguichij. Ña paita ñuca huañuchichij nijpica huañuchinguichijlla. Ñuca mandashca cashcamanta ama manchanguichijchu. Tucui fuerzahuan c'ari c'ari canguichij” nishpami rogashpa mandashca carca.

1 REYES 20:16

Ben-adadca paita ayudanaman shamushca quimsa chunga ishqui jatun mandajcunahuanmi carpa huasicunapi ubyashpa machashpa tiyacurcacuna. Acabca Ben-adadhuan macanacungapajca paipaj soldadocunandijmi chaupi punllata llujshirca.

ECLESIASTÉS 2:1

Ñuca shungupica: “Cunanca tucui laya cushicushpa, alli causashpa ricusha” yuyarcanipishmi. Chashna causajpipish yangallatajmi ricurirca.

ECLESIASTÉS 7:3

Huacanaca asinata yalli allimi. Llaquilla ñahui tucujpimi, shunguca manchashpa alli tucun.

ECLESIASTÉS 7:5

Ch'ahuan runacuna cantashcata uyanapaj randica, yachaj runa cunashcata uyanami alli.

ISAÍAS 21:4

Ñuca shunguca musparinmari. Caitajta ricushpaca upayanimari. Cushijlla cana tutaca manchaihuan canami tucushca.

JEREMÍAS 51:39

Paicuna cunujlla tiyacujpimi, ñucaca jatun micuita rurashpa machachigrini. Chashna machashpa cushicushpami, huiñaita mana rijcharingapaj dormingacuna. Mandaj Diostajmi chashna nini.

JEREMÍAS 51:57

Tucuita Mandaj Dios shuti Jatun Mandajca: “Paipaj mandajcunata, jatun yachajcunata, mandaj soldadocunata, charij runacunata, c'ari c'aricunata tucuicunatami machachisha. Huiñaita ama rijcharingapajmi dormishpa saquiringacuna” ninmi.

DANIEL 5:30

Caldeocunata jatun mandaj Belsasartaca, chai tutallatajmi huañuchirca.

OSEAS 7:5

Ñucanchij jatun mandajpaj fiesta punllapica, pai churashca mandajcunaca vinota ubyashpami ungurcacuna. Jatun mandajpish chashnallataj cashpami paita chanzata ruracujcunapajman maquita chutarca.

NAHUM 1:10

Ahuarishpa huiñashca cashacuna shina cajpipish, yuyai chingarijta machashca shina cajpipish, chaquishca p'angata ninapi tucui rupachij shinami tucuicunata rupachinga.

1 SAMUEL 25:36

Abigail Nabalpajman tigranapajca, Nabalca paipaj huasipica jatun mandaj jatun micuita ruraj shinami ruracushca carca. Paica cushicuihuanmi carca. Yallitaj machashcapishmi carca. Chaimi Abigailca cayandij punllacama imata mana huillarca.

1 SAMUEL 30:16

Chai runa pushashpa rijpi chayanapajca, chai runacunaca tucui chai pambapimi mirga mirga tucushpa micucushcacuna carca, ubyacushcacuna carca. Filisteocunatapish, judacunatapish, tucuita quichushpa apashcamanta cushicushpami, fiestata ruracushcacuna carca.