ECLESIASTÉS 3:2 - Dios Rimashca Shimicunami

² Huacharinapajpish, huañunapajpish, tarpunapajpish, tarpushcata aisashpa shitangapajpish shuj punllami chayan.

ECLESIASTÉS 3:2 Iomraidhean Croise

GÉNESIS 17:21

Ñuca ari nishpa pajtachisha nishcataca shamuj huata cai punllacuna shinallapitajmi, Sara huachashca Isaachuan callarichisha– nircami.

GÉNESIS 47:29

Israelca paipaj causai ña tucurigrijpimi paipaj churi Joseta cayashpaca: –Canpi ñuca alli cashca cajpica, cunanca cambaj maquita ñuca changa jahuapi churashpa can ñucata llaquishpa chaitataj pajtachina cashpaca Egiptopi ñucata amataj pambangapaj ari nichunmi rogapani.

1 REYES 13:2

Paica Mandaj Diosllataj mandajpimi, chai altarta p'iñashpa cashna nishpa sinchita caparirca: “Altar, altar, Mandaj Diosca cashnami nin: Davidpaj huasi ucupuramantami Josías shuti huahua huacharinga. Paimi lomacunapi tiyaj altarcunapi inciensota rupachij curacunataca cambaj jahuallapitaj sacrificanga. Runacunapaj tullucunatapish cambaj jahuallapitajmi rupachingacuna ninmi” nircami.

2 REYES 4:16

Eliseoca: –Shamuj huata cunan shina punllacunapica shuj c'ari huahuata marcashcami cangui– nijpi chai huarmica: –Taita Diospaj runa, ñuca amito, cambajta ruraj ñucataca ama chanzata rurahuaichu– nirca.

JOB 14:14

¿Runaca huañushpaca, cutin causaringachu? Ñuca causashcacamaca ñucapaj quishpirina chayamungacama, punllanta shuyacushallami.

JOB 14:5

Paipaj causaica asha punllacunacamallamari. Pai causana quillacunapish cambaj c'uchullapimari. Can churashcamantaca, mana yallitaj causangachu.

JOB 7:1

Cai pachapi causaj runaca shaicuitami imatapish rurashpa causan. Paipaj punllacunaca, trabajaj runapaj punllacuna tucuricuj shinami tucuricun.

SALMOS 113:9

Paimi mana huachaj huarmitaca familiayujta ruran. Huahuacunayujta rurashpami cushichin. ¡Mandaj Diosta alabaichigari!

SALMOS 52:5

Chashna cashcamantaca Taita Diosca huiñaipajmi cantaca chingachinga. Cantaca ñutungami. Cambaj huasi ucupuracunamantapish llujshichishpami cachanga. Cai pachapi causajcunapaj chaupimantaca sapimanta aisashpa shitaj shinami chingachinga. Selah

PROVERBIOS 24:27

Llujshirishpa imatapish mashcaringuiraj. Cambaj maquihuan chagrata ruranguiraj. Chashna rurashpami cambaj quiquin huasita shayachingui.

ISAÍAS 28:24

Tarpungapaj yapujca mana yapushpalla causacunllachu. P'ulucunata ñutuillaca mana causacunllachu.

ISAÍAS 38:1

Chai punllacunapimi, Ezequiasca huañuna ungüihuan carca. Amozpaj churi, profeta Isaías paita ricunaman rishpaca: –Mandaj Diosca cashnami nin: Canca ña mana causanguichu, huañugringuimi, cambaj huasi ucu familia ima shina canata allichi ninmi– nircami.

ISAÍAS 38:5

“Ezequiaspajman rishpa cashna ni: Cambaj ñaupa yaya Davidpaj Mandaj Diosca cashnami nin: Can mañashcatapish uyanimi, can huacashcatapish ricunimi. Cantaca alliyachigrinimi. Cambaj causaitaca chunga pichca huatahuanmi mirachini.

ISAÍAS 54:1

¡Mana chichuj, mana huachaj huarmi, cushicuiyari! ¡Manataj huachaj huarmi, jatun cushicuihuan caparishpa cantayari! “Cusa shitashca cashpapish, canmari cusayuj huarmitapish yalli huahuacunayuj tucungui” ninmi Mandaj Diosca.

JEREMÍAS 1:10

Riqui, cunantajmi cantaca llajtacunata jatun mandajcunatapish, llajtacunapi causajcunatapish sapimanta llujshichichun, urmachishpa chingachichun, cutin shayachichunpish, llajtacunata cutin tigrachichunpish cantaca churani” nircami.

JEREMÍAS 45:4

Chaimanta paitaca cashna ningui ninmi: Mandaj Diosca cashnami nin: Ñuca shayachishcacunatami urmachicuni, ñuca tarpushcacunatami aisashpa shitacuni. Tucui cai llajtapi causajcunatami chashna rurasha.

Mateo 13:41

Runa Aichayujca pai mandacui punllacunapi ñitcachishpalla causajcunata, millaita rurachijcunataca paipaj angelcunata cachashpa tandachichishpami,

Mateo 15:13

Ashtahuanpish Jesusca: –Maijan yurapish jahua pachapi caj ñuca Yaya mana tarpushca cajca, sapimanta llujshichishcami canga.

Lucas 1:13

Angelca cashnami nirca: –Zacarías, ama manchaichu. Can mañashcataca Diosca uyashcami. Cambaj huarmi Elisabetca, shuj c'ari huahuatami huachanga. Paitaca Juan shutita shutichingui.

Lucas 1:20

Ñuca huillashcata mana crishcamanta cunanca cambaj huahua huacharingacama upami saquiringui. Ñuca nishca pajtangacamami mana rimaj saquiringui– nircami.

Lucas 1:36

Riqui, cambaj familia Elisabetpish mana huachaj nishca cashpapish, yuyaj cashpapish ñamari sujta quillata c'ari huahuata chichu.

Juan 16:21

Shuj huarmica huachana pajtajpi huachacushpaca achcatami nanachin. Huahuata huachashca q'uipaca chai nanaita ña mana yuyarinchu, cai pachapi huahuayuj tucushcamanta achcatami cushicun.

Juan 7:30

Shina nijpi paita japinata yuyacushpapish paita japina horas manaraj chayamushcamanta pi mana japi tucurcacunachu.

Hechos 7:17

Abrahamman cai llajtata Taita Dios cusha nishca punllacuna pajtamugrijpica, israelcunaca Egiptopica achcatami mirarircacuna.

Hechos 7:20

Chai punllacunapimi Moisesca huacharirca. Paica, Taita Dios munashcami carca. Quimsa quillatami paipaj yaya mamaca paitaca huasipi charircacuna.

Gálatas 4:4

Ashtahuanpish cachana punlla pajtajpica, Diosca paipaj churitami cacharca. Paica Mandashca ucupimi, shuj huarmimanta huacharirca.

DEUTERONOMIO 34:5

Chai Moab llajtapimi Mandaj Diospajta ruraj Moisesca, Mandaj Dios nishca shinallataj huañurca.

Hebreos 9:27

Shinallatajmi gentecunatapish shuj cutinlla huañuchun churashca. Chai q'uipaca paicuna imalla rurashcata Dios ricuchina punllami canga.

1 SAMUEL 2:5

Ñaupaman achcata charijcunaca cunanca shujtajcunapajta rurashpallamari micuncuna. Ñaupaman yaricaihuan cajcunapish, mana yaricaihuan cangacunachu. Mana huachaj huarmipish canchis cutinmari huachashca. Achca huahuacunata charijca chaquirishcamari.