DANIEL 9:4 - Dios Rimashca Shimicunami

⁴ Mandaj ñuca Taita Diosta mañashpa, paiman tucuita huillashpaca cashnami nircani: “Jatun Dios quiquinca manchashca cana jatun Taita Diosmi cangui. Quiquinta c'uyajcunata, quiquinpaj mandashcacunata huaquichijcunapajca, paicunapaj imata rurasha nishpa ari nishcatapish, llaquij canatapish pajtachijmi cangui.

DANIEL 9:4 Iomraidhean Croise

1 REYES 8:23

cashna nirca: “Israelcunata Mandaj Taita Dios, canhuan ari ninacushca shina causaj, cambajta rurajcunata llaquishpa chaitataj pajtachijca jahua pachapipish cai pachapipish can Dios shinaca pi mana tiyanchu.

2 CRÓNICAS 7:14

Ñuca agllashcacunamanmi ñuca shutita apachun curcani. Ñuca chai llaquicunata cachashpa llaquichijpica, paicuna mana allita ruracushcata saquishpa tucui shunguhuan nanarishpa ñucata yuyarishpa mañajpica, jahua pachamanta uyashami. Paicunapaj juchacunata perdonashami. Shinallataj paicunapaj allpapi tucui imapish mirachun bendiciashami.

ESDRAS 10:1

Diospaj huasi ñaupajpi cungurishpa, huacashpa tucuicunapaj juchata Diosman huillashpa Esdras mañacujpica, yallitaj achca israelcunami paipaj muyundijta tandanacurcacuna. Chaipica c'aricunapish, huarmicunapish, huahuacunapish tucuicunami yallitaj huacarcacuna.

NEHEMÍAS 1:5

cashnami mañarcani: “Mandaj Dios, jahua pachacunapaj Dioslla quiquintami rogani. Quiquinca tucuita rurai tucuj jatunmi cangui. Manchanami cangui. Quiquinta c'uyajcunata quiquin mandashcacunata cazujcunataca llaquinguimi. Quiquin cusha nishcacunatapish pajtachinguimi.

NEHEMÍAS 9:32

Ñucanchij Taita Dioslla, jatun Dioslla, tucuita rurai tucuj, manchana Diosmi cangui. Quiquin cusha nishcataca chaitataj pajtachij llaquij Diosmi cangui. Ñucanchij jatun mandajcunapish, llajtata mandajcunapish, curacunapish, profetacunapish ñucanchij ñaupa yayacunapish, can agllashca tucuicunapish Asiria llajtata jatun mandajcuna mandacushca punllamanta cunan punllacama tucui laya llaquita apacujtaca ama mana llaquita apacuj shinata ruraichu.

SALMOS 32:5

Mandaj Dios ñuca juchataca tucuitami quiquinman huillarcani. Millaita rurashcacunataca imata mana pacarcanichu. “Ñuca mana cazushcacunataca Mandaj Diosmanmi” huillarcani. Mandaj Dios, millaita rurashpa ñuca juchallishcataca perdonarcanguimi. Selah

ÉXODO 20:6

Ñucata c'uyashpa, ñuca mandashcacunata huaquichijcunataca, huaranga huaranga huahua huahuacunacama llaquijmi cani.

JEREMÍAS 3:13

Mandaj Diosca cashnapishmi nin: Canta Mandaj ñucatamari mana cazushpa p'iñachircangui. Chai juchata rijsiriyari. Tucui p'angasapa yura ucucunapimari shujtajcunahuan huainayarcangui. Ñuca cayajpica manamari uyarcanguichu ninmi” nircami.

JEREMÍAS 32:23

Cai llajtata japishpaca, caipi p'ucushcata micushpa cushicurcacunami. Shina cashpapish can rimashcataca mana uyarcacunachu, can mandashcatapish imata mana pajtachishpa causancunachu. Imallata rurachun can mandashcataca, imata mana rurarcacunachu. Chaimantamari cai tucui llaquicunata paicunapaj jahuapi cacharishcangui.

DANIEL 6:10

Chashna mandashcataca allimi, chashnataj cachun nishpa jatun mandaj firmashcata yachashpami Danielca, paipaj huasiman yaicushpaca, pai ima shina mañaj cashca shinallataj Jerusalén ladoman ricuna ventanata pascashpa, punllapi quimsa cutin paipaj Taita Diospaj ñaupajpi cungurishpa, mañashpa pagui nirca.

DANIEL 9:3

Chaita ricushpaca, mana micushpa, cañamazuta churarishpa, ushpata shitarishpa Taita Diosta, Jatun Diosta mañashpa rogarishpa mashcangapajmi paipaj ladoman ñuca ñahuita churarcani.

Lucas 1:72

Ñucanchij ñaupa yayacunata llaquishpa, paica pajtachishatajmi nishcata mana cungarishpami quishpichishca.

Romanos 8:28

Diosta c'uyajcunapajca tucui ima llaquicunaca, paicunapaj allipajllataj shamuj cashcatami yachanchij. Chaicunaca, Dios imapaj cayashca shina cajcunapajllami.

DEUTERONOMIO 5:10

Ñucata c'uyashpa, ñuca mandashcacunata huaquichijcunataca, huaranga huaranga huahua huahuacunacama llaquijmi cani.

DEUTERONOMIO 7:12

Cancunaca tucui cai mandashcacunata yachachishcata uyashpa chaitataj pajtachina tucushpa pajtachijpica, Mandaj Dios cancunapaj Taita Diosca cancunapaj ñaupa yayacunahuan ari ninacushcata, llaquishami nishcataca cancunahuanmi chashnataj pajtachinga.

DEUTERONOMIO 7:21

Paicunataca ama manchaichijchu. Mandaj Dios cancunapaj Taita Diosca cancunapaj chaupipimi. Paica manchana jatun Taita Diosmi.

DEUTERONOMIO 7:9

Mandaj Diosca Diostaj cashcata, imatapish pajtachij Dios cashcata, pai ari nishcatapish pajtachij cashcata, pai mandashcacunata c'uyashpa chaitataj pajtachijcunataca huaranga huaranga huahua huahuacunacama c'uyaj cashcatami paitaca yachana canguichij.

Santiago 1:12

Ima millai yuyaicuna shamujpipish chaita mishaj runaca cushichishcami canga. Chai millai yuyaicunata mishajca causaipaj coronatami chasquinga. Diosca paita c'uyajcunamanmi cusha nishca.

Santiago 2:5

Ñuca c'uyashca huauquicunalla, caita uyaichij: Cancunataca cai pachapica huajchacunatami Diosca agllashca. Crishcapica charijcuna cachun, pai cusha nishca mandanapi japijcuna cachunmi chashna agllashca. Chaitaca paita c'uyajcunamanmi cusha nishca.