ECLESIASTÉS 3:5 - Dios Rimashca Shimicunami

⁵ Rumicunata shitangapajpish, cutin pallangapajpish, ugllaringapajpish, ch'icanyaringapajpish punllami chayan.

ECLESIASTÉS 3:5 Iomraidhean Croise

2 REYES 3:25

pueblocunatapish tucuita chingachirca. Tarpuna allpacunapipish rumicunata jundachircacuna. Yacu pugyucunatapish tucuimi tapachirca. Granota p'ucuj tucui yuracunatapish urmachircacunami. Kir-hareset pueblollatami mana urmachircacuna. Shina cajpipish huaracahuan macanacujcuna chai pueblo muyundijta shayarishpami tucui chingachircacuna.

ÉXODO 19:15

Moisesca israelcunataca: –Caimanta quimsa punllapajca allichirishca canguichij. Huarmicunapipish ama chayaringuichijchu– nishpami mandarca.

ECLESIASTÉS 3:4

Huacanapajpish, asingapajpish, llaquilla cangapajpish, bailangapajpish punllami chayan.

ECLESIASTÉS 3:6

Imata mashcangapajpish, imata chingachingapajpish, imata huaquichingapajpish, imata shitangapajpish punllami chayan.

JOEL 2:16

Cunaj yuyajcunatapish, huambracunatapish, chuchucuj huahuacunatapish, cunanlla casarashcacunatapish paicunapaj causana huasimanta llujshichishpa tucuicunata tandachishpa, Diospajlla tandanacuita ruraichij.

1 Corintios 7:5

Caishujpish chaishujpish ama mitsarinacuichijchu. Tucui yuyaihuan Diosta mañangapajlla, ishquindij shuj yuyailla tucushpa ashacama jarcarichij. Mana unita jarcari tucujpica, mana alli yuyaita Satanás ama cuchun cutin tandanacuichijlla.

JOSUÉ 10:27

Ña inti huashicugrijpimi, Josueca israelcunataca chai huañushcacunata yuracunamanta uricuchishpa, paicuna miticushca jutcullapitaj churagrichun mandarca. Chaipi churashpaca, jatun rumicunahuanmi chai jutcu pungutaca tapashpa churarcacuna. Cunan punllacamami chashnallataj tiyacun.