ECLESIASTÉS 4:4 - Dios Rimashca Shimicunami

⁴ Shinallataj achcata trabajashpa, tucui imatapish alli rurajpica, shujtajcuna shungupi munana yuyaita japishpa p'iñaj cashcatapishmi ricurcani. Chashna tucuipi alli canapish, yuyaita yanga shaicuchinallami.

ECLESIASTÉS 4:4 Iomraidhean Croise

GÉNESIS 26:14

Paica ovejacunatapish, vacacunatapish achca canllacunata, paipajta rurajcunatapish achcacunatami charirca. Chaimi filisteocunaca Isaactaca envidiarcacuna.

GÉNESIS 31:1

Labanpaj churicunaca: “Jacobca ñucanchij yaya imalla charishcacunatami japishca. Ñucanchij yayapaj charishcacunahuanmi cai tucuitaca charijyashca” ninacushcami Jacobpica uyarishca.

PROVERBIOS 27:4

P'iñarishca yuyaipica, pita llaquina yuyaipish mana tiyanchu. Yallitaj p'iñarishca cajpicarin, jarcarina yuyaipish mana tiyanchu. ¿Imata charijpi p'iñajpaj ñaupajpicarin, pitaj shayari tucungari?

ECLESIASTÉS 1:14

Tucui chaicunata callarishpa yachashpami, inti achijyachicun pachapi imata rurashcapish yuyaita yanga shaicuchinalla cashcata ricurcani.

ECLESIASTÉS 1:17

Ñucaca yachaj canatapish, ch'ahuanyashca canatapish, manapish cana ima yangacunata munaj canamantapishmi tucui yuyaita churashpa, callarishpa yuyaita japircani. Tucui chaita yachanapish, yuyaita yanga shaicuchinalla cashcatami ricurcani.

ECLESIASTÉS 2:21

Shujcunaca alli yuyaihuan, alli ricushpa, alli yachaihuanmi imatapish rurancuna. Chaitaca manapish imata ruraj shujtajcunallami japincuna. Chaimanta, tucui ima rurashcapish yangallami. Chaipish shuj jatun llaquimari.

ECLESIASTÉS 2:26

Diosca paipaj ñaupajpi alli caj runallamanmi yachaitapish, alli yuyaitapish, cushicuitapish cun. Ashtahuanpish juchata rurashpa causaj runataca, achcata charinacunata jahuanpi jahuanpi tandashpa huaquichichun saquinllami. Chai huaquichishca charinacunataca paipaj ñaupajpi alli caj runapaj cachunmi, Diosca chashna ruran. Chashna cashcamantaca tucui imata rurashpapish, yuyaita yanga shaicuchishpallami causan.

ECLESIASTÉS 4:16

Paita chasquijcunaca, yallitaj achcacunami carca. Shina cashpapish q'uipata paicunapaj huahuacunaca, ña mana munangacunachu. Jatun mandaj canapish, yuyaita yanga shaicuchinallami.

ECLESIASTÉS 6:11

Yalli rimarijpica, manapish cana yangallami shimimantaca ashtahuan llujshin. Rimarishcahuanca pi mana imata japincunachu.

ECLESIASTÉS 6:9

Manapish japipajta charina yuyai canapaj randica, ña charishcahuan cushicunami alli. Chaipish yuyaita yanga shaicuchinallami.

Mateo 27:18

Jesustaca envidiallamanta huañuchichun nicushcata yachashpami Pilatoca chashna tapurca.

Hechos 7:9

Callari yayacunaca, envidiamantami Josetaca c'atushpa Egiptoman cacharca. C'atushpa cachajpipish Taita Diosca Josehuan cashpami,

Santiago 4:5

“Ñucanchijpi causachun pai churashca Espirituca, paipajlla causachunmi ñucanchijtaca munan” nishpa Quillcachishcapi nishcataca ¿manachu yachanguichij?.

1 Juan 3:12

Ama Caín shina cashunchij. Paica diablopaj cashpami, paipaj huauquitaca huañuchirca. ¿Imamantataj huañuchirca? Pai rurashcacunaca millai cajpi, huauquipaj rurashcacunaca alli cajpimi huañuchirca.