ECLESIASTÉS 1:9 - Dios Rimashca Shimicunami

⁹ Cai pachapica ima mana mushuj tiyanchu. Imami ñaupaman tiyarca, chaillatajmi q'uipatapish tiyanga. Imami ñaupaman rurarishca, chaillatajmi q'uipatapish ruraringa.

ECLESIASTÉS 1:9 Iomraidhean Croise

ECLESIASTÉS 1:10

¿Imapish: “Caitajca mushujmari” ningapaj tiyanchu imatagari? Tucui imapish ñucanchij manaraj tiyajpi, mashna huata ñaupaman ña tiyashcallatajmi.

ECLESIASTÉS 2:12

Ñucapaj q'uipa yaicuj jatun mandajca: ¿Ima mushujtataj rurangari? Ña rurashca tiyacujllatatajmi ruranga yuyarcanimi. Chai q'uipaca yachaihuan, musparinahuan, ch'ahuan shungu canahuanmi ch'imbapurarcani.

ECLESIASTÉS 3:15

Tucui imapish ñaupaman tiyashcallatajmi tiyan. Q'uipatapish, cunan mana tiyashca mushujca mana tiyangachu. Taita Diosca, ñaupaman tiyashcallatatajmi tigrachishpa mushujyachicun.

ECLESIASTÉS 6:10

Imapish cunan tiyajca, ñaupamantami quiquin shutihuan tiyashca. Runa ima shina cashcapish yacharinllatajmi. Runaca, paita yalli caj Dioshuanca mana shayari tucunchu.

ECLESIASTÉS 7:10

Ama: ¿Imamantashi ñaupa huatacunaca tucui imapish cunan horasta yalli alli carca? niringuichu. Chashna nishpaca, mana yachaj cashcamantachu chashna tapungui.

ISAÍAS 43:19

Riqui, ñucaca mushujtami ruragrini. ¿Manachu ricunguichij? Ñallami luzman llujshinga. Shitashca pambapica cutinmi ñanta pascasha. Chaquishca allpapica jatun yacutami surcusha.

JEREMÍAS 31:22

Sinchi shungu huarmilla, ¿ima horascamachari chashna uri huichi puricunguilla? Mandaj Diosca cai llajtapica mushujtamari ruragrin. Huarmica cusapaj c'uchupimi canga” ninmi.

2 Pedro 2:1

Judiocunapurapica, llulla profetacunami ñaupapish tiyaj cashca. Cunanpish chashnallatajmi cancunapurapica llulla yachachijcuna tiyanga. Paicunaca tucuchij ch'icanyachij yachaicunatami pacalla yachachingacuna. Paicunata randishpa cacharichij Mandaj Jesustapish paica mana quishpichi tucunchu ningacunami. Chashna rurashpaca, paicunallatajmi jatun llaquipi utca chingaringacuna.

Apocalipsis 21:1

Chaipica, ñaupa cielopish ñaupa allpa pachapish, mama cuchapish ña mana tiyarcachu. Chaimanta mushuj cielota mushuj allpa pachatami ricurcani.

Apocalipsis 21:5

Chai q'uipaca jatun tiyarinapi tiyacujmi cashna nirca: “Riqui, ñucaca tucui ima tiyajtami mushujta rurani. Cashnapishmi nirca. Caicunaca ima shina cana cashca shinataj pajtana mana llulla shimicunami. Chaita quillcai” nircami.