ECLESIASTÉS 1:3 - Dios Rimashca Shimicunami

³ Inti achijyachicun pachapi causajcunaca, mana samashpa imatapish rurashcahuanca ima allita mana japincunachu.

ECLESIASTÉS 1:3 Iomraidhean Croise

ECLESIASTÉS 2:11

Chashna cushicushca q'uipami achca shaicuihuan ñuca imalla rurashcacunaca imapaj cashcata alli yuyarircani. Chashna yuyarishpami tucui chaicunaca yangalla cashcata ricurcani, yuyaita yanga shaicuchinallami cashca carca. Chashna cashcamantaca inti achijyachicun pachapica imapish yangallami.

ECLESIASTÉS 2:18

Inti achijyachicun pachapi ñuca imallata rurashcacunaca ñucapaj q'uipa yaicuj mandajpajllami saquiringa. Chaimantami tucuita yangapi charishpa p'iñarcani.

ECLESIASTÉS 2:19

Ashtahuantajcarin yachaj cashcacunahuan, tucui yuyaihuan shaicuita ñuca imallata rurashcata japijca, ¿jatun yachajchari canga, upa runachari canga imapishchari? Paillaman tucui imatapish saquina cashcamantaca, ñucallataj rurashca tucui imatapish ña mana munarcanichu.

ECLESIASTÉS 2:22

Inti achijyachicun pachapi causajcunaca yangallami imatapish mana samashpa, chai yuyai rurancuna. Chai tucui rurashcacunamantaca, imata mana japincunachu.

ECLESIASTÉS 3:9

Cai pachapi causaj runacunaca, shaicuita imatapish rurashcamantaca, imata mana japinchu.

ECLESIASTÉS 4:3

Ashtahuancarin inti achijyachicun cai pachapi chashna llaqui tiyashcata manaraj ricushcamantaca, manaraj huacharishcacuna ashtahuan allipi cashcatami yuyarcani.

ECLESIASTÉS 4:7

Shinallataj inti achijyachicun cai pachapica, caipish yangallataj cashcatami ricurcani:

ECLESIASTÉS 5:16

Cai pachamanca chushajllami shamunchij, chashnallatajmi rina tucun. Shaicuita trabajashpa causashcamantaca, imata mana surcurinchu. Chashna tucunaca, nanarina jatun llaquimari. Tucui imapish yangallami.

ECLESIASTÉS 5:18

Ñucaca, inti t'itaipi shaicuita trabajashcahuanca ashalla causaita Dios cushcacamaca, micushpa, ubyashpa cushicunallatami alli cajta ricuni.

ECLESIASTÉS 6:12

Runacunapaj alli canataca pi mana yachanchu. Tucui imapish yangalla caj cai ashalla causaipi, ima ashtahuan alli cajtaca pi mana yachanchu. Ñucanchij huañushca q'uipaca, inti achijyachicun cai pachapi imalla tucunatapish pi mana huillaipajchu.

ECLESIASTÉS 7:11

Cai pachapi achij intita ricushpa causajcunapajca, yachaj canaca allimari. Ima charinahuanpish cashpacarin ashtahuan allimari.

ECLESIASTÉS 9:13

Inti achijyachicun cai pachapica, shujtami alli yachaj tiyashcata ricurcani. Chaita ricushpaca alli yuyaitami japircani.

ECLESIASTÉS 9:3

Cai pachapi tucui imalla ruraricujcunamantaca chaimari mana alli ricurin. Shujcuna imami tucun, tucuicuna chai shinallatajmi tucun. Inti achijyachicun cai pachapi causajcunaca tucui causaipimi shungupica, millaita rurana yuyaihuan junda causancuna. Ch'ahuan yuyaicunaca huatashpa shinami charicun. Punlla pajtajpica huañushcacunahuanmi tandanacugringacuna.

ECLESIASTÉS 9:6

Paicunapaj c'uyaipish, paicunapaj p'iñaipish, pipajta imata munacushcapish chaipimi tucurin. Inti achijyachicun cai pachapi imata ruranaman ña mana tigramungacunachu.

ISAÍAS 55:2

¿Ima nishpataj manapish micuna cajta randishpa cullquitaca tucuchinguichij? Cancuna trabajashcamanta japishcatapish yangapimari tucuchinguichij. Alli uyaichigari: Alli micunata micuichigari. Sumaj micunata micushpamari cancunapaj almaca cushijlla canga.

HABACUC 2:13

¿Manachu caica tucuita Mandaj Diosmanta canga? Pueblocunapi causajcunaca ninapi rupachichunllami trabajangacuna. Llajtacunapi causajcunaca yangamantami shaicujta trabajangacuna.

HABACUC 2:18

Runa sumajta trabajashpa rurashca diosca ¿imapajtaj valingari? Yacuyachishpalla rurashca diosca llullanallatami yachachin. Chai runaca paillataj rurashca mana rimaj dioscunallapimi shunguta churan.

Mateo 16:26

Runaca cai pachapi tucui tiyajcunata japishpapish, paipaj almata chingachishpaca ¿ima allitaj cangari? Paipaj almata quishpichingapajca ¿imatashi cunga?

Juan 6:27

Chingarijlla micunataca ama mashcaichijchu, ashtahuanpish mana tucurij huiñai causaipaj micunata mashcaichij. Chaitaca, Runa Aichayujmi cancunamanca cunga. Chaita cuj cachunca, Dios Yayami churarca– nircami.

1 Corintios 16:16

Paicuna shina rurajcunata, shinallataj tucui ayudajcunata, trabajajcunatapish cazupanguichij nipanimi.