DANIEL 9:1 - Dios Rimashca Shimicunami

¹ Media shuti llajtamanta caj Asueropaj churi Dariomi caldeocunata jatun mandaj tucurca. Paica ñami shuj huatata mandacurca.

DANIEL 9:1 Iomraidhean Croise

ESDRAS 4:6

Jatun mandaj Asuero mandai callarijpipish Judacunata, Jerusalencunata juchachishpami cutinllataj quillcata cacharcacuna.

ESTER 1:1

Jatun mandaj Asueroca, 127 llajtacunatami mandacurca. Pai mandacun llajtacunaca, India llajtamantaca Etiopía llajtacamami carca.

DANIEL 1:21

Danielca, jatun mandaj Ciro mandai callari huatacamami chaipi saquirirca.

DANIEL 1:4

Paicunataca tucui imapish alli cajta, alli ñahui cajta, tucui imata yachachijpipish jahualla yachai tucuipaj cajta, ima yachanatapish jahualla yachai tucuipaj cajta, jahualla entendi tucuipaj cajta, jatun mandajpaj mandana huasipi imatapish rurai tucuipaj cajcunata pushamuichij. Paicunamanca rimanatapish, quillcanatapish ñucanchij caldeocunapajta yachachichij nishpami mandarca.

DANIEL 11:1

Media llajtamanta caj Darío mandai callari huatapish ñucallatajmi paimanca c'ari c'ari cana yuyaita cushpa sinchiyachircani.

DANIEL 5:31

Pai mandanataca Media llajtamanta caj Dariomi japirca. Paica sujta chunga ishqui huatayujmi carca.

DANIEL 6:1

Darioca pai mandacun tucui llajtacunata alli mandangapajca 120 satrapacunata churajpi alli cana cashcata ricushpami tucui llajtacunapi churarca.

DANIEL 6:28

Danielca Darío mandacui huatacunapipish, Persia llajtamanta caj Ciro mandacui huatacunapipish ashtahuan ashtahuan alli pushashpami catirca.