DANIEL 9:12 - Dios Rimashca Shimicunami

¹² Paica ñucanchijtapish, ñucanchij mandajcunatapish jatunta llaquichishami nishcataca llaquichishpatajmi pajtachishca. Jerusalenta llaquichishca shinaca, tucui cai pachapica nunca maipi mana llaquichishcachu.

DANIEL 9:12 Iomraidhean Croise

1 REYES 3:9

Can agllashca yallitaj achcacunataca pitaj mandai tucungari. Can agllashcacunapajca maijanpajlla alli cashcata, mana alli cashcata alli ricushpa mandangapajca cambajta rurajmanca yachaita cuhuayari” nircami.

2 REYES 22:16

Mandaj Diosca cashnami nin: Judá llajtata jatun mandaj chai libropi rezajpi llaquicuna tiyanata ricushca shinallatajmi cai llajtamanpish, chaipi tucui causajcunapajpish jatun llaquita apamugrini.

JOB 12:17

Paimi cunajcunamantapish cunana yuyaita anchuchin, juezcunatapish muspachinllami.

SALMOS 148:11

Cai pacha mandajcunapish, tucui shujtajcunapish alabaichigari. Mandajcunapish, tucui cai pacha juezcunapish alabaichigari.

SALMOS 2:10

Cunanca jatun mandajcuna alli yuyaita japichij. Cai pacha juezcunapish ñuca cunashcata uyaichij.

PROVERBIOS 8:16

Tucui cai pachapi tiyaj mandajcunallatajmi ñucamanta mandacuncuna. Jatun mandaj churashca mandajcunapish, ñucallamantatajmi mandancuna.

ISAÍAS 43:28

Chaimantami ñucapajlla ucupi mandajcunatapish yangata rurarcani. Jacobpaj huahua huahuacunataca llaqui tucushca cachunmi churarcani. Israelcunataca c'amishca asishca cachunmi saquircani” nircami.

ISAÍAS 44:26

Ñucapajta ruraj huillashcataca, ñucatajmi pajtachini. Ñuca cachajpi huillajcuna huillashcataca, chaitatajmi pajtachini Jerusalenpica: “Cutin causangami” nijca ñucami cani. Judá llajtapi caj pueblocunatapish: Cutin allichishcami canga. Tucui urmashca siricujta shayachijca ñucami cani.

JEREMÍAS 30:7

¡Aij, Jacobpaj huahuacunalla! Paicunapajca manataj chashna tiyashca jatun punllamari chayamugrin. Jatun llaqui punllami canga. Shina cajpipish ñucami paicunataca quishpichisha nircami.

JEREMÍAS 32:23

Cai llajtata japishpaca, caipi p'ucushcata micushpa cushicurcacunami. Shina cashpapish can rimashcataca mana uyarcacunachu, can mandashcatapish imata mana pajtachishpa causancunachu. Imallata rurachun can mandashcataca, imata mana rurarcacunachu. Chaimantamari cai tucui llaquicunata paicunapaj jahuapi cacharishcangui.

JEREMÍAS 39:16

“Ebed-melecpajman rishpa cashna nigri: Tucuita Mandaj, israelcunapaj Diosca cashnami nin: Ñucaca, cai pueblopajca ima allita mana rurashachu, ashtahuanpish imalla llaquicunata cachashami nishpa ñuca huillashcatami pajtachigrini. Chai llaqui punllacuna chayamucujtaca, cambaj ñahuihuantajmi ricungui.

JEREMÍAS 44:23

Cancunami shujtajcunapaj dioscunaman inciensota cushpa, Mandaj Diostaca yallitaj p'iñachircanguichij. Mandaj Dios mandashcataca manataj cazurcanguichijchu. Ima shinalla causanata yachachishcacunatapish manataj pajtachircanguichijchu. Chaimantami cancunataca cai tucui llaquicuna japishca. Cunan punllacamallatajmi chashna llaquipi causacunguichij– nircami.

LAMENTACIONES 1:12

Ñanta ricujcuna, shayarishpa ricuichigari. Ñucata japishca jatun nanai shinaca, ¿pita japishcachu imatagari? ¿Cashnata ricushpaca manachu cancunataca llaquinayan imatagari? Mandaj Dios jatunta p'iñarishpa llaquichina punllamari ñucapajca chayamushca.

LAMENTACIONES 2:13

Jerusalenpi causajcunalla, cancunata ricuchunca ¿pitataj pushamushari? ¿Mana cashpaca pihuantaj cancunataca ch'imbapurashari? Siónpi causajcunalla, cancunataca ¿piman rijchashcata nishpataj cushichishari? Mama cucha shina jatun llaquimari cancunataca japishca. ¿Pitaj chaitaca alliyachi tucungari?

LAMENTACIONES 2:17

Mandaj Diosmari pai rurasha nishcata rurarca. Ñaupamanta pai huillachishcatamari pajtachirca. Pai urmachina cashcataca mana llaquishpami, tucuita urmachirca. Canta p'iñajcunatamari mishashpa tucuchichun churarca. Canta mana ricunachijcunamanmari mishachun fuerzata curca.

LAMENTACIONES 4:6

Ñuca aillupuracunallatajmari, Sodoma pueblopi causajcunapaj juchata yalli, millaita rurarcacuna. Chai puebloca, macanacunaman manapish pi shayarijpi ñapish chingarircallami.

EZEQUIEL 13:6

Paicunaca yanga muscuicunallatami ricurcacuna, adivinashpallami llullashpa huillarcacuna. Paicunaca: Mandaj Diosmi chashna nin nishpami huillarcacuna. Mandaj Diosca manapish paicunataca cacharcachu. Shina cajpipish, paicunaca tucui imalla huillashcacunata Diosllataj pajtachichunmi shuyancuna.

EZEQUIEL 5:9

Cancuna yallitaj millaita rurashcamantaca, ima horaspish mana chashna rurashcatami rurasha. Q'uipatapish cutinca manataj chashna llaquichishachu.

DANIEL 12:1

Chai punllacunapica, cambaj israelcunata cuidaj jatun mandaj Miguel shuti angelmi jataringa. Chai punllacunapica jatun llaquimi tiyanga. Gentecuna cai pachapi tiyai callari pachamanta chai punllacama, manataj tiyashca jatun llaquimi tiyanga. Shina cajpipish chai punllacunapica, cambaj israelcunaca quishpichishcami canga. Libropi paicunapaj shuti quillcashcacunaca tucuicunami quishpirishca canga.

JOEL 2:2

Chai punllaca, manchanana amsa tutami tucunga. Chai punllaca, p'uyu llandu punllami tucunga. Tutamanta utcata urcu jahuacunapi inti shitashpa achijyachicuj shinami, c'ari c'ari achca runacuna shamunga. Paicuna shinaca pi mana tiyarcachu. Paicuna shamushca q'uipapish, q'uipa huahua huahuacuna causai huatacunapica pi mana paicuna shina tiyangachu.

AMÓS 3:2

“Tucui cai pachapi causajcunapuramantaca, cancunallatami ñucapajlla causachun agllarcani. Chashna agllashca jahua yallitaj millaita rurashcamantami, cancunataca llaquichishataj” ninmi.

ZACARÍAS 1:6

Ashtahuanpish cancunapaj yayacunamanca ñuca shimicunatapish, ñuca mandashcacunatapish ñuca ima nishcata huillaj runacunatami huillachun mandarcani. Ñuca mandashcacunaca, paicunapajmanmi chayarca. Chaimantami ñucapajman cutirircacuna. Paicunaca cashnapishmi nircacuna: Mandaj Diosca, ñucanchijtaca mana alli ñancunapi puricushcamantapish, millaita rurashcamantapishmi, chashna llaquichinataca yuyarirca. Pai rurasha nishca shinallatajmari ñucanchijtaca llaquichin nircacunami nishpa huillai” nircami.

ZACARÍAS 1:8

Ña tuta tucujpimi, ñapish alazán caballopi tiyarishca runata ricurcani. Chai runaca, pugru pambapi tiyaj mirto yuracuna chaupipimi carca. Paipaj huashatapish alazán caballocuna, bayo caballocuna, yuraj caballocunami caticurca.

ZACARÍAS 7:12

Paicunapaj shunguca, diamante shinami carca. Chashna cashpami tucuita Mandaj Dios, paipaj Espirituhuan ñaupa huillajcunaman huillachishca mandashcatapish, paipaj shimi imata nishcatapish mana uyarcacuna. Chaimantami Mandaj Diosca, paicunahuanca yallitaj p'iñarirca.

Mateo 24:21

Chai punllacunaca jatun llaquimi canga. Cai pacha callarimanta cunancama chashna llaquica mana tiyashcachu, cutinpish manataj tiyangachu.

Mateo 5:18

Jahua pachapish, cai pachapish manaraj tucurijpimi mandashcacunamanta huillashcacunaca shuj puntollapish, shuj tildellapish mana chingarishpa, chashnataj pajtanga. Chaica chashnatajmi canga.

Marcos 13:19

Chai punllacunaca jatun llaquimi canga. Cai pachata Taita Dios rurashca punllamanta cunancamaca, chashna llaquica mana tiyashcachu, cutinpish manataj tiyangachu.

Lucas 21:22

Chai punllacunaca mana cazushcamanta Taita Dios llaquichina punllami canga. Quillcachishcapi tucui nishcacunami chai punllapica pajtanga.

Romanos 15:8

Cashnami nini: Cristo Jesusca, circunsicionta rurashcacunata servingapajmi shamurca. Ñaupa yayacunaman cusha nishcata pajtachishpaca, Diosca mana llulla cashcata ricuchingapajmi chashna shamurca.