ECLESIASTÉS 1:2 - Dios Rimashca Shimicunami

² Chai huillajca cashnami nirca: Tucui imapish yangallami, ima cashpapish yangataj yangami.

ECLESIASTÉS 1:2 Iomraidhean Croise

JOB 11:12

Burroca, genteta mana huachai tucunchu. Shinallataj mana entendij runapish manataj alli yuyaiyuj cai tucunchu.

SALMOS 144:4

Samaita aisashpa cacharijpi shinallami runapaj causaica chingaringa. Paipaj causai punllacunaca llandu ricurishpa chingarij shinallamari.

SALMOS 89:47

Ñuca causaica ashapajlla cashcata yuyaripayari. Huañujlla runataca ¿imapajtaj yangaca rurarcanguiyari?

ECLESIASTÉS 11:10

Cambaj shungumantaca p'iñarijlla canata anchuchi, cambaj aichahuan ima mana allita ruranamantapish ch'icanyailla. Q'uipa huiñaicuna chairaj cashca punllacunapi cushicunaca utca tucurij yangallami.

ECLESIASTÉS 11:8

Shina cajpipish, uni huatacunata causashpa, chai tucui huatacunapi cushicushca cashpapish ashtahuan unita amsapi canataca yuyarichun. Q'uipataca tucui imapish yangallami canga.

ECLESIASTÉS 12:8

Huillaj ñucami cashna nini: Cunanca tucui imapish yangataj yangallami ninimi.

ECLESIASTÉS 2:11

Chashna cushicushca q'uipami achca shaicuihuan ñuca imalla rurashcacunaca imapaj cashcata alli yuyarircani. Chashna yuyarishpami tucui chaicunaca yangalla cashcata ricurcani, yuyaita yanga shaicuchinallami cashca carca. Chashna cashcamantaca inti achijyachicun pachapica imapish yangallami.

ECLESIASTÉS 2:15

Chaita ricushpami cashna nircani: “Ch'ahuan runata shuyacujllatajmi, ñucatapish shuyacun. Mashna jatun yachaj cashcapish yangallamari. Yachaj canapish yuyaita yanga shaicuchinallami.

ECLESIASTÉS 2:17

Inti achijyachicun pachapica tucui imapish yuyaita yanga shaicuchinalla cashcata yuyarishpami llaquirircani. Chaimantaca ñucaca causanataca p'iñarcanimi. Alli yuyarijpica imapish yuyaita yanga shaicuchishca, yanga charishcallami.

ECLESIASTÉS 2:19

Ashtahuantajcarin yachaj cashcacunahuan, tucui yuyaihuan shaicuita ñuca imallata rurashcata japijca, ¿jatun yachajchari canga, upa runachari canga imapishchari? Paillaman tucui imatapish saquina cashcamantaca, ñucallataj rurashca tucui imatapish ña mana munarcanichu.

ECLESIASTÉS 2:21

Shujcunaca alli yuyaihuan, alli ricushpa, alli yachaihuanmi imatapish rurancuna. Chaitaca manapish imata ruraj shujtajcunallami japincuna. Chaimanta, tucui ima rurashcapish yangallami. Chaipish shuj jatun llaquimari.

ECLESIASTÉS 2:23

Tucui causaipimi llaquita nanaita apancuna. Paicunapaj causaica llashajta aparishca shinami. Imata rurangapajpish tutapish mana dormishpami, achcata yuyaricunllacuna.

ECLESIASTÉS 2:26

Diosca paipaj ñaupajpi alli caj runallamanmi yachaitapish, alli yuyaitapish, cushicuitapish cun. Ashtahuanpish juchata rurashpa causaj runataca, achcata charinacunata jahuanpi jahuanpi tandashpa huaquichichun saquinllami. Chai huaquichishca charinacunataca paipaj ñaupajpi alli caj runapaj cachunmi, Diosca chashna ruran. Chashna cashcamantaca tucui imata rurashpapish, yuyaita yanga shaicuchishpallami causan.

ECLESIASTÉS 2:8

Curitapish, cullquitapish ñaupa shujtaj jatun mandajcunapaj cashcatami ñucaca japircani. Shujtaj uchilla llajtacunamantapishmi jatun montoncunata tandachircani. Cantaj c'aricunatapish, cantaj huarmicunatapishmi charircani. Tocanacunatapish tucui layatami charircani. Chashnami ñucaca runacuna cushicuna cashca shinaca tucui laya cushicurcani.

ECLESIASTÉS 3:19

Gentecunapish, animalcunapish chai shinallatajmi tucurincuna. Causaipaj cushca samaipish, tucuipaj chai samaillatajmi. Ima shina causashcapish yangallami. Chashna cashcamantaca gentecunaca, animalcunataca imamanta mana yalli canchu.

ECLESIASTÉS 4:16

Paita chasquijcunaca, yallitaj achcacunami carca. Shina cashpapish q'uipata paicunapaj huahuacunaca, ña mana munangacunachu. Jatun mandaj canapish, yuyaita yanga shaicuchinallami.

ECLESIASTÉS 4:4

Shinallataj achcata trabajashpa, tucui imatapish alli rurajpica, shujtajcuna shungupi munana yuyaita japishpa p'iñaj cashcatapishmi ricurcani. Chashna tucuipi alli canapish, yuyaita yanga shaicuchinallami.

ECLESIASTÉS 4:8

Maijanca paihuan apanacujtapish, huahuacunatapish, huauquillatatajpish mana charinchu. Pai charishcacunata piman saquipaj mana tiyajpipish, manataj samarinchu, mashnata charishpapish, mana chaillahuan cushicunchu. Shinallataj: “¿Piman saquingapajtaj cashna trabajacunilla? ¿Imamantataj mana samarinillapish?” nishpa mana yuyarinllapishchu. Chaipish yangallami. Ashtahuanpish llashajta aparishca causashca shinami.

ECLESIASTÉS 5:10

Cullquita yalli c'uyajca, mashnata charishpapish mana cushicunchu. Charinacunata yalli c'uyajpish chaihuanca, paipaj ima allita mana japinchu. Chaipish yangallatajmi.

ECLESIASTÉS 6:11

Yalli rimarijpica, manapish cana yangallami shimimantaca ashtahuan llujshin. Rimarishcahuanca pi mana imata japincunachu.

Romanos 8:20

Dios rurashcacunaca, mana paicunallataj yangalla canapi huatashca tucurcacunachu. Ashtahuanpish Diosllatajmi shuyana yuyaillapi huatashca cachun chashna rurarca.