ECLESIASTÉS 3:12 - Dios Rimashca Shimicunami

¹² Ñucaca, cai pachapi causajcunapajca, paicuna imallata rurashcacunamantaca caipi cushicuna, allita rurana alli cashcatami ricuni.

ECLESIASTÉS 3:12 Iomraidhean Croise

SALMOS 37:3

Mandaj Diospi shunguta churai, imatapish allita rurai. Quiquin llajtapimi causangui. Cashcata ruraj canahuan junda cai.

ECLESIASTÉS 11:9

Q'uipa huiñaicunalla, cancuna chairaj cashcapi cushicuichijlla. Cambaj shungu cushicuchun saquilla. Cambaj shungu munashcata rurailla, ñahui pajtashcata ricuilla. Chashna cashpapish can imallata rurashcataca, Diosman ricuchina cashcataca yachanami cangui.

ECLESIASTÉS 2:24

Quiquin trabajomantaca micushpa, ubyashpa cushicunamari alli. Chashna cushicunapish Dios cujllapi tiyaj cashcatami ricurcani.

ECLESIASTÉS 2:3

Yachaj canata shungupi aparishpami, vinota ubyajpi ima caj cashcata ricungapaj, vinohuan cutin cutin macharcani. ¿Runacunapajca inti achijyachicunpi causacushpa, huañungacama chaita ruranachu alli imashi? yuyashpami, yachaj chayangapaj chaita rurarcani.

ECLESIASTÉS 3:22

Cai pachapi causajcunamanca, huañushca q'uipa ima tucuna cashcataca pi mana huillai tucunchu. Chashna cashcamantaca, quiquin trabajomanta alli cushicushpa causanami alli. Ñucanchijpajca caipica, chailla tiyashcatami ricuni.

ECLESIASTÉS 8:15

Chaimantami ñucaca cushicuna alli cashcata nini. Cai pachapica ñucanchij trabajomantaca micushpa, ubyashpa cushicunallatami charinchij. Causashcacamaca chaillatami rurai tucunchij.

ISAÍAS 64:5

Quiquinca cushicuihuan cashcata rurana yuyailla rurajcunata tupanamanmi llujshircangui. Quiquinpaj mandashcapi nishca shina quiquinta yuyarijcunata tupanamanmi llujshircangui. Ashtahuanpish ñucanchijllataj juchallishcamantami quiquinca p'iñarircangui. Ñucanchijllatajmari yallitaj achca punllacunata juchallina yuyailla purishcanchij. Chashnaca ¿quishpiri tucushunchu imatagari?

Lucas 11:41

Tucui imalla charishcamanta huajchacunaman cuna cashcata cujcunaca, chuyacunami canguichij.

Hechos 20:35

Chashna trabajashpa mana charijcunaman cushpa ricuchishpami yachachicurcanilla. “Imatapish cujmi, cushcata japijta yalli cushicun” nishpa Mandaj Jesús nishcatapish yuyaringuichij”– nircami.

DEUTERONOMIO 12:18

Ashtahuanpish Mandaj Dios cancunapaj Taita Dios agllashca pueblopimi Mandaj Dios cancunapaj Taita Diospaj ñaupajpi micuna canguichij. Cancunapish, cancunapaj churicunapish, ushushicunapish, cancunapajta ruraj c'aricunapish, huarmicunapish, cancuna causacunpi causaj levitacunahuanpishmi chaitaca micuna canguichij. Cancunapaj maquihuan trabajashcamantaca Mandaj Dios cancunapaj Taita Diospaj ñaupajpi chashna cushicunguichij.

DEUTERONOMIO 12:7

Chaipimi Mandaj Dios cancunapaj Taita Diospaj ñaupajpi micushpa, cancunapaj maquihuan tucui imalla rurashcapi, Mandaj Dios cancunapaj Taita Dios allicunata cushcamantaca cancunapish, cancunapaj familiapish cushicuna canguichij.

DEUTERONOMIO 26:11

Mandaj Dios cancunapaj Taita Dios cancunamanpish, cancunapaj huasi ucupuracunamanpish allicunata cushcamanta cushicunguichij. Cancunapish, levitacunapish, shujtaj llajtamanta caj cancunapurapi causajcunapish cushicunguichij.

DEUTERONOMIO 28:63

Mandaj Diosca allicunata rurashpa, cancunata achcata mirachishpa cushicuj cashca shinallatajmi, cancunata jatunta llaquichishpa tucuchishpapish cushicunga. Cancuna japigricun llajtamantaca sapimanta aisashpa shitaj shinami anchuchinga.

1 Timoteo 6:18

Mana mitsacuna, imatapish cujllacuna, allicunata rurashpa chai ruranacunahuan charijcuna cachun mandangui.