DANIEL 8:12 - Dios Rimashca Shimicunami

¹² Paicunallataj Dios mandashca shina mana rurashcamantami soldadocunatapish, Diosman punllanta animalcunata huañuchishpa cunatapish paipaj maquipi churarca. Mana llullaj shimitaca yanganchishpami pambapi shitarca. Imatapish pai munashcatami rurarca. Chaicunaca paipajca allimi llujshirca.

DANIEL 8:12 Iomraidhean Croise

JOB 12:6

Shuhuacunapaj huasicunapirajmi achca allicunapish tiyan. Taita Diosta p'iñachijcunarajmi, imata mana manchashpa causan. Paicuna mashnata charishcataca paicunapaj maquicunapimi churashca.

SALMOS 119:142

Quiquinpaj cashcata ruranaca huiñaita mana shujtajyangachu. Quiquin mandashcaca mana llullami.

SALMOS 119:43

Imatapish cashcata rimaj canataca, amataj ñuca shimimanta anchuchihuaichu. Ñucaca quiquin mandashcacunatami shuyani.

SALMOS 28:5

Tucui imapish Mandaj Dios rurashca cashcataca paicunaca mana yuyancunachu. Mandaj Diospaj maquihuan rurashca cashcataca mana yuyancunachu. Chaimanta paicunataca chingachingami. Cutinca mana shayachingachu.

ISAÍAS 59:14

Chaimantami ñucanchij mana pandashpa mandanaca huashaman tigrarishca. Cashcata ruraj canaca carumanmi saquirishca. Mana llulla canaca plazapi mandajcunapitajmi ñitcarishca. Mana pandashpa mandaj canamanca mana chayai tucuncunachu.

JEREMÍAS 12:1

Mandaj Dioslla, canca ñuca imata nijpipish cashcata cutichinguillami. Shina cajpipish caitamari cantaca tapusha nipani: ¿Imamantataj canta mana cazujcuna cashpapish, alli causanllacunari? Canmanta anchurijcunapish sumajta causanllacunamari.

DANIEL 11:28

Janaj lado llajtata jatun mandajca achca charinacunahuanmi paipaj llajtaman tigranga. Paipaj shungupica, jucha illaj Dioshuan israelcuna ari ninacushcata p'iñashpa pai munashcata rurashpa llaquichishpami, paipaj llajtamanca chashna tigranga.

DANIEL 7:21

Chai gachuca, Diospajlla cajcunahuan macanacushpa, pai mishacujlla cajtami ricurcani.

DANIEL 8:4

Chai carnerotaca, inti huashicunman cajcunatapish, janajman cajcunatapish, uraman cajcunatapish paipaj gachucunahuan chugrichijta, ima shujtaj animalpish mana ch'imbapurai tucujta, pai llaquichicunmantaca pi mana quishpiri tucujta, pai munashcata rurashpa ashtahuan ashtahuan fuerzayuj tucujtami ricurcani.

Apocalipsis 13:7

Paitaca Diospajlla cajcunahuan jatun macanacuita rurashpa, pai mishachunpishmi saquirca. Shinallataj ch'ican ch'ican aillucunata, tucui pueblocunata, tucui laya rimajcunata, tucui llajtacunatapish tucuita mandanatami curca.

1 SAMUEL 23:9

Davidca Saúl paita millai yuyaihuan llaquichigrijta yachashpami, Abiatar curataca: –Efodta apamui– nirca.