ECLESIASTÉS 2:9 - Dios Rimashca Shimicunami

⁹ Ñucaca Jerusalenpi ñuca ñaupa causajcunamantaca, tucuicunata yalli charijmi tucurcani. Tucuicuna alli nishpa jatunyachishcapishmi carcani. Yachaipish ñucamantaca mana anchurircachu.

ECLESIASTÉS 2:9 Iomraidhean Croise

1 REYES 10:23

Chashnami jatun mandaj Salomonca, tucui shujtaj llajtacunata jatun mandajcunata yalli charijpish, jatun yachajpish tucushpa catirca.

1 REYES 10:7

Ñuca caiman manaraj shamushpaca, chashnataj canataca mana crircanichu. Cambaj yachaitapish, imalla rurashcacunatapish cunan ñuca ñahuihuantaj ricujpica, ñuca uyashca shinaca chaupillatapish mana huillashcacunachu.

1 REYES 3:12

Can shinaca cambaj ñaupapish pi shujtajca mana tiyashcachu. Cambaj q'uipapish can shina shujtajca pi mana tiyangachu. Chaimanta can mañashca shinallatajmi curcani. Alli yuyaiyuj, yachaisapa canatami curcani.

1 CRÓNICAS 29:25

Mandaj Diosca Salomontaca, pai mandacunpica tucui imata ruranapipish allita rurachishpami tucui israelcunapaj ñaupajpi yallitaj jatunyachirca. Israelcunata paipaj ñaupa mandaj cashca jatun mandajcunaca chashnataca pi mana charircacunachu.

2 CRÓNICAS 1:1

Davidpaj churi Salomonca, paita Mandaj Dios paihuan cajpimi, tucuita mandai callarirca. Mandaj Diosmi paitaca mandanapica, pi mana cuyuchipajta shina rurarca.

ECLESIASTÉS 1:16

Chashna cajta ricushpami, ñucallataj cashna nirircani: “Ñucaca Jerusalenpi ñuca ñaupa causaj tucui mandajcunata yalli yachaj cashcamantaca, tucuicuna alli nishpa jatunyachishcami cani. Ñucaca achcata yachajtaj, alli yuyaiyujtajmi cani”.

ECLESIASTÉS 5:11

Achcata charijpica, micujcunapish achcallatajmi tiyan. Charinacunayuj runaca, ñahuihuan ricushcallahuanmi saquirin.