ECLESIASTÉS 4:8 - Dios Rimashca Shimicunami

⁸ Maijanca paihuan apanacujtapish, huahuacunatapish, huauquillatatajpish mana charinchu. Pai charishcacunata piman saquipaj mana tiyajpipish, manataj samarinchu, mashnata charishpapish, mana chaillahuan cushicunchu. Shinallataj: “¿Piman saquingapajtaj cashna trabajacunilla? ¿Imamantataj mana samarinillapish?” nishpa mana yuyarinllapishchu. Chaipish yangallami. Ashtahuanpish llashajta aparishca causashca shinami.

ECLESIASTÉS 4:8 Iomraidhean Croise

GÉNESIS 2:18

Chai q'uipami Mandaj Taita Diosca: “C'arilla canaca mana allichu. Chaimanta paita ayudaj, pai imapaj minishticushcata rurasha” nirca.

SALMOS 39:6

Alli ricujpica, runapaj causaica llandu shinallami. Imata chai yuyai rurashcapish yangallami. Charinacunataca montonanllami. Pi japina cashcatapish mana yachanchu.

SALMOS 39:7

Cunanca Jatun Dioslla, ¿imatataj shuyashari? Quiquinllapimi ñuca shunguta churani.

PROVERBIOS 27:20

Seolpish, Abadonpish manataj shaicunchu. Chashnallataj runapaj ñahuicunapish manataj shaicunchu.

ECLESIASTÉS 1:13

Ñucaca cai pachapi causajcuna imallata rurashcatami yachangapaj alli yuyaihuan tucuita callarishpa ricurcani. Cai pachapi causajcunaman Taita Dios cushca ruranacunaca, yallitaj llashaj shinami.

ECLESIASTÉS 1:8

Tucui imapish shaicuchinmi. Tucui chaicunamantaca pipish mana alli huillai tucunchu. Ñahuica ashtahuan ashtahuan ricunachicunllami. Rinrinpish ashtahuan ashtahuan uyanachicunllami.

ECLESIASTÉS 2:21

Shujcunaca alli yuyaihuan, alli ricushpa, alli yachaihuanmi imatapish rurancuna. Chaitaca manapish imata ruraj shujtajcunallami japincuna. Chaimanta, tucui ima rurashcapish yangallami. Chaipish shuj jatun llaquimari.

ECLESIASTÉS 2:23

Tucui causaipimi llaquita nanaita apancuna. Paicunapaj causaica llashajta aparishca shinami. Imata rurangapajpish tutapish mana dormishpami, achcata yuyaricunllacuna.

ECLESIASTÉS 4:7

Shinallataj inti achijyachicun cai pachapica, caipish yangallataj cashcatami ricurcani:

ECLESIASTÉS 5:10

Cullquita yalli c'uyajca, mashnata charishpapish mana cushicunchu. Charinacunata yalli c'uyajpish chaihuanca, paipaj ima allita mana japinchu. Chaipish yangallatajmi.

ECLESIASTÉS 5:9

Ashtahuanpish allpapi p'ucushcaca tucuicunapajllatajmi. Jatun mandajpish, chagracunapimi yuyai causan.

ISAÍAS 5:8

Aij, caipi chaipi huasicunata randijcunalla. Aij, caipi chaipi haciendacunayuj tucucujcunalla. Tucuicunapajta quiquinpajlla tandacujcunalla. ¿Cancunallachari tucui llajtacunapi causashun ninguichij?

ISAÍAS 55:2

¿Ima nishpataj manapish micuna cajta randishpa cullquitaca tucuchinguichij? Cancuna trabajashcamanta japishcatapish yangapimari tucuchinguichij. Alli uyaichigari: Alli micunata micuichigari. Sumaj micunata micushpamari cancunapaj almaca cushijlla canga.

Mateo 11:28

Tucui imalla ruranacunahuan shaicushcacuna, aparishcacuna tucuicuna ñucapajman shamuichij. Ñucami cancunataca samachisha.

Lucas 12:20

Ashtahuanpish Taita Diosca chai runataca: “Yuyai illaj, cunan tutallatajmari cambaj causaita quichugrin. Tucui can huaquichishcacunaca ¿pipajshi canga?” nirca.

1 Juan 2:16

(Aicha munaicuna, ñahui ricushpa munanacuna, charinacunahuan jatun tucuna) cai pachapi ima tiyajcunaca, mana Diosmantachu, cai pachamantami shamun.