DANIEL 8:8 - Dios Rimashca Shimicunami

⁸ Chai chivoca ashtahuan ashtahuan jatun tucushpami catirca. Pai yallitaj jatun cai punllacunami paipaj jatun gachuca p'aquirirca. Chai gachupaj randica paipica chuscu jatun gachucunami cai pacha chuscundij ladoman huiñarca.

DANIEL 8:8 Iomraidhean Croise

2 CRÓNICAS 26:16

Uziasca, ña tucuita mandai callarishpaca, jatun tucushpami llaqui tucurca. Paita Mandaj Taita Diosta c'ariyashpami, Mandaj Diospaj huasi ucuman yaicushpaca inciensota rupachina altarpi inciensota rupachirca.

ESTER 9:4

Jatun mandajca pai mandacunpica, Mardoqueotami tucuicunamanta yalli allipi churarca. Chaitaca, tucui llajtacunapimi yachaj chayarcacuna. Mardoqueoca ashtahuan ashtahuanmi tucuita mandashpa catirca.

JEREMÍAS 49:36

Cai pacha chuscundij ladomantami, jatun huairata apamugrini. Elam llajtapi causajcunataca, chai huairapimi caita chaita cachasha. Elam llajta runacunaca, tucui llajtacunamanmi miticushpa ringacuna” ninmi.

JEREMÍAS 5:27

Umashpa quichushpami, jatun charijcuna tucuncuna. Chashna japishca charinacunahuanca, paicunapaj huasica jaulapi pajarocuna jundachishca shinami tiyacun.

EZEQUIEL 16:7

Cantaca urcupi tiyaj q'uihuata shinami mirachircani. Ña huiñashpa jatunyashpaca, sumaj huarmimi tucurcangui. Cambaj chuchucunapish, ajchapish huiñarcami. Shina cashpapish churana illaj, lluchullami carcangui.

EZEQUIEL 28:9

Canca canta huañuchicujpaj ñaupajpica: ¿Ñucaca Diosmi cani ninguichu? Canta huañuchijpaj maquipica, huañujlla aichayuj runallamari cangui, manamari Dioschu cangui.

DANIEL 11:4

Ashtahuanpish chashna rurashpa pai mandai callarijpica, pai mandanataca chingachishpami, chuscundij ladoman chaupinga. Chai mandanataca mana paipaj huahua huahuacuna japingachu. Pai mandacushca shinapish mana cangachu. Pai mandacushcata quichujcunami mandangacuna.

DANIEL 4:31

Jatun mandaj chashna rimaricujpirajmi, jahua pachamanta rimashca uyarishpaca: “Jatun mandaj Nabucodonosor, cantami cashna nini: “Can mandanataca ñami quichurcani.

DANIEL 5:20

Ashtahuanpish paipaj shungupica yallitaj jatun cashcata yuyashpa, chai jatun cashcapi rumi shungu tucushpa millai tucujpimi, pai mandanatapish quichushpa pai jatun tucushca cashcatapish yallitaj yangapi churarca.

DANIEL 7:2

Danielca cashnami nirca: Shuj tutami ñucaca muscuipi shina ricushpaca, jahua pacha chuscundij lado huaira mama cuchata manchanayajta cuyuchicujta ricurcani.

DANIEL 7:6

Ishquipaj q'uipa llujshij animaltaca, leopardoman rijchajtami ricurcani. Paipaj huashapica chuscu alastami charirca. Chai animalca chuscu umayujmi carca. Paimanca mandai tucunatami curca.

DANIEL 8:22

Chivopaj gachu p'aquirijpi, chaipaj randi chuscu gachucuna huiñashcaca, chai llajtaca chuscupi chaupirishca mandanacuna tucuna cashcatami ricuchin. Chaipi mandajcunaca, punta mandaj shina c'ari c'arica mana cangachu.

DANIEL 8:5

Ñuca chaita imashi nishpa yuyacujpirajmi, ñapish shuj chivoca inti huashicun ladomanta pambapipish mana sarushpa shamurca. Chai chivoca paipaj ñahuicuna chaupi frentepimi shuj jatun gachuta charirca.

DANIEL 8:7

Carneropajman chayashpaca paihuan macanacungapaj shayarishpami chugrichishpa ishquindij gachucunata p'aquirca. Carneroca paihuan macanacungapajca mana fuerzata charircachu. Chaimi chai carnerotaca pambapi urmachishpa sarurca. Chai carnerota mitsajca pi mana tiyarcachu.

Mateo 24:31

Paipaj angelcunatami cachanga. Paicunami trompetapi sinchita tocashcahuan, cai pachapi tiyaj tucui llajtacunamantaca Runa Aichayujpaj agllashcacunataca uramanta janajmanta tucuicunata tandachingacuna.

Marcos 13:27

Pai shamushpaca paipaj angelcunatami cachanga. Paicunami Runa Aichayuj agllashcacunataca cai pachapi tiyaj tucui llajtacunamanta uramanta, janajmanta, tucuicunata tandachingacuna.

DEUTERONOMIO 31:20

Lechepish, sacha, chuspipaj mishquipish yacu llujshicuj shina tiyan llajtata paicunapaj ñaupa yayacunaman cushatajmi nishca llajtaman ñuca chayachijpica, huijsa pajtata micushpami yallitaj huirayangacuna. Shujtaj dioscunaman tigrarishpa, chai dioscunapaj ruranacunata rurashpa, ñucahuan ari ninacushcata p'aquishpami ñucataca yallitaj p'iñachingacuna.

Apocalipsis 7:1

Chaicunapaj q'uipaca, cai pacha chuscu esquinapi, chuscu angelcuna shayacujtami ricurcani. Paicunaca cai pacha allpaman, mama cucha yacuman, yuracunamanpish ima huaira ama shamuchunmi huaira shamuna chuscu esquinapi jarcacurcacuna.