ECLESIASTÉS 11:2 - Dios Rimashca Shimicunami

² Canchismanpish, pusajmanpish carailla. Llajtapaj ima llaqui shamucunataca mana yachanguichu.

ECLESIASTÉS 11:2 Iomraidhean Croise

NEHEMÍAS 8:10

Chai q'uipaca: “Cunan punllaca Mandaj Diospajlla ch'icanchishcamari. Chaimanta richij sumajta allichishca micunacunata micugrichij. Mishquijlla vinotapish ubyagrichij. Micunata allichinapaj imata mana charijcunamanpish caraj cachaichij. Ama llaquilla caichijchu. Mandaj Dios cushichishcaca, cancuna fuerzayuj tucunapajmi” nircami Esdraspish.

ESTER 9:19

Chashna quishpirishcamantami, judiocunaca muyundij jatun pirca illajlla pueblocunapi causajcunapish, chai pueblocuna muyundij llajtacunapi causajcunapish yuyarincuna. Paicunaca, Adar shuti quillapaj chunga chuscu punllapimi chaita yuyarishpa, jatun micuita rurashpa cushicurcacuna. Shinallataj c'uchullapi causajcunapurahuanca, caishuj chaishuj convidanacunata cunacushpami cushicuncuna.

ESTER 9:22

Chai quillcacunallapitajmi, judiocuna paicunata p'iñajcunamanta quishpirishcata yuyachirca. Shinallataj chai quillapi jatunta caparirishpa huacana cashca cashpapish, yallitaj cushicushcatapishmi yuyachirca. Huatanta chaita yuyarishpa chai punllacunapi jatun micuita rurashpa, caishuj chaishujhuan imallatapish cunacushpa, huajchacunamanpish carashpa cushicuchunmi mandarca.

JOB 5:19

Sujta cutin jatun llaquicunata apacujpipish quishpichingami. Ña canchis cutinpica, ima mana allipish cantaca mana japingachu.

SALMOS 112:9

Paica chaupijmi, huajchacunaman cujmi. Paipaj cashcata ruraj canaca huiñaipajmi canga. Pai tucuita rurai tucuj cashcataca yallitaj jatunyachishcami canga.

PROVERBIOS 19:17

Maijanpish huajcha runata llaquishpa imata cushpaca, Mandaj Diosman mañachishca shinami. Chai allita rurashcamantaca, cutichishcami canga.

PROVERBIOS 6:16

Mandaj Diosca mana allita rurashcataca, cai sujtatami yallitaj p'iñan, canchistapishmari manataj ricunachin.

ECLESIASTÉS 11:3

P'uyuca achca yacuta amullishca cashpaca, allpapimi cacharinga. Yuraca uriman urmashpa, huichiman urmashpapish, urmashcallapitajmi saquiringa.

ECLESIASTÉS 11:8

Shina cajpipish, uni huatacunata causashpa, chai tucui huatacunapi cushicushca cashpapish ashtahuan unita amsapi canataca yuyarichun. Q'uipataca tucui imapish yangallami canga.

ECLESIASTÉS 12:1

Chairaj cashpami, canta Ruraj Diostaca yuyarina cangui. Llaquilla cana huatacuna manaraj chayamujpi yuyariyari. Chai huatacunapica: “Cai causaitaca ña mana munananchu” ninguimi.

DANIEL 4:27

Chaimanta jatun mandajlla ñuca cunashcata uyai: Cashcata rurashpa juchata ruracushcamantaca llujshi. Llaquichishca causacujcunata llaquishpa millaita ruracushcamantaca llujshi. Chashna rurashpaca cushi causaita, alli causaita charinguipishchari” nirca.

MIQUEAS 5:5

Paimi ñucanchijmanca sumaj causaita cunga. Asiria llajta runacuna ñucanchij llajtata quichushpa, mandana huasicunatapish urmachijpica canchis michijcunata, pusaj mandajcunatami paicunata llaquichinamanca cachashun.

Mateo 18:22

Jesusca: –Mana canchis cutinlla ninichu, ashtahuanpish canchis chunga canchiscamami perdonacuilla nini– nircami.

Mateo 5:42

Maijanpish canta imata mañajpica cunguilla. Maijanpish canta imata mañachi nijpica, mañachinguilla.

Lucas 17:4

Shuj punllapi canchis cutin canta llaquichishpa, chai punllallataj canchis cutin mana allitami rurashcani: “Perdonapai” nijpica, perdonanguilla” nircami.

Gálatas 6:1

Huauquicuna, ima juchapi maijan urmashca cajpica, Diospajlla cajcuna manso shunguhuan ayudaichij. Can chashna tucushcata shina yuyashpa ayudangui. Ñataj canpish chashnallataj tucunguiman.

Efesios 5:16

Mana alli punllacunapi cashcamanta, allita rurana tiyajpica, allita ruraichij.

Hebreos 13:3

Prezu cajcunataca cancunapish paicunahuan tandalla prezu cashcata yuyashpa yuyaringuichij. Shinallataj llaquichishcacunatapish cancunapaj aichapi llaquita apacushca shinata yuyanguichij.

1 SAMUEL 25:8

Chaitaca cambajta rurajcunata tapuilla. Paicunallataj ima shina cashcata canman huillangallami. Ñuca cachashca mosocunata alli chasquipai ninguichij nircami. Chashna nishpaca ñucanchijca jatun micuita can ruracui punllatajmi shamushcanchij. Chaimanta cambaj churi Davidpajpish, paipajta rurajcunapajpish can imalla cusha nishcata cuchunmi rogani ninguichij” nichunpishmi cacharca.