DANIEL 8:10 - Dios Rimashca Shimicunami

¹⁰ Jahua pacha Taita Diospaj soldadocunacama chayajta huiñashpami, mirga soldadocunatapish, mirga luzerocunatapish allpaman urmachishpa sarurca.

DANIEL 8:10 Iomraidhean Croise

ISAÍAS 14:13

Canca cambaj shungupica, cashnami nirij carcangui: Jahua pachaman huichiyasha. Chaipica, Taita Diospaj luzerocuna jahuapi ñuca mandanata rurasha. Dioscuna ricurina urcupimi tiyarisha. Janaj lado c'uchumanmi tiyarisha.

JEREMÍAS 48:26

Moab llajta runacunaca, Mandaj Diostamari jatun tucushpa c'ariyashcacuna. Machashpa shungu tigrashca jahuallapitaj singuchun machachichigari. Paicunatapish shungu tigrashcata shina, tucuicuna millashpa asishca cachun.

DANIEL 11:28

Janaj lado llajtata jatun mandajca achca charinacunahuanmi paipaj llajtaman tigranga. Paipaj shungupica, jucha illaj Dioshuan israelcuna ari ninacushcata p'iñashpa pai munashcata rurashpa llaquichishpami, paipaj llajtamanca chashna tigranga.

DANIEL 11:30

Quitim llajtamanta soldadocuna barcocunapi shamushpami, paitaca mishanga. Chaimi paica pingai tucushpa huashaman tigrashpaca, yallitaj p'iñarishpa israelcuna Dioshuan ari ninacushcata p'iñashpa pai munashca shina llaquichinga. Dioshuan ari ninacushcata p'aquijcunahuan parlanacushpami paicunapaj allita ruranga.

DANIEL 7:7

Muscuipi shina ricucui tutallatajmi quimsapaj q'uipaca shujtaj animal llujshijta ricurcani. Chaica manchanana, yallitaj jatun, yallitaj fuerzayujmi carca. Paica jatun fierro quirucunatami charirca. Chaihuanmi tucuita ñutushpa millpurca. Puchushcacunataca paipaj chaquicunahuanmi sarurca. Chai animalca ñaupaman ricushca animalcunamanca maijanman mana rijchajchu carca. Chunga gachucunayujmi carca.

DANIEL 8:7

Carneropajman chayashpaca paihuan macanacungapaj shayarishpami chugrichishpa ishquindij gachucunata p'aquirca. Carneroca paihuan macanacungapajca mana fuerzata charircachu. Chaimi chai carnerotaca pambapi urmachishpa sarurca. Chai carnerota mitsajca pi mana tiyarcachu.

Apocalipsis 12:4

Chai dragonca, quimsapi chaupishca shuj parte luzerocunatami, cielomanta allpa pachaman paipaj chupahuan aisashpa shitarca. Chai dragonca huachanachicuj huarmipaj ñaupajpimi, huahua huacharinca huahuata millpungapaj shayarirca.