ECLESIASTÉS 2:3 - Dios Rimashca Shimicunami

³ Yachaj canata shungupi aparishpami, vinota ubyajpi ima caj cashcata ricungapaj, vinohuan cutin cutin macharcani. ¿Runacunapajca inti achijyachicunpi causacushpa, huañungacama chaita ruranachu alli imashi? yuyashpami, yachaj chayangapaj chaita rurarcani.

ECLESIASTÉS 2:3 Iomraidhean Croise

GÉNESIS 47:9

Jacobca: –Ñucaca, 130 huatacunatami caita chaita purishpa causacuni. Ñuca causaipica ashaca alli ashaca mana allimi cashca. Ñucaca ñuca ñaupa yayacuna caita chaita purishpa causashca huatacunamanca manaraj chayanichu– nircami.

JOB 14:14

¿Runaca huañushpaca, cutin causaringachu? Ñuca causashcacamaca ñucapaj quishpirina chayamungacama, punllanta shuyacushallami.

SALMOS 104:15

gentecunapaj shunguta cushichij vinota surcuchun, ñahuita achijnicujta ruraj aceitetapish surcuchun, runaman causaita cuj micunata surcunchunpishmi chashna rurarca.

PROVERBIOS 20:1

Vinopish, sidrapish mana cazushpa asijta, caparirishpa rimarijta ruranllami. Panda yuyaita japishpa chashna machashpalla purijca, yachaisapa cashcataca mana ricuchinchu.

ECLESIASTÉS 1:17

Ñucaca yachaj canatapish, ch'ahuanyashca canatapish, manapish cana ima yangacunata munaj canamantapishmi tucui yuyaita churashpa, callarishpa yuyaita japircani. Tucui chaita yachanapish, yuyaita yanga shaicuchinalla cashcatami ricurcani.

ECLESIASTÉS 10:19

Cushicui tiyashcamantami, jatun micuitaca rurarin. Causaj runacunataca, vinomi cushichin. Tucui chaicunapajpish cullquitajmari.

ECLESIASTÉS 12:13

Cai tucuita yachachishca q'uipa, ña tucuchingapajca caitami nini: Diostaca manchashpa cazungui, pai mandashcacunatapish pajtachingui. Cai pachapi causajcunapajca, tucuimanta yalli allica chaimi.

ECLESIASTÉS 2:24

Quiquin trabajomantaca micushpa, ubyashpa cushicunamari alli. Chashna cushicunapish Dios cujllapi tiyaj cashcatami ricurcani.

ECLESIASTÉS 5:18

Ñucaca, inti t'itaipi shaicuita trabajashcahuanca ashalla causaita Dios cushcacamaca, micushpa, ubyashpa cushicunallatami alli cajta ricuni.

ECLESIASTÉS 6:12

Runacunapaj alli canataca pi mana yachanchu. Tucui imapish yangalla caj cai ashalla causaipi, ima ashtahuan alli cajtaca pi mana yachanchu. Ñucanchij huañushca q'uipaca, inti achijyachicun cai pachapi imalla tucunatapish pi mana huillaipajchu.

ECLESIASTÉS 7:18

Caita chariranaca allimi. Caishujtapish cambaj maquimantaca ama cacharinguichu. Diosta manchaj runaca, tucuimanta allimi llujshinga.

ECLESIASTÉS 7:25

Chaimantami alli yachaj chayangapaj, alli ricungapaj ñuca tucui shunguta churashpataj, callarishpa alli yuyarircani. Chashna yuyarishpaca, ch'ahuan cashcamanta mana allita ruraj cashcata, yuyai chingarishca shina pandarij cashcatami ricurcani.

ECLESIASTÉS 8:15

Chaimantami ñucaca cushicuna alli cashcata nini. Cai pachapica ñucanchij trabajomantaca micushpa, ubyashpa cushicunallatami charinchij. Causashcacamaca chaillatami rurai tucunchij.

Mateo 6:24

Ishqui amopajtaca pi mana rurai tucunchu. Shujtaca p'iñanmanmi, caishujtaca c'uyanmanmi. Shujtaca alli ninmanmi, caishujtaca yanganchinmanmi. Taita Diostapish, charinacunatapish ishquipajtaca mana rurai tucunchu.

Efesios 5:18

Ama machaichijchu. Chaihuanca llaquimi tucun. Chaipaj randica Espirituhuan junda caichij.

JUECES 9:13

Uva yurapish yuracunataca: Diostapish, runacunatapish cushichij llullu vinota cuj canata saquishpaca ¿maitataj yuracunata jatun mandaj tucushari? nircami.

1 SAMUEL 25:36

Abigail Nabalpajman tigranapajca, Nabalca paipaj huasipica jatun mandaj jatun micuita ruraj shinami ruracushca carca. Paica cushicuihuanmi carca. Yallitaj machashcapishmi carca. Chaimi Abigailca cayandij punllacama imata mana huillarca.