ECLESIASTÉS 2:8 - Dios Rimashca Shimicunami

⁸ Curitapish, cullquitapish ñaupa shujtaj jatun mandajcunapaj cashcatami ñucaca japircani. Shujtaj uchilla llajtacunamantapishmi jatun montoncunata tandachircani. Cantaj c'aricunatapish, cantaj huarmicunatapishmi charircani. Tocanacunatapish tucui layatami charircani. Chashnami ñucaca runacuna cushicuna cashca shinaca tucui laya cushicurcani.

ECLESIASTÉS 2:8 Iomraidhean Croise

2 SAMUEL 19:35

Ñami ñucaca 80 huatata charini. Ima alli cashcatapish ima mana alli cashcatapish ña mana yachai tucujmari cani. Cambajta ruraj ñucaca imata micushpapish, imata ubyashpapish alli cashcata mana alli cashcata mana yachai tucujmari cani. Cantaj c'aricuna, cantaj huarmicuna cantashcatapish mana alli uyanichu. Chashnaca cambajta ruraj ñucaca jatun mandaj ñuca amo llaquita apanapajllaca ¿maitataj rishari?

1 REYES 10:10

Chai huarmica jatun mandajmanca 120 talento curita, mishquijllata ashnacujcunata, sumaj rumicunatapish achcatami curca. Sabá llajtata jatun mandaj huarmi cushca shina yallitaj achca mishquijllata ashnacujcunataca pi manaraj Salomonpajca apamurcachu.

1 REYES 10:14

Salomonca huatantami, 666 talentota pezaj curita chasquij carca.

1 REYES 10:21

Jatun mandaj Salomón ubyana vasocunapish, Líbano nishca huasipi tiyaj tucui platocunapish curimanta rurashcami carca. Cullquimanta rurashcacunaca ima mana tiyarcachu. Salomón mandacui punllacunapica cullquica yanga shinallami carca.

1 REYES 11:3

Salomonpaj quiquin huarmicunaca 700mi carca. Caishuj huarmicunaca, 300mi carca. Chai huarmicunami Salomonpaj shungutaca, Diosmanta caruyachircacuna.

1 REYES 14:27

Jatun mandaj Roboamca, chai escudocunapaj randica bronce escudocunata rurachishpami, mandashpa tiyana huasi pungupi cuidaj soldadocunaman cuidachun curca.

1 REYES 9:14

Hiramca jatun mandaj Salomonpajca 120 talento curitami cachashca carca.

1 REYES 9:28

Paicunami Ofir puebloman rishpa chaimantaca, 420 talentota pizaj curita japishpa jatun mandaj Salomonpaj apamurcacuna.

1 CRÓNICAS 25:1

Davidca, soldadocunata mandajcunahuan tucushpami Asafpaj, Hemanpaj, Jedutunpaj huahua huahuacunataca cantashpa Diospajta rurachun ch'icanchishpa churarca. Paicunataca arpacunapi, salteriocunapi, cimbalocunapi tocashpa, Diospajta rurachunmi churarca. Tonocunahuan Diospajta ruranapajtaj caj runacuna mashna cashcaca caicunami:

1 CRÓNICAS 25:6

Mandaj Diospaj huasipi cimbalocunapi, salteriocunapi, arpacunapi tocashcahuan cantashpa Diospajta ruracujpica, paicunapaj yaya Hemanmi dirijirca. Asaftapish, Jedutuntapish, Hemantapish jatun mandaj Davidmi mandaj carca.

2 CRÓNICAS 9:11

Jatun mandajca sándalo caspicunahuanca Mandaj Diospaj huasipipish, pai mandashpa tiyana huasicunapipish gradacunatami rurarca. Chai caspitaca tocanata yachajcunapajpish arpacunata, salteriocunatami rurarca. Chashna caspicunataca Judapica shuj cutinllapish mana ricushcacunachu carca.

ESDRAS 2:65

Shujtajpajta ruraj c'aricuna, huarmicunaca 7.337mi carca. Cantaj c'aricuna cantaj huarmicunaca 200mi carca. Chaicunata man yupashcami chaica carca.

ECLESIASTÉS 1:2

Chai huillajca cashnami nirca: Tucui imapish yangallami, ima cashpapish yangataj yangami.

DANIEL 3:15

Cunanca bocinapi, flautapi, citarapi, arpapi, salteriopi, zampoñapi, tucui shujtaj tocanacunapipish tocashca uyarijpica, ¿ñuca shayachishca curimanta rurashca imamanpish rijchajta cungurishpa adoranallachu canguichij? Mana chaita adorajpica, chai ratollatajmi nina lunyacuj hornopi shitashca canguichij. Ñuca maquimantaca ima dios mana quishpichingachu– nircami.

DANIEL 3:5

Bocinapi, flautapi, citarapi, arpapi, salteriopi, zampoñapi, tucui shujtaj tocanacunapipish tocashca uyarijpica, jatun mandaj Nabucodonosor shayachishca curimanta rurashca imamanpish rijchajpaj ñaupajpi cungurishpa adorachunmi mandan.

DANIEL 3:7

Shina nijpimi bocinapi, flautapi, citarapi, arpapi, salteriopi, zampoñapi, tucui shujtaj tocanacunapi tocashca uyarijpica, shujtaj shujtaj gentecunapish, shujtaj shujtaj llajtacunapish, ch'ican ch'ican rimaita rimajcunapish jatun mandaj Nabucodonosor shayachishca curimanta rurashca imamanpish rijchajpaj ñaupajpi cungurishpa adorarcacuna.

AMÓS 6:5

Flautapi tocashpapish, pinganayajtami cantanguichij. Ima tocanapi tocashpapish, David shina tocacunchij yuyanguichijmi.