ECLESIASTÉS 3:16 - Dios Rimashca Shimicunami

¹⁶ Inti achijyachicun cai pachatapishmi ricurcani. Pipaj allita ricunapaj randica, Diosta mana manchancunachu. Cashcata ruranapaj randica, millaicunami tucuncuna.

ECLESIASTÉS 3:16 Iomraidhean Croise

ECLESIASTÉS 4:1

Chai q'uipaca cai pachapica, shujcunaca caishujcunata jatunta llaquichij cashcatami ricurcani. Llaquita apacujcunataca huacacujpipish, pi mana cushichij tiyanchu. Paicunata llaquichijcunallami imatapish rurai tucuncuna. Cushichijcunaca shujllapish mana tiyanchu.

ECLESIASTÉS 5:7

Muscucuj shina imatapish yalli yuyacujllapica, yanga yuyaicunapish shamunllami. Yalli yallitapish rimachinllami. Ashtahuanpish canca Diostami manchana cangui.

ECLESIASTÉS 5:8

Maijan llajtapica huajchacunata llaquichicujta, cashcata ruranapaj randica, llaquita ruracujta ricushpaca ama mancharinguichu. Shuj mandajtaca paita yalli caj mandajmi ricucun. Chai mandajcunatapish ashtahuan jatun mandajmi ricucun.

ECLESIASTÉS 8:9

Inti achijyachicun cai pachapi causajcuna tucui imallata ruracushcatami, shunguta churashpataj callarishpa ricurcani. Shujcunaca caishujcunata llaquichishpa causashpaca, quiquinpaj llaquipajllatajmi chashna rurancuna.

ISAÍAS 59:14

Chaimantami ñucanchij mana pandashpa mandanaca huashaman tigrarishca. Cashcata ruraj canaca carumanmi saquirishca. Mana llulla canaca plazapi mandajcunapitajmi ñitcarishca. Mana pandashpa mandaj canamanca mana chayai tucuncunachu.

MIQUEAS 2:2

Shujpaj charishca allpataca munashcamantami, quichuncuna. Huasicunatapish munashcamantami chaitataj japincuna. Shuj runata p'iñashpaca, paipaj familiatapish, tucui imalla charishcacunandijmi llaquichincuna.

MIQUEAS 7:3

Millaita rurashpa pajtachingapajmi, jatun mandajca imatapish cuchun mañan. Juezpish camarita japishpallami allichij tucun. Mandajpish pai munashcatami rimarin. Chaimantaca chaitatajmi rurancuna.

SOFONÍAS 3:3

Jerusalenpi causajcunata mandajcunapish, paicunapaj chaupipica huacaricuj leoncuna shinami. Juezcunapish tuta purij atujcuna shinami cayandijpajca, shuj tullullatapish mana saquincunachu.

Mateo 26:59

Curacunata mandajcuna, cunaj yuyajcunapish, tucui mandajcunapuralla tandanacushcacunapish tandanacushpami, Jesusta huañunami cangui ningapaj Jesusmanta llullashpa huillachun mashcarcacuna.

Hechos 23:3

Chaimi Pabloca: –¡Canca yurajyachishca pata shinallami cangui! Chaimanta Taita Diosmi cantapish huajtanga. Canca mandashcapi nishca shina rurangapajmari tiyacungui. ¿Ima nishpataj canca ñucata huajtai nishpa mandashcata p'aquingui?– nircami.

Santiago 2:6

Ashtahuanpish cancunaca, huajchacunatami pingachishcanguichij. ¿Manachu charijcunaca cancunata llaquichincuna? ¿Manachu paicunallataj cancunataca mandajcunapajman sirijta aisancuna?