ECLESIASTÉS 3:1 - Dios Rimashca Shimicunami

¹ Cai pachapica, tucui imapish chashnataj tucuna chayamujpimi, imapish tucun. Imapajpish shuj punllami chayamun.

ECLESIASTÉS 3:1 Iomraidhean Croise

2 REYES 5:26

Shina nijpi Eliseoca: –Soldadocunata mandaj carromanta uriyashpa canhuan tupanaman tigracujpica, ñuca shunguca chaipimi carca. ¿Cunan punllaca cullquita, churanata, olivo chagracunata, uva chagracunata, ovejacunata, huagracunata, shujtajpajta ruraj c'aricunata, huarmicunata japinami yuyanguichu?

2 CRÓNICAS 33:12

Shina cashpapish llaquita apacushpaca, Manasesca paipaj ñaupa yayacunapaj Diospaj ñaupajpica tucui shunguhuanmi llaquirirca. Chashna llaquirishpami Mandaj Diostaca mañarca.

PROVERBIOS 15:23

Alli yuyaicunata cuj runaca, allita rimashcamantami cushicun. Alli punllapitaj yuyaita cushcaca sumajmari.

PROVERBIOS 24:27

Llujshirishpa imatapish mashcaringuiraj. Cambaj maquihuan chagrata ruranguiraj. Chashna rurashpami cambaj quiquin huasita shayachingui.

ECLESIASTÉS 1:13

Ñucaca cai pachapi causajcuna imallata rurashcatami yachangapaj alli yuyaihuan tucuita callarishpa ricurcani. Cai pachapi causajcunaman Taita Dios cushca ruranacunaca, yallitaj llashaj shinami.

ECLESIASTÉS 2:17

Inti achijyachicun pachapica tucui imapish yuyaita yanga shaicuchinalla cashcata yuyarishpami llaquirircani. Chaimantaca ñucaca causanataca p'iñarcanimi. Alli yuyarijpica imapish yuyaita yanga shaicuchishca, yanga charishcallami.

ECLESIASTÉS 2:3

Yachaj canata shungupi aparishpami, vinota ubyajpi ima caj cashcata ricungapaj, vinohuan cutin cutin macharcani. ¿Runacunapajca inti achijyachicunpi causacushpa, huañungacama chaita ruranachu alli imashi? yuyashpami, yachaj chayangapaj chaita rurarcani.

ECLESIASTÉS 3:17

Chaimantami ñuca shungupica cashna yuyarcani: “Ima munashcata rurangapajpish shuj punlla tiyanmi. Chaicunamantaca cashcata rurajcunatapish, paita mana manchajcunatapish Diosmi ricunga” yuyarcanimi.

ECLESIASTÉS 7:14

Alli punlla chayamujpipish, chai punllallapi cushicungui. Mana alli punlla chayamujpipish, alli yuyaringui. Caya mincha huañushpaca, ña ama imata ashtahuan ricuchunmi cushicunatapish, llaquitapish Diosllataj churarca.

JEREMÍAS 46:17

Chaipica: Egipto llajtata jatun mandaj faraonca manaraj punlla chayajllapi c'ari tucujmari carca, cunanca tucurishcamari nishpapishmi caparircacuna.

Mateo 16:3

Tutamantaman cielo pucayashca p'uyu tapashca cajpica: “Cunanca tamyangami” ninguichijmi. ¡Mishqui shimi jayaj shungucuna! Cielo ima shina cajta ricushpa, punlla ima tucunataca yachanguichijmi. Ashtahuanpish cai milagrocunaca ima punllapi cashpa ruraricushcataca mana entendi tucunguichijchu.