ECLESIASTÉS 3:4 - Dios Rimashca Shimicunami

⁴ Huacanapajpish, asingapajpish, llaquilla cangapajpish, bailangapajpish punllami chayan.

ECLESIASTÉS 3:4 Iomraidhean Croise

GÉNESIS 21:6

Sara huarmica cashnami nirirca: “Taita Diosmari ñucataca asichin. Ñuca huahuayuj tucushcata pipish uyajcunaca cushicushpami ñucahuan asingacuna.

2 SAMUEL 6:16

Mandaj Diospaj arcahuan Davidpaj puebloman chashna ña chayacujpica cashnami tucurca: Jatun mandaj Davidca Mandaj Diospaj ñaupajpi jahuata saltashpa tushuihuan shamucujtami, Saulpaj ushushi Micalca huasi shuj ventanamanta ricurca. Chaimi paipaj shungupica Davidtaca p'iñarca.

SALMOS 30:11

Ñuca llaquilla cashpa huacacujtaca, bailacuj canamanmi tigrachishcangui. Llaquilla cashpa churarinataca llujshichishcanguimi. Cushicuitami chumbillichishcangui.

SALMOS 30:5

Paica ashacamallami p'iñarin. Paica tucui causaipimi c'uyacunlla. Tucui tuta huacai tiyashpapish, pacarijpica cushicuimi tiyan.

ÉXODO 15:20

Chaipimi Aaronpaj pani profeta Mariaca, shuj panderota japishpa tocajpi, shujtaj huarmicunapish panderocunapi tocashpa tushuihuan paita catishca llujshircacuna.

ECLESIASTÉS 3:5

Rumicunata shitangapajpish, cutin pallangapajpish, ugllaringapajpish, ch'icanyaringapajpish punllami chayan.

ECLESIASTÉS 7:14

Alli punlla chayamujpipish, chai punllallapi cushicungui. Mana alli punlla chayamujpipish, alli yuyaringui. Caya mincha huañushpaca, ña ama imata ashtahuan ricuchunmi cushicunatapish, llaquitapish Diosllataj churarca.

ISAÍAS 40:1

“¡Cushichichij, cushichichij ñuca agllashcacunata!” ninmi cancunapaj Taita Diosca.

ISAÍAS 40:2

Jerusalenpi causajcunaman caparishpa paicunapaj shunguman chayajta cashna nishpa huillaichij. Cancuna llaquita apana punllaca ñamari tucurishca. Cancunapaj juchacunataca ñami perdonashca. Cancunapaj juchamantaca Mandaj Diospaj maquihuan llaquichicujpica ishquihuan yallitami llaquicunata chasquishcanguichij ninmi.

Mateo 11:17

“Flautapi tocajpipish, mana bailarcanguichijchu. Huañuipi cantanata tocajpipish, mana huacarcanguichijchu” nicuj shinamari canguichij.

Mateo 9:15

Shina nijpi Jesusca: –Bodapi cajcunaca novio paicunahuan cajpica mana llaquilla cai tucunchu. Ashtahuanpish noviota paicunapajmanta quichuna punllami chayamunga. Chaipimi ayunangacuna.

Lucas 1:58

Elisabetta Dios llaquishpa jatunta c'uyashcata uyashpaca, c'uchullapi causajcunapish, familiacunapish paita ricunaman rishpaca yallitajmi cushicurcacuna.

Romanos 12:15

Cushicujcunahuanca cushicuichij, huacajcunahuanca huacaichij.

2 Corintios 7:10

Diosmanta shamuj llaquica mana allita ruracushcata saquishpa paiman cutirishpa quishpirishcapi ashtahuan alli tucunapajmi shamun. Chaimantaca mana imata llaquirinachu, ashtahuanpish cai pachamanta llaquimi, huañuiman pushan.

Santiago 4:9

Llaquirichij, aij nichij, huacaichij. Asinapaj randica, huacaichij. Cushicunapaj randica, llaquirichij.