ECLESIASTÉS 7:2 - Dios Rimashca Shimicunami

² Jatun micuita ruracun huasiman rinapaj randica, huañui tiyashca huasipi compañanaman rinami alli. Cai pachapi causajcunapajca, chai punllami tucui imapish tucurin. Causaj runaca chaita ricushpami yuyaringa.

ECLESIASTÉS 7:2 Iomraidhean Croise

SALMOS 90:12

Ñucanchij causai punllacunaca ima shina cashcata yupanata yachachihuayari. Ñucanchij shunguman alli yachaita apamunatapish yachachihuayari.

ECLESIASTÉS 2:14

Yachaj runaca alli ricushpami purin, upa runaca ñahui huichcashca shinami purin. Shina cajpipish tucuripica shujta shuyacujllataj, caishujtapish shuyaj cashcatami ricurcani.

ECLESIASTÉS 2:16

Yachaj runapish, ch'ahuan runapish huañunllatajmi. Yachaj runatapish ch'ahuan runatapish pi mana huiñaita yuyaricunllachu. Asha huatacuna q'uipaca, maijantapish ña mana yuyarincunachu” nircanimi.

ECLESIASTÉS 3:19

Gentecunapish, animalcunapish chai shinallatajmi tucurincuna. Causaipaj cushca samaipish, tucuipaj chai samaillatajmi. Ima shina causashcapish yangallami. Chashna cashcamantaca gentecunaca, animalcunataca imamanta mana yalli canchu.

ECLESIASTÉS 3:20

Tucuillataj allpamanta rurashcami. Tucuicunallatajmi chaillamantaj tigran. Animalcuna cashpa, gentecuna cashpapish allpallatajmi tucun.

ECLESIASTÉS 6:6

Ishqui huaranga huatata causashca cashpapish, pai charishcacunamanta mana cushicushca cashpaca, chai runaca ima allitaj cangari. Ishquindijllatajmi chaillamantaj rincuna.

ECLESIASTÉS 9:2

Shujcuna imami tucun, tucuicuna chaillatajmi tucun. Cashcata ruraj runapaj, Diosta mana manchaj runapaj, alli shungu runapaj Diospaj ñaupajpi mana mapa caj runapajpish, mapa caj runapajpish, Diosman cushpa rupachij runapajpish, mana chaita rurajpajpish, alli runapajpish, juchata rurajpajpish, quiquin shimihuan imata rurani nij runapajpish, chashna ninata manchaj runapajpish tucuicunapajllatajmi chai shinallataj tucuncuna.

ECLESIASTÉS 9:3

Cai pachapi tucui imalla ruraricujcunamantaca chaimari mana alli ricurin. Shujcuna imami tucun, tucuicuna chai shinallatajmi tucun. Inti achijyachicun cai pachapi causajcunaca tucui causaipimi shungupica, millaita rurana yuyaihuan junda causancuna. Ch'ahuan yuyaicunaca huatashpa shinami charicun. Punlla pajtajpica huañushcacunahuanmi tandanacugringacuna.

ECLESIASTÉS 9:5

Causacujrajcunaca huañuna cashcallatapish yachanmi. Ashtahuanpish huañushcacunaca ña imata mana yachanchu, imata ashtahuan mana japincunapishchu. Pi ashtahuan mana yuyarinllapishchu.

ISAÍAS 47:7

Canca: Huiñaitami mandaj huarmi casha nircanguimi. Cashna tucuna cashcataca mana yuyarircanguichu. Can ima shina tucurinataca mana yuyarircanguichu.

JEREMÍAS 16:8

Maijan huasipi jatun micuita rurashca cajpipish, ama chaiman yaicushpa paicunahuan tiyarishpa micunguichu, ubyanguichu” nircami.

HAGEO 1:5

Chaimantami tucuita Mandaj Diosca cashna nin: “Cancuna ima shina cashcataraj yuyarichigari.

MALAQUÍAS 2:2

Tucuita Mandaj Diosca cashnami nin: “Ñuca mandashcata mana uyajpi, tucui shunguhuan ñucata jatunyachinguichij nishcata mana cazujpica, cancunataca llaquichishatajmi. Ñucata mana cazushcamantaca, cancunaman cushca ima allicunatapish quichushami. Cancunallataj imatapish mana tucui shunguhuan ñucapajta rurashcamantami, saruncunamanpish llaquichircani.

NÚMEROS 23:10

Jacobpaj ñutu allpataca ¿pitaj yupai tucungari? Israelcunataca chuscupi ch'icanchishca cajpipish, chai shuj mirgallatapish ¿pitaj yupai tucungari? Ñucapish ima pandata mana rurajcuna huañuj shinallataj huañushpachari alli caiman. Ñuca causana punllacunapish paicuna causashca shinallataj cachun” nircami.

Mateo 5:4

Huacajcunaca cushichishcami. Paicunami cushicuita chasquingacuna.

DEUTERONOMIO 32:29

Caicunata entendingapaj yachaisapacuna cashpachari alli canman. Tucuripica ima tucuna cashcata yachashpachari alli canman.

DEUTERONOMIO 32:46

cashnami nirca: “Cunan cancunaman ñuca huillashca shimicunataca cancunapaj shungupi cutin, cutin yuyaricunguichijlla. Cancunapaj huahuacuna cai mandashcacunapi nishcacunata pajtachina yuyailla pajtachichun mandangapajmi chashna yuyaricuna canguichij.

Filipenses 3:19

Paicunaca causai tucuripica, chingaringacunami. Paicunapaj diosca huijsami. Paicunaca pingarinapaj randica jatun tucuncunami. Paicunaca cai allpapaj cajllatami yuyancuna.

Hebreos 9:27

Shinallatajmi gentecunatapish shuj cutinlla huañuchun churashca. Chai q'uipaca paicuna imalla rurashcata Dios ricuchina punllami canga.