ECLESIASTÉS 4:1 - Dios Rimashca Shimicunami

¹ Chai q'uipaca cai pachapica, shujcunaca caishujcunata jatunta llaquichij cashcatami ricurcani. Llaquita apacujcunataca huacacujpipish, pi mana cushichij tiyanchu. Paicunata llaquichijcunallami imatapish rurai tucuncuna. Cushichijcunaca shujllapish mana tiyanchu.

ECLESIASTÉS 4:1 Iomraidhean Croise

JOB 16:4

Cancunapaj aicha ñuca aicha shina tucushca cajpica, ñucapish cancuna shinallatajmi rimaiman. Llaquichij shimicunahuanmi rimaiman. Umata cuyuchishpachari ricucuiman.

JOB 35:9

Runacunallataj manchanayajta llaquichijpimi caparirincuna. Jatuncuna tucui laya llaquichijpimi, caparirishpa huacacuncuna.

JOB 6:29

Yuyaita japichigari, ama mana allita ruraichijchu. Ñucataca cashcata ruraj cashcata alli yuyarichigari.

JOB 9:24

Cai pachataca, Diosta mana manchajcunamanmi curca. Paicunapaj juezcunapaj ñahuicunatapish tapanmi. Mana paillataj tucuita ruracujpica, ¿pitaj canga, maipitaj canga?

SALMOS 12:5

Mandaj Diosca cashnami nin: “Huajchacunataca llaquichicuncunami, ima illajcunaca aij, nishpami mañacuncuna. Paicunamantaca ñucami shayarigrini. Llaquimanta llujshichihuai nishpa shungu llujshishpa mañashcamantaca quishpichishami” ninmi.

SALMOS 142:4

Ñuca alli ladota alli ricuyari. Chaita ricujca pi mana tiyanchu. Miticunatapish mana charinichu. Ñuca huañunamanta cuidajpish pi mana tiyanchu.

SALMOS 142:5

Mandaj Dioslla quiquintaca cashna nishpami mañarcani: “Quiquinllami ñuca shuyana cangui. Cai pachapi causajcunapurapica quiquinmi ñuca charina cangui” nircanimi.

SALMOS 42:3

Tutapish, punllapish ñuca micunaca huiquillami carca. Punllantami ñucataca: “¿Maitagari cambaj Taita Diosca?” nincuna.

SALMOS 42:9

Taita Diostaca cashnami nisha: “Ñuca jatun rumilla ¿ima nishpataj ñucata cungarircanguiyari? ¿Ima nishpataj llaquilla cashcata ricuchij churanata churashca purina caniyari? ¿Ima nishpataj ñucata p'iñaj llaquichishca cana carcaniyari?” nishami.

SALMOS 69:20

C'amishcamari ñuca shungutaca p'aquirca. Ñucaca yallitaj llaquihuanmari cani. Ñucata pi llaquingapishchari nishpa shuyarcanimi. Pi mana tiyarcachu. Cushichijcunata mashcashpapish pita mana japircanichu.

SALMOS 69:21

Ashtahuanpish micunata caranapaj randica, hieltami curcacuna. Yacunaihuan ñuca cajpipish vinagretami ubyachircacuna.

SALMOS 80:5

Ñucanchijmanca huiquillatami cararcangui. Huiquillatami yallitaj ubyachircangui.

ÉXODO 1:16

–Hebrea huarmicuna huachacujpi paicunapajman rishpaca chai huahua c'ari cashcata, huarmi cashcata alli ricushpa, c'ari huahua cajpica huañuchinguichij, huarmi huahua cajpica causachun saquinguichij– nircami.

ÉXODO 1:22

Faraonca pai mandacun gentecunataca: “Israelcunapaj c'ari huahua huacharijpica, tucuicunata jatun yacupi shitaichij. Huarmi huahua huacharijpica causachun saquinguichijlla” nishpami mandarca.

PROVERBIOS 19:7

Huajcha runataca quiquin huauquicunapish p'iñanllami. ¡Paihuan apanacujcunacarin cungaringallatajmari! Sumajta rogashpapish, mana japingachu.

PROVERBIOS 28:3

Huajcha runallataj caishuj huajchacunata imatapish quichujca, tucui chagracunata llaquichij jatun tamya shinami.

PROVERBIOS 29:2

Cashcata rurajcuna mandajpica, tucuicunami cushicuncuna. Ashtahuanpish Diosta mana manchaj runa mandajpica, llaquihuan aij nincunami.

ECLESIASTÉS 3:16

Inti achijyachicun cai pachatapishmi ricurcani. Pipaj allita ricunapaj randica, Diosta mana manchancunachu. Cashcata ruranapaj randica, millaicunami tucuncuna.

ECLESIASTÉS 5:8

Maijan llajtapica huajchacunata llaquichicujta, cashcata ruranapaj randica, llaquita ruracujta ricushpaca ama mancharinguichu. Shuj mandajtaca paita yalli caj mandajmi ricucun. Chai mandajcunatapish ashtahuan jatun mandajmi ricucun.

ECLESIASTÉS 7:7

Pitapish llaquichishpaca, yachaj runapish upa runa shinallatajmi tucun. Camaricunaca alli canata saquichinllami.

ECLESIASTÉS 8:9

Inti achijyachicun cai pachapi causajcuna tucui imallata ruracushcatami, shunguta churashpataj callarishpa ricurcani. Shujcunaca caishujcunata llaquichishpa causashpaca, quiquinpaj llaquipajllatajmi chashna rurancuna.

ISAÍAS 5:7

Tucuita Mandaj Diospaj uva chagraca, israelcunami. Chaica chashnatajmi. Judaca Mandaj Dios munashpa tarpushca sumaj uvacunami. Allita rurajcuna cachunmi munarca, ashtahuanpish mapa q'uihuacunami tucurca. Cashcata rurajcuna cachunmi munarca, ashtahuanpish caparishca huacaicunallami tiyan.

ISAÍAS 51:23

Canta p'iñajcunaca: Cumuri cambaj jahuata pasangapaj nijpimi canca paicuna ñanta shina pasachun uri singa siririshpa cambaj huashataca pambata shina ruraj carcangui. Cunanca chai llaquicunataca canta p'iñajcunapimi churani” ninmi.

ISAÍAS 59:7

Paicunapaj chaquicunaca millaita ruranallamanmi callpan. Ima juchachina illajlla runacunata huañuchingapajmi callpancuna. Paicunapaj yuyaicunaca millaita ruranallatami yuyancuna. Paicunapaj ñancunapica, chingachina llaquichinallami tiyan.

JEREMÍAS 16:7

Huañushcacunapaj familiapuracunatapish pi mana imallatapish carashpa cushichigringachu. Yaya, mana cashpaca mama huañujpipish, pi mana ima ubyanallahuanpish cushichigringachu.

LAMENTACIONES 1:16

Ñucata ayudashpa, ñuca almata samachijca ñucamanta caruyashcamari. Ñuca huahuacunatapish p'iñajcuna shamushpa, tucuicunata huañuchincunaca. Chaimantamari huacani, ñuca ñahuicunamantaca huiquica yacu shina llujshicunllamari.

LAMENTACIONES 1:17

Sionca maquicunata chutashpami cayan, shina cajpipish pi mana cushichinaman shamunchu. Mandaj Diosmari Jacobpaj muyundijpi causajcunataca paita p'iñachun mandashca. Chaimantamari Jerusalentaca tucui paicuna millarca.

LAMENTACIONES 1:2

Tutacunaca jatunta caparirishpamari huacan. Quijados uritaca huiqui manataj chaquinchu. Paita c'uyajcunaca pi mana cushichinaman shamunchu. Paihuan apanacunata saquishpamari, cunanca paita p'iñajcuna tucushca.

LAMENTACIONES 1:9

Millaita rurashpami paipaj churanatapish mapayachirca. Cai jatun llaqui japinataca mana yuyarcallapishchu. Chaimantamari cashna jatun mancharina tucushca. Cunanca pi mana cushichinaman shamunchu. Mandaj Dioslla, jatun llaquipimari cani, ricuhuayari. P'iñajcunaca jatun tucuncunamari.

AMÓS 3:10

Samaria pueblopi causajcunamantaca Mandaj Diosca cashnami nin: “Paicunaca imatapish allita ruranataca manataj yachancunachu. Ashtahuanpish shujtajcunata macashpa quichushcacunallatami, paicunapaj mandana huasicunapipish jundachincuna” ninmi.

AMÓS 3:9

Asdod pueblota mandajcunamanpish, Egipto llajtata mandajcunamanpish, paicuna mandana huasicunapi cashna nishpa huillagrichij: “Samaria urcuman tandanacushpa, chai llajtapi causajcuna millaita ruracujta ricugrichij. Paicunaca yallitaj llaquichishpami causacuncuna.”

MALAQUÍAS 2:13

Cutinllatajmari cancunaca, Mandaj Diospaj altartaca huiquicunahuan jundachinguichij, caparirishpamari huacanguichij. Chaimantami cancuna ñucaman imalla cuna cashcacunata cujpipish, manataj chasquisha.

MALAQUÍAS 3:18

Ñucapajman cutirishpami cashcata rurajtapish, millaita mana rurajtapish, Diosta servijtapish, Diosta mana servijtapish yachaj chayanguichij” ninmi.

MALAQUÍAS 3:5

Tucuita Mandaj Diostajmi cashna nini: Ñucami cancuna imalla rurashcacunata ricuj shamusha. Chai punllapimi yumbucunatapish, huainayajcunatapish, llullashpa huillajcunatapish, trabajajcunaman cullquita mana tucui pagajcunatapish, viudacunata, yaya mama illajcunata p'iñajcunatapish, caru llajta runacunata llaquichijcunatapish, ñucata mana manchajcunatapish llaquichisha.

Mateo 26:56

Profetacuna Quillcashca pajtachunmi, tucui caicunaca pajtashca– nircami. Yachacujcunaca tucuicunami Jesusta saquishpa miticushpa rircacuna.

DEUTERONOMIO 28:33

Cancunapaj allpapi p'ucushcacunatapish, ima shujtajcunata cancuna trabajashcacunatapish cancuna mana rijsishcacunami micungacuna. Ashtahuanpish cancunaca punllanta p'iñashca llaquichishcallami canguichij.

DEUTERONOMIO 28:48

Ashtahuanpish cancunata p'iñajcunata, Mandaj Dios cancunapajman cachajpimi cancunaca yaricaihuan, yacunaihuan, churana illajlla, tucui imapish illajlla paicunapajta ruranguichij. Mandaj Diosca, cancunapaj cungapi shuj fierro yugota churashpami chingachingacama cancunataca llaquichinga.

Santiago 5:4

Cancunapaj allpacunamanta granocunata tandashpa trabajajcunamanca, umashpamari mana pagashcanguichij. Chaimantami paicunaca caparicuncuna. Tandajcunapaj caparishcacunaca, tucuita Mandaj Jatun Diospajmanmi uyarishca.

JUECES 4:3

Jabín shuti mandajca, 900 fierro carrocunatami charirca. Paica israelcunataca, ishqui chunga huatacunatami jatunta llaquichishpa causarca. Chaimi israelcunaca Mandaj Diostaca caparishpa mañarcacuna.