DANIEL 8:7 - Dios Rimashca Shimicunami

⁷ Carneropajman chayashpaca paihuan macanacungapaj shayarishpami chugrichishpa ishquindij gachucunata p'aquirca. Carneroca paihuan macanacungapajca mana fuerzata charircachu. Chaimi chai carnerotaca pambapi urmachishpa sarurca. Chai carnerota mitsajca pi mana tiyarcachu.

DANIEL 8:7 Iomraidhean Croise

DANIEL 11:11

Chaimi ura lado llajtata jatun mandajca yallitaj p'iñarishpa, janaj lado llajtata jatun mandajhuan macanacungapaj llujshinga. Janaj lado llajtata mandajca yallitaj achca soldadocunahuan cashca cashpapish, tucuicunami ura lado llajtata jatun mandajpaj maquipi urmanga.

DANIEL 7:12

Caishuj animalcunatapish paicunaman imallata cushcataca quichurcami. Shina cashpapish asha punllacunacama causaihuan saquircarajmi.

DANIEL 7:7

Muscuipi shina ricucui tutallatajmi quimsapaj q'uipaca shujtaj animal llujshijta ricurcani. Chaica manchanana, yallitaj jatun, yallitaj fuerzayujmi carca. Paica jatun fierro quirucunatami charirca. Chaihuanmi tucuita ñutushpa millpurca. Puchushcacunataca paipaj chaquicunahuanmi sarurca. Chai animalca ñaupaman ricushca animalcunamanca maijanman mana rijchajchu carca. Chunga gachucunayujmi carca.

DANIEL 8:10

Jahua pacha Taita Diospaj soldadocunacama chayajta huiñashpami, mirga soldadocunatapish, mirga luzerocunatapish allpaman urmachishpa sarurca.

DANIEL 8:6

Chai chivoca jatun yacu uripi ñuca ricushca, ishqui gachucunayuj carneropajmanmi paipaj tucui fuerzahuan yallitaj p'iñarishpa callpamurca.

DANIEL 8:8

Chai chivoca ashtahuan ashtahuan jatun tucushpami catirca. Pai yallitaj jatun cai punllacunami paipaj jatun gachuca p'aquirirca. Chai gachupaj randica paipica chuscu jatun gachucunami cai pacha chuscundij ladoman huiñarca.

LEVÍTICO 26:37

Pipish mana caticujpimi, jatun macanacuimanta miticushpa ricuj shina rishpa caishuj chaishuj huajtarinacunguichij. Chashna cashcamantaca cancunata p'iñajcunahuancarin manataj macanacui tucunguichijchu.

JOSUÉ 8:20

Israelcunata catishpa ricujcuna paicunapaj pueblota tigralla ricunapajca, chai pueblomantaca mana jahualla cushni jahua pachacama llujshicujtami ricurcacuna. Paicuna chaita ricungacamaca shitashca pambata callpacuj israelcunapish paicunahuan macanacungapajmi tigrarcacuna. Chaimi Hai pueblopi causajcunaca maiman mana callpai tucurcacuna.