ECLESIASTÉS 3:11 - Dios Rimashca Shimicunami

¹¹ Diosca, tucui imapajpish shuj punlla tiyachunmi churashca. Cai pachapi causajcunapaj yuyaipica, callarimantapacha huiñaita Diosca imalla ruracushcata yachana munaiyujtami rurashca.

ECLESIASTÉS 3:11 Iomraidhean Croise

GÉNESIS 1:31

Taita Diosca pai rurashca tucui chaicunaca yallitaj sumaj alli cashcatami ricurca. Punllandij tutandijmi shuj punlla tucurca. Sujta punllapica chashnami saquirirca.

JOB 11:7

¿Canca Taita Diospaj yuyaipi pacalla tiyacushcataca ricui tucunguichu? ¿Tucuita Rurai Tucuj Diosmantaca, tucuita yachai tucunguichu?

JOB 37:23

Tucuita Rurai Tucuj Diosca, yallitaj jatun poderyujmi. Paitaca mana pajtai tucunchijchu. Paica jatunta llaquichi tucushpapish, mana llaquichingachu.

JOB 5:9

Paica achca allicunatapish, pipish mana rurai tucuipajcunatapish, mana yupai tucuipaj sumaj allicunatapish rurajmi.

SALMOS 104:24

¡Mandaj Dioslla, quiquin rurashcacunaca mana yupai tucuipajmari! Tucui chaicunataca quiquinpaj yachaihuanmari rurashcangui. Cai pachaca quiquin rurashcacunahuan jundamari.

PROVERBIOS 16:4

Mandaj Diosca tucuitamari imapaj cashpapish, shuj yuyaihuan rurashca. Chaimantami Diosta mana manchaj runatapish, llaqui punllapaj charicun.

ECLESIASTÉS 1:13

Ñucaca cai pachapi causajcuna imallata rurashcatami yachangapaj alli yuyaihuan tucuita callarishpa ricurcani. Cai pachapi causajcunaman Taita Dios cushca ruranacunaca, yallitaj llashaj shinami.

ECLESIASTÉS 11:5

Huaira maita rijtapish, mamapaj huijsapi huahuapaj tullucuna ima shina huiñajtapish mana yachanguichu. Chashnallatajmari tucuita ruraj Dios tucui imatapish ima shina ruracujtaca mana yachangui.

ECLESIASTÉS 7:13

Dios rurashcata alli ricushpa yuyari. Paillataj huishtuta rurashcataca ¿pitaj allichi tucungari?

ECLESIASTÉS 7:23

Tucui chaicunatami alli yuyaihuan callarishpa ricurcani, ñucaca yachaj cana yuyaillami carcani. Shina cajpipish yachaica, ñucamantaca carupimi.

ECLESIASTÉS 7:29

Caillatami ricuni: Diosca runataca allitami rurashca. Ashtahuanpish paicunallatajmi tucui laya mana allita mashcancuna.

ECLESIASTÉS 8:17

Ashtahuanpish Diosca inti achijyachicun cai pachapi chashna tucuchun, imamanta saquij cashcataca pi mana yachai tucuj cashcatami ricurcani. Ima shina cashcata yachaj chayasha nishpa, mashnata yuyashpapish manataj yachai tucuipajchu. Shuj jatun yachaj runa yachanimi nishpapish, tucuitaca mana yachanchu.

Mateo 11:27

Ñuca Yayaca tucuitami ñucamanca curca. Churi pi cashcatapish pi mana rijsinchu, Yayallami rijsin. Yayatapish pi mana rijsinchu, Churillami rijsin. Pi cashpapish Churi rijsichisha nishcacunallami, Yayataca rijsin.

Mateo 13:22

Cashalla allpapi tarpushca shinaca, Diospaj Shimita huillashcata uyashpapish cai pachapi ima shinalla rurajcuna rurashca shina charijyana yuyaicunahuan umarishpami, huillashca Shimitaca chai yuyaicuna tapajpi, paicunapaj causaipica imata mana granon.

Marcos 7:37

Chaita uyajcunaca achcata mancharishpami: –Tucuitamari allita ruran. Mana uyajcunatapish uyajtami ruran, mana rimajcunatapish rimajtami ruran– nircacuna.

Romanos 1:28

Paicunallataj Taita Diosmantaca imata mana yachashun nijpimi, manapish rurana cashcata rurachun Taita Diosca paicunapaj ch'ahuanyashca yuyaillapitaj saquirca.

Romanos 11:33

¡Diosca tucuita yalli yachaj canata, yuyaiyuj canata yallitaj charijmari! ¡Pai imata yuyacushcatapish, pi mana yachai tucunchu! ¡Pai imata ruracushcatapish, pi mana entendi tucunchu!

DEUTERONOMIO 32:4

Paica ñucanchij miticuna jatun Rumimari. Pai rurashcacunapica ima panda mana tiyanchu. Paipaj ñancunapish ima mana pandachu. Paica mana llullaj Taita Diosmi. Paipica ima millai mana tiyanchu. Paica cashcata rurajmi, imata mana pandajmi.