DANIEL 9:3 - Dios Rimashca Shimicunami

³ Chaita ricushpaca, mana micushpa, cañamazuta churarishpa, ushpata shitarishpa Taita Diosta, Jatun Diosta mañashpa rogarishpa mashcangapajmi paipaj ladoman ñuca ñahuita churarcani.

DANIEL 9:3 Iomraidhean Croise

2 SAMUEL 12:16

Chaimi Davidca chai huahuamanta Diosta mañarca, ayunarca. Huasiman yaicushpaca tutapish pamballapimi sirishpa pacarirca.

ESDRAS 10:6

Mandaj Diospaj huasi ñaupajmanta Esdras jatarishpa rishpaca, Eliasibpaj churi Johanán tiyacun ucumanmi yaicurca. Chaipica prezu apashca cashcamanta tigramushcacuna juchallishcamanta llaquilla cashpami, micunatapish mana micushpa, yacutapish mana ubyashpa pacarirca.

ESDRAS 8:21

Ahava jatun yacu c'uchullapitaj cashpami, ñucanchijtapish, ñucanchij huahuacunatapish, ñucanchij imalla charishcacunandij ñanta Dios alli pushachun, paipaj ñaupajpi llaquirishca shunguhuan paita mañangapaj ayunashunchij nishpa mandarcani.

ESDRAS 9:5

Chishi sacrificiota cuna horaspi, ñuca yallitaj llaquilla cashca ashata pararijpimi, ucu churanapish, jahua churanapish lliquillataj cungurishpa ñucata Mandaj Diosman ñuca maquicunata chutashpa,

NEHEMÍAS 9:1

Chai quillapajllataj ishqui chunga chuscu punllapimi israelcunaca cañamazuta churarishca, umapipish ñutu allpahuan shitarishca ayunangapaj tandanacurcacuna.

ESTER 4:16

“Judiocuna cai Susa pueblopi causajcunataca tandanacuchun mandagri. Chashna tandanacushpaca quimsa punllata, quimsa tutata ama imata micushpa, ama imata ubyashpa ñucamanta Diosta mañanguichij. Ñucapish ñucapajta ruraj huarmicunahuanmi ayunagrini. Chai q'uipami jatun mandajhuan rimanaman yaicusha. Mandashcata p'aquishpa chaiman yaicugrishcamanta huañuchishpapish, huañuchingallatajchari ninmi” nichunmi cacharca.

JOB 42:6

Chaimantami ñucallataj manchanayajta llaquirishpa, allpa jahuapi ushpa jahuapi tiyarini” nircami.

SALMOS 35:13

Ashtahuanpish ñucaca paicuna ungushca cajpica, llaquilla cashcata ricuchij churanatami churarircani. Llaquilla shungumi ayunashpa mañarcani. Ñuca shungumanca paicunamanta mañana yuyaica mana illarcachu.

ISAÍAS 22:12

Chaimi tucuita Mandaj Jatun Diosca cancunataca umata lluchuta ruturishpa, cañamazuta churarishpa chai punllapi jatunta llaquirishpa caparishpa huacachun cayarca.

JEREMÍAS 33:3

Ñucata caparilla, ñucaca cutichishallami. Can mana yachashca, pacalla tiyacuj jatun yachanacunata yachachishallami ninmi.

EZEQUIEL 36:37

Mandaj Jatun Diosca cashnapishmi nini: Israelcunamanca, imalla mañashcatami cusha. Israelcunataca, canlla ovejata shinami mirachisha.

DANIEL 6:10

Chashna mandashcataca allimi, chashnataj cachun nishpa jatun mandaj firmashcata yachashpami Danielca, paipaj huasiman yaicushpaca, pai ima shina mañaj cashca shinallataj Jerusalén ladoman ricuna ventanata pascashpa, punllapi quimsa cutin paipaj Taita Diospaj ñaupajpi cungurishpa, mañashpa pagui nirca.

DANIEL 9:2

Pai mandai callarishca huatapimi Daniel ñucaca, profeta Jeremiasman Mandaj Dios quillcachishca quillcata callarishpa tucui yuyaihuan alli alli ricucurcani. Chai quillcapica, canchis chunga huatata Jerusalén shitashca sirina cashcatami huillacun. Chai huatacuna ña pajtashcata, manaraj pajtashcata yachangapajmi rezacurcani.

DANIEL 9:20

Ñucaca ñuca juchallishcatapish, ñuca aillupura israelcuna juchallishcatapish ñucata Mandaj Taita Diospaj ñaupajpi huillashpa tucui shunguhuan rogarishpami mañacurcani. Ñuca Diospaj jucha illaj urcumantapishmi mañacurcani.

DANIEL 9:4

Mandaj ñuca Taita Diosta mañashpa, paiman tucuita huillashpaca cashnami nircani: “Jatun Dios quiquinca manchashca cana jatun Taita Diosmi cangui. Quiquinta c'uyajcunata, quiquinpaj mandashcacunata huaquichijcunapajca, paicunapaj imata rurasha nishpa ari nishcatapish, llaquij canatapish pajtachijmi cangui.

JOEL 1:13

Curacuna, chumbillirishpa caparishpa huacaichigari. Mandaj Diosman altarpi cushpa rupachijcuna, huacaichigari. Ñuca Diospajta rurajcuna, cañamazuta churarishpa dormichigari. Cancunapaj Diospaj huasimantaca imalla cuna cashcatapish, tallina vinotapishmi anchuchishca.

JOEL 2:12

Mandaj Diosca cashnami nin: “Chaimanta cunanca ayunashpa huacashpa, llaquirishpa tucui shunguhuan ñucapajman cutirichij.

JONÁS 3:5

Jonás chashna huillajpica, Nínive pueblopi causajcunaca tucuicunami Taita Diosta crircacuna. Chaimantaca yuyajcunamanta callarishpa, uchilla huahuacunacamami cañamazuta churarishpa mana micurcacuna.

Mateo 17:21

Chai shina supaicunaca mana llujshinllachu, Diosta mañashpa ayunajllapimi llujshincuna– nircami.

Lucas 2:37

Paica pusaj chunga chuscu huatatami viuda causarca. Chai huarmica Diospaj huasimantaca manataj anchushpami, tutapish punllapish Diospajta rurashpa, ayunashpa, mañashpa causarca.

Hechos 10:30

Cornelioca: –Ñami chuscu punlla tucun. Ñucaca cunan shinallataj chishimi quimsa horas shinata manaraj micushpa ñuca huasipi Taita Diosta mañacurcani. Chaipimi achij nicuj churanata churashca runa ñuca ñaupajpi ricurishpa,