DANIEL 8:2 - Dios Rimashca Shimicunami

² Chai muscuipica ñucaca, Elam llajtapi, llajtacunata mandana Susa pueblopi, Ulai shuti jatun yacu c'uchupi cashcatami ricurcani.

DANIEL 8:2 Iomraidhean Croise

GÉNESIS 10:22

Sempaj churicunaca: Elam, Asur, Arfaxad, Lud, Aram shuticunami carca.

GÉNESIS 14:1

Sinar llajtata jatun mandaj Amrafel, Elasar llajtata jatun mandaj Arioc, Elam llajtata jatun mandaj Quedorlaomer, Goim llajtata jatun mandaj Tidal mandacui punllacunaca,

NEHEMÍAS 1:1

Hacaliaspaj churi Nehemías parlashca shimicunami. Persia llajtata jatun mandaj Artajerjes ña ishqui chunga huatata mandacui Quisleu quillapimi, mandajcuna tiyana Susa pueblopi carcani.

ESTER 1:2

Paica, Susa shuti jatun pueblomantami chai tucui llajtacunataca mandashpa causarca.

ESTER 2:8

Jatun mandaj Asuero mandashpa tucui llajtacunapi huillachishca shinallatajmi, pai causacun Susa pueblopi caj mandana huasimanca c'arihuan manaraj chayarinacushca achca solteracunata aparcacuna. Chai huarmicunapurapica, Esterpishmi carca. Chai huarmicunataca, jatun mandajpaj huarmicunata cuidaj Hegai shuti eunuco runa cuidachunmi churarca.

ESTER 3:15

Jatun mandajca quillcata apajcunataca, pai causacun Susa pueblopirajmi utca huillachirca. Chaita huillajpica, Susa pueblopi causajcunaca yallitaj llaquillami tucurcacuna. Ashtahuanpish jatun mandajhuan Amanhuanca ubyacurcacunami.

ESTER 7:6

Chashna tapujpimi Esterca: –Cai millai shungu Amanmari ñucanchijtaca p'iñashpa, juchachishpa huañuchisha nicun– nircami. Chashna nijpica Amanca, jatun mandaj huarmindijpaj ñaupajpica, yallitaj mancharishpa upayashpami saquirirca.

ESTER 8:15

Mardoqueoca, jatun mandaj churarina shina azulhuan, yurajhuan churanata churarishca, jahuatapish linollamanta rurashca morado churanatami churashca carca. Umapica, curimanta rurashca sumaj coronatami churashca carca. Chashnami Mardoqueoca, jatun mandajpaj ñaupajmanta llujshirca. Chaimantami Susa pueblopi causajcunaca, jatunta cushicushpa caparircacuna.

ESTER 9:11

Jatun mandaj Asueroca, pai causacun Susa pueblopi mashnacunata huañuchishcataca, chai punllallatajmi yachaj chayarca.

ESTER 9:15

Susa pueblopi causaj, judiocunaca Adar shuti quillapaj chunga chuscu punllapimi cutinllataj tandanacurcacuna. Chashna tandanacushpami, chai llajtapi causajcunataca, 300 runacunata huañuchircacuna. Chashna huañuchijpipish paicuna imalla charishcataca manataj japircacunachu.

ISAÍAS 11:11

Chai punllacunapica cashnami tucunga: Mandaj Diosca mana huañushpa puchushcacunata prezu apashcacunata tigrachimungapajmi cutinllataj paipaj maquita alzanga. Paicunataca: Asiria, Egipto, Patros, Etiopía, Elam, Sinar, Hamat, mama cucha uripi caj llajtacunamantami tigrachimunga.

ISAÍAS 21:2

Mandaj Diosca sinchi mancharinatami muscuipi shina ricuchirca: Huashalla llaquichijca huashalla llaquichinllami. Ñutujca ñutunllami. “Elam llajtapi causajcuna huichiyaichigari. Media llajtapi causajcuna muyundijta shayarichigari. Paicuna aij nicujtaca upallachircanimi” nircami.

JEREMÍAS 25:25

Zimri, Elam, Media shuti llajtacunata tucui jatun mandajcunamanpishmi ubyachircani.

EZEQUIEL 1:1

Ñucaca, Quebar shuti jatun yacu c'uchupimi, prezu apashcacunapaj chaupipi carcani. Ñucaca, quimsa chunga huatayujmi carcani. Chai huatapaj chuscu quillapimi, jahua pacha pascarijpi, Taita Dios imallata ricuchishca muscuipi shina ricurcani.

EZEQUIEL 32:24

Elam llajtapish chaillapitajmi pambarirca. Paita pambashca muyundijpica, paipaj soldadocunata pambashca jutcucunami tiyacun. Paicunaca tucuicunami espadapi huañurcacuna. Paicuna charishca aicha mirga carata mana p'itichishca chai runacunaca, cai pachapi causajcunata jatunta llaquichishpa manchachishcamantami, huañushcacuna tiyacunmantaca ashtahuan ucuman pambarircacuna. Paicunapish pambashcacunapurallapitajmi pingai tucurcacuna.

DANIEL 10:4

Huata callari quillapaj ishqui chunga chuscu punllapimi ñucaca, Hidekel shuti jatun yacu uripi carcani.

DANIEL 7:15

Daniel ñucaca chaicunata muscuipi shina ricushpaca, tullu ñutcu mancharishpami, ñuca yuyaica musparircani.

DANIEL 7:2

Danielca cashnami nirca: Shuj tutami ñucaca muscuipi shina ricushpaca, jahua pacha chuscundij lado huaira mama cuchata manchanayajta cuyuchicujta ricurcani.

DANIEL 8:1

Jatun mandaj Belsasar quimsa huatata ña mandacujpimi, Daniel ñucaca ñaupaman shinallataj muscuipi shina ricurcani.

DANIEL 8:3

Chaipi huichilla ricushpaca ishqui gachuyuj shuj carnero jatun yacu uripi cajtami ricurcani. Gachucunaca jatun cashpapish shujca ashtahuan yalli jatunmi carca. Chai yalli jatun caj gachuca, q'uipatami huiñarca.

NÚMEROS 12:6

Mandaj Diosca paicunataca cashnami nirca: “Cunanca ñuca rimashcata uyaichij. Mandaj Dios huillachishcata huillaj cancunapurapi tiyajpica, paimanca muscuipi shinami ricurisha. Muscuillapimi rimasha.

Hebreos 1:1

Ñaupa punllacunapica ñucanchij yayacunamanca, achca cutin tucui layami profetacunata huillachishpa Diosca rimarca.

Apocalipsis 9:17

Ñucaca muscuipi shina ricushpaca, caballocunatapish chaipi tiyarishcacunatapishmi ricurcani. Caballocunapi tiyarishcacunaca pechota taparina fierro churanataca nina shina pucajlla, zafiro shina azul-lla, azufre shina quillujllata churarishcatami ricurcani. Caballocunapaj umacunaca leoncunapaj uma shinami carca. Paicunapaj shimimantaca ninapish, cushnipish, azufrepishmi llujshicurca.