DANIEL 8:11 - Dios Rimashca Shimicunami

¹¹ Paica soldadocunata mandajtapish yallitaj jatun tucushpami c'ariyarca. Chaimi Diosman punllanta animalcunata huañuchishpa cunatapish anchuchishpa, Diospajlla huasitapish urmachirca.

DANIEL 8:11 Iomraidhean Croise

ISAÍAS 37:23

¿Pitataj mana alli shimicunahuan rimarcangui? ¿Pita p'iñashpataj c'amircangui? ¿Pitataj caparirishpa c'ariyarcangui? ¿Pitataj jatun tucushca ñahuihuan ricurcangui? Israelcunapaj jucha illaj Diostami chashna rurarcangui.

ISAÍAS 37:29

Ñucata p'iñashpa yallitajmi p'iñaringui. Chashna can jatun tucushcaca ñuca rinrinmanmi huichiyashca. Cunanca cambaj singapica fierro ipitami churachigrini. Cambaj shimipica frenotami amullichigrini. Chashna rurashpami, can maitami shamurcangui chai ñanllatataj tigrachishpa cachagrini” ninmi.

JEREMÍAS 48:26

Moab llajta runacunaca, Mandaj Diostamari jatun tucushpa c'ariyashcacuna. Machashpa shungu tigrashca jahuallapitaj singuchun machachichigari. Paicunatapish shungu tigrashcata shina, tucuicuna millashpa asishca cachun.

JEREMÍAS 48:42

Moab runacunaca ñuca, Mandaj Diostamari jatun tucushpa c'ariyarcacuna. Chaimantami paicunaca tucuchishca cangacuna, ña mana llajta shina cangachu.

EZEQUIEL 46:14

Chashnami punllanta shuj malta c'ari ovejahuan, shuj efa cutataca sujtapi chaupishpa, shuj mirgata cungui. Shinallataj tucuimanta yalli alli cutapi chapungapajca, shuj hin nishca medida aceiteta quimsapi chaupishpa shuj partetami cuna cangui. Huiñaipaj quillcachishcapi nishca shinami, Mandaj Dios ñucaman imalla cuna cashcataca cuna cangui.

DANIEL 11:22

Ña mandanapi cashpaca, paita p'iñajcunataca jatun yacu jundashpa, tucuita apaj shinami chingachinga. Paihuan ari ninacuj mandajndijmi huañuchinga.

DANIEL 11:31

Paipaj soldadocunaca Diospaj huasitapish, torretapish yangatami ruranga. Punllanta Diosman cushpa rupachinatapish saquichingami. Chaita saquichishpaca millanana chingachijtami chaipi churanga.

DANIEL 12:11

Punllanta Diosman cushpa rupachinata anchuchishcapachamanta millanana chingachijta Diospaj altarpi churangacamaca 1.290 punllacunami canga.

DANIEL 5:23

Ashtahuanpish jahua pacha Jatun Diosta c'ariyashpa jatun tucushpami, paipaj huasimanta apamushca vasocunata cambaj ñaupajman apaj cachashpa, canpish can churashca mandajcunapish, cambaj huarmicunapish, cambaj caishuj huarmicunapish chaipi vinota ubyashcanguichij. Chashna rurashca jahuapish cullquimanta, curimanta, broncemanta, fierromanta, caspimanta, rumimanta rurashca mana ricuj, mana uyaj, mana imata yachaj dioscunatamari alabangui. Ashtahuanpish cambaj causaita paipaj maquipi charicuj, pai munashpalla can imatapish rurachun saquij Taita Diostaca manamari shuj cutinllapish alabanguichu.

DANIEL 7:25

Jahua pacha Taita Diostapish p'iñashpami millai shimicunata rimanga. Jahua pacha Taita Diospaj jucha illajcunatapish llaquichingami. Huatacunatapish, mandashcacunatapish shujtajyachinatami yuyanga. Diospajlla cajcunaca quimsa huata chaupicamami paipaj maquipi churashca canga.

DANIEL 8:12

Paicunallataj Dios mandashca shina mana rurashcamantami soldadocunatapish, Diosman punllanta animalcunata huañuchishpa cunatapish paipaj maquipi churarca. Mana llullaj shimitaca yanganchishpami pambapi shitarca. Imatapish pai munashcatami rurarca. Chaicunaca paipajca allimi llujshirca.

DANIEL 8:24

Paica ashtahuan ashtahuan c'ari c'ari tucushpami catinga. Mana paipaj quiquin fuerzahuanchu canga. Jatuntami llaquichinga. Tucui chaicunaca paipajca allimi llujshinga. Pai munashcatami ruranga. C'ari c'aricunatapish chingachingami. Diospajlla cajcunatapish chingachingami.

DANIEL 8:25

Yachaj tucushca cashcamanta, ashtahuan ashtahuanmi umashpa catinga. Paipaj shungupica, yallitaj jatun cashcatami yuyanga. Cungaillapimi achcacunata chingachinga. Tucui mandajcunata Mandajhuanpish macanacungapajmi jataringa. Shina cashpapish gentecuna huañuchishca mana cashca cashpapish, chingachishcami canga.

DANIEL 9:25

Caitaca allimi entendina cangui: Jerusalenta cutin shayachichun nishpa mandashcamantapacha, Mesías nishca Mandaj shamungacamaca canchis semanacuna, sujta chunga ishqui semanacunami canga. Plaza pambatapish, pueblo muyundij pircatapish llaqui punllacunapimi allichingacuna.

NÚMEROS 28:3

Paicunataca Mandaj Diosman cushpa rupachinataca caicunata cuchun mandai: Shuj huatata charij ishqui malta c'ari ovejata punllanta cuchun. Chaicunaca ima mana tucushca cachun. Chai shina cushpa tucui rupachinataca punllanta cucuchunlla.

Lucas 21:24

Maijancunataca espadahuanmi huañuchingacuna, shujtajcunataca tucui llajtacunamanmi prezu apangacuna. Jerusalenca mana israelcuna sarushcami canga. Paicuna sarushca cana punlla pajtangacamami, mana israelcuna mandanga.

2 Tesalonicenses 2:4

Chai runami tucuicunapaj jahuapi caj Taita Diostapish paita adorajcunatapish p'iñashpa jataringa. Chaimantaca Taita Diosmi cani nishpami, Taita Dios tucushpa Taita Diosta adorana huasipi tiyaringa.

Hebreos 2:10

Tucui imalla tiyajcunapish Dios rurashcami. Paillamantatajmi tucui imapish tiyan. Diosca tucui paipaj huahuacunata paipaj sumaj llajtaman pushanatami munan. Chaipajca Cristotami llaquita apashpa, cashcata ruraj paicunapaj quishpichij cachun churarca.

Apocalipsis 17:14

Paicunaca Ovejahuanmi macanacunga. Ovejaca Mandajcunapajpish Mandaj, Jatun Mandajcunapajpish Jatun Mandaj cashcamantaca paimi mishanga. Paihuan cajcunapish Dios agllashpa cayashcacunami, paillapi shunguta churajcunami” nircami.